ازياء - فساتين سهرة و مكياج و طبخ

خسارة الحب..ماتستاهل أختارك

خسارة أغليك..وأثني عزّتي دونك

من آخر الجرح جيتك..هاك تذكارك

آخر قصيدة..كتبها الجرح لعيونك

غرورك الي رقى بك..فوق مقدارك

انا اطلب الله يجي له يوم..ويخونك

أنا أول الي حيّاك..وهام بأشعارك

وأنا آخر الي يموت لاجل يحيّونك

مليت أنا أرضى بجفاك.وبارد أعذارك

مليت أمد النظر..وتهينه غبونك

مصير وقتك يبور..وتذبل أزهارك

ومصير كل الجروح الحمر ينسونك

واليوم يا الجرح..والله لآخذ بثارك

وأسقيك من دم قلبٍ خيّب ظنونك

خلّه ترى الي حصل من لعنة أقدارك

وإرحل مع الي يحبك وصل..ويصونك

وما جيت أبنشد عن الهجران وأخبارك

جيتك أبسألك بعد الجرح وشلونك؟