ازياء - فساتين سهرة و مكياج و طبخ - حوار مع مواطن مصري خفيف الظل

حوار مع مواطن مصري خفيف الظل

# يقال إن 87%من الشعب المصرى ساخطون على الحكومة المصرية - ما تعليقك؟

- ال13% الباقين أكيد معاهم جنسيات أخرى.

# لماذا يطلق المصريون على زوجاتهم لقب "الحكومة"؟

- لصعوبة تغييرها مهما تسببت فى كوارث.

# أين يمكنك أن تلاحظ سوء نية المصرين؟

- عندما يغنون للطفل البريء بمنتهى الخبث قائلين.. "يا رب يا ربنا - تكبر وتبقى زينا".

# إمتى بتحس إن البلد حلوة؟

- ما بأحسش إن بلدنا حلوة غير لما داليدا بتقول: "حلوة يا بلدى"... بغض النظر إنها قالتها وانتحرت!!!

# تقرير: 60% من الرجال المصرين ب"يشَخَّروا" وهم نائمون.. ما تعليقك؟

- ال40% الباقين ب"يشخُروا" وهما صاحين.

# ما الفرق الأهم بين مصر وأمريكا؟

- الفرق الأهم إن عائد السياحة من الهرم المزيف الموجود فى لاس فيجاس مائة ضعف عائد السياحة من الهرم الحقيقى فى الجيزة.

# بماذا ستجيب كمصرى عند سؤالك عن عمرك فيما أفنيته بعد عمر طويل؟

- أفنيته فى إشارة قصر النيل مستنيها تفتح، وفى صلاح سالم مستنيه يتحرك، وعلى كوبري أكتوبر مستنى لما رئيس الوزراء يروح بيته.

# من المستفيد من الزحام الذى يسيطر على شوارع القاهرة؟

- شركات المحمول.. كله واقف فى الإشارة ماسك الموبايل بيخلص شغل أو بيعتذر عن التأخير أو بيسلى نفسه على الأقل، وبالتالى تعتبر الإدارة العامة للمرو هى المستفيد الثانى من مخالفات استخدام المحمول أثناء القيادة.

# ما الفرق بين الزوجة المصرية والزوجة البنانية؟

- 40 كيلو جرام.

هههههههههههههههههههههه صراحة كل إجابة أحلى من الثانية

أتمنى تعجبكم