ازياء - فساتين سهرة و مكياج و طبخ - قصة صارت معي انا وابن عمي‎

هادي القصة مش معي انا مع وحدة تانية لا حد يفكر معي انا
بدي احكيلكم قصة رومنسيه
صارت مع ابن عمي نزار ومعي
وانا علقت معه فيها وخبصنا الدنيا

اولا انا وابن عمي ساكنين بضواحي اربد

وبينا وبين وسط البلد حوالي ربع ساعه بالسيارة وثلث ساعه بالباص

طبعا انا بعد ما اكتبلكم القصة رح يجي نزار يطحن عضامي

بس معلش خلي الشباب تنبسط وتنكش مخاتها عليه

وبدون طول حكي ع الفاضي

امبارح بعد صلاة العصر ( اه انا بصلي و الحمد لله )

اطلعت لعند الحلاق بدي اقص شعري و ازبط حالي

وحكيت مع نزار يلاقيني في الصالون علشان انروح مع بعض

و الله لما اجى كنت لسه بطق حنك مع خالي الي هو صاحب الصالون

فاجى نزار وقعد وانا قمت احلق

و كان ساعتها وادي الذئاب 4 مبلش فمطت الحلاقة شي ساعه ساعه ونص
لانه خالي بيحضر شوي وبيحلقلي شوي ( خفت ليخرب شعري )

المهم خلص وادي الذئاب وخلصت احلاقة

اعطينا خالي الي فيه النصيب ( ) وانزلنا نتمشى

ومرينا على صاحب النا فاتح كافيه واعطيناه برنامج كاس العالم الي نسقناه اله

مع العلم انوا نزار بيشجع هولندا قال ( و الله ما بيدري عن حاله )

وانا طبعا بشجع ايطاليا بطلت العالم

وبحب البرازيل كتير

يا مسكين يا نزار رايحين انشلكوا شل

اعطيناه البرنامج وانزلنا على السهل نتمشى بين حقول القمح المصفرن

واحنا بنتمشى

اجاه مسج >>>>>>>>>> ويا حزركوا من مين المسج

المهم سألني ::::::::::::

عمرك اسمعت بشبس اسمه بيوقلز ؟؟؟؟

المسكين عمره ما هو سامع فيه او شايفه

قلتله ::: ول ما بتعرف بيوقلز
اه بعرفه كل يوم بشتري منه

قلي بدي اشتري منه كمن واحد

قلتله عنا هون ما في

قلي خلينا نسأل

قلتله يلا هسا بنشوف

رحنا سألنا ما في فكل المنطقه
(ساعتها خف ضمان عقلي ول ليش ما بيجيبوا )
اه قلي صاحب الدكان احنا مقاطعينه
بس في عنا دوريتوس اذا بتحب

( شو هاد !!!! عندكوا دوريتوس وما عندكوا بيوقلز ؟؟؟؟!!!)

ساعتها قلت لابن عمي خلص بس اطلع على اربد بجيبلك

قلي لا
انا هسا بدي
ولك يا ابن الحلال وين بدنا نروح انجيبلك هسا
انا تعبان وبدي اروح اغسل خلص بجيبلك بكرة

لزق فيا الا اخذه على اربد واشتريله من هناك
ولك طيب ليش ؟؟! شو القصة ؟!!
احكيلي ؟؟؟
شو الي جاب على بالك بيوقلز هسا ؟؟
اصلا انت ما كنت عارفه هسا علقت وبدك تشتريه ؟؟؟
قولي شو القصة ؟؟

ساعتها قلي انه كل القصه من المسج الي اجاه قبل اشوي ؟

ومين بعتلك المسج يا روح ماما انتا

استحى

ساعتها اعرفت لحالي

(كانت حبيبته بدها تنزل تشتري بيوقلز
اخونا بالله فكره شبس فطوطه
راح قال اللها انه هو رح يجيبلها منه لحتى تشبع )

وهو هسا منحرج منها
كيف بدوا ايقلها انه ما لقي منه

المهم بعد ما قعد يترجا فيا ساعه
( وانا بحب اقلكم اني حنون كتير
وبحب القصص الرومنسية وبموت فيها )

وافقت اروح معه ( بس لا تبكي يا ابن عمي ولا يهمك )

قديش معك يا حبيبي حتى نطلع على اربد

معي 1 jd

بحيات ربك ( بتحكي جد )

دينار وبدك تشبعها بيوقلز فيه

ولك هاد ما بيكفينا اجار باص لاربد رايح جاي

دبرها ابو حميد (امانه لا تفضحنا )

امري لربي (مشكلتي اني اجن منك )

روح يا ابن عمي يلا كرمال عيونك بدمر الدنيا

و الله اطلعنا بالباص ورحنا على اربد
بيسألونا الشباب وين رايحين وليش؟؟؟

رحنا قلنالهم رايحين نشتري شبس

فرطوا ضحك علينا

فكرونا شاربين او محبين وسالخين كمن سجارة حشيش

ما درو انا مبلين بالحب و الرومنسية

و الله انزلنا واشترينا 5 jd شبس بيوقلز ودوريتوس ( صدقوني ما بزل عليكوا بحرف )

وروحنا بالباص

الناس حامله اواعي وهدايا وغراض عليها القيمة راحت اشترتها من اربد
واحنا مروحين من اربد بعد ما صرفنا 5 دننانير على الشبس

الناس فرطت علينا ضحك

و الله المجانين ما بيعملوا الي عملناه

روحنا خايفين لحدا من اهلنا يشوفنا

و الله لو جدي عايش ليذبحنا :10_9_132[1]:

بس شو بدنا نسوي محشين حب :11_1_207[1]: :11_1_209[1]: