ازياء - فساتين سهرة و مكياج و طبخ - ازاى تختار زوجك وتعيشى متهنيه ؟؟؟؟

السلام عليكم

لاحظت بنات كتير بتدخل تقرا المشاكل بتاعتنا مع ازواجنا وتقول اتعقدت من الجواز

يعني واحدة جوزها بيضربها

والتانية بيخونها

والتانية بيشتمها

وغيره

طيب عايزة ما تكونيش كدة؟

عايزة بأمر الله تعيشي سعيدة والبركة تحل على بيتك وعليكي انتي وزوجك؟؟

اقول لك بقى تختاري ازاي الزوج الي يسعدك بأمر الله

الدين ثم الدين واي حاجة تانية تكون بعدين

اقول لكم تجربتي

انا اتقدم لي ناس كتير قبل جوزي

كان فيهم عرسان اعلى منه ماديا (اتجوزت في شقة ايجار جديد)

وظروفهم احسن منه(اول ما اتجوزت كانت حماتي قاعدة معايا)

وأكثر منه وسامة (بس بيني وبينكم انا جوزي في نظري احسن واجمل راجل في
الدنيا)

بس والدي ربنا يبارك له كان يقول لي عايز اديكي لراجل يكون يعرف ربنا بجد عشان

اطمن عليكي

وانا كمان بقيت بافكر من المنطلق ده

وقلت لنفسي انا عايزة ايه غير راجل اعيش معاه متصانة ومرتاحة؟؟

وبفضل الله

عمره ما أهاني ولا غلط فية ابدا مهما حصل

بيحب اهلي وهمة بيحبوه جدا

عمره ما بيكذب علية ابدا

عمره ما بيبص برة ابدا

لعلمك انا حسبتها بالراحة كدة يعني لو اتجوزت واحد مش متدين بس بيحبني قوي
بيموت فيا

اكيد هيجي يوم يبص برة او يكذب علية.

اما لو متدين عمره مايعملها لانه بيخاف من ربنا.

دي تجربتي باختصار

والنتيجة الحمد لله مشاكلي مع زوجي مشاكل عادية بتتحل بينا وبين بعض وعمر ماحد يعرف بيها.

ياريت كل واحدة تفكر قبل ما تختار

وكل ام تنصح بنتها وتساعدها في اختيارها

البنات بتكون تفكيرها لسة مش ناضج كفاية

يعني بعض البنات بتفكر بشكل سطحي وبس

والله انا بعد الخطوبة رحت قلت له انا مش عايزة شبكة.

مع انه كان ا تفق مع بابا

بس هوة كان عليه اعباء كتير

وانا الي رفضت اجيب شبكة

بس طبعا بعد ما لمست فيه الدين والاخلاق وحسيت ان ده اهم من اي شبكة وكلام من
ده.

بلاش تدوري على الدهب والفستان والفرح والديكور والشقة فين وكام اوضة

ونسى الاساس الشريك الي هانعيش العمر معاه

صدقيني ما فيش اقوي من الدين يكون اساس لاختيارك
ولبناء اسرتك.

طب اقولكم عل حاجة

واحدة صاحبتي ربنا يهدي لها جوزها

ضرب
وسب دين استغفر الله

وطرد من البيت على اتفه سبب

باقول لها انا مش عارفة انتي كان عاجبك فيه ايه
تقول لي اصله كان بيرقص في فرح صاحبتي وحبيته من اول نظرة

شفتوا الهنا الي انا فيه

والله كنت هاتجنن

ربنا يهدينا يارب

حبيت اقول تجربتي عشان بدل ما نتعقد من مشاكل غيرنا لا احنا نتعلم منها عشان بإذن

الله ربنا يوفقنا في اختيارنا

والسلام عليكم ورحمة الله وبركاته

رايحين فين؟؟؟
الي هاتخرج من غير ماتدعي لي هازعل منها بجد