قصة الولد والديك قصه مضحكه حتى البكاء
فيه ولد طفران (ماعنده ولا ريال)
راح لأبوه وقاله : عطني 15 ريال ,, ودي اشتري كوره الأب : أقول إنقلع عني تراها واصله معي الولد : تكفى يبه , بس 15 ريال والا أقولك خلها عشرة ريال <--- تخفيضات الأب : ماعندي فلوس ... إذا تبي فلوس رح بع الديك حقك المريض الخايس الي في الحوش .. الولد : بس هذا مريض ومحد بيشتريه الاب : ماعلي منك , دبّر نفسك والله الولد استسلم للأمر الواقع وأخذ الديك أول واحد قابله في وجهه أكيد أبوه.... قاله الولد : تشتري الديك؟ الاب : اقول بتنقلع عني ولا أقوم اتوطا في بطنك؟ الولد :خلاص خلاص لاتنفخ طلع الولد من البيت ومعه الديك في محاولة يائسة إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك قال الولد : ام , والله مالي إلا فلانة , عقلها خفيف وأكيد راح أقدر ألعب عليها بسهولة . . فلانه هذي كانت وحده متزوجة بس للأسف كانت (رايحه فيها) راح لها الولد عشان يبيع عليها الديك الولد : تشترين الديك تكفين ؟ هي : هلا والله بحبيبي .. تعال قرب مني عشان أبوسك بوسة خفيفة الولد : أقول مانيب فاضي لك .. <--- العن أم الأشغال خذي مني الديك وخليني اروح . . هي : تروح وين ياعمري؟!! انا ماصدقت إني شفت رجال عندي في البيت ... الولد: ومنهو الي قالك إني انا رجال ؟ خذي مني الديك وخليني أنقلع شوي الا الباب يطق خافت الحرمه وقالت للولد : تعال إندس هنا في الدولاب لايطلع زوجي ثم أروح فيها. حطت الولد في الدولاب وراحت فتحت الباب إلا ويطلعلها صديقها الي ما يحتاج !!.. الحرمه: هلا والله بعمري وحياتي . . الرجال: يا هلا فيكي ياعمري ما أمدا الرجال يكمل كلمته إلا والباب يطق الحرمه: ياويلي ويلاه ,, هذا شكله زوجي تعال وادخل في الدولاب دخل خوينا في الدولاب وفجأه في عز الظلام سمع صوت يكلمه داخل الدولاب ويقوله: تشتري الديك؟ الرجال: اص ,,,, وطي صوتك الله يرحم والديك لاتفضحنا الولد : أقول تشتري الديك؟ <--- زهق الأخ الرجال : ياخوي خلاص بشتري الديك بس قصر على صوتك تكفى الولد : طيب الرجال : بس بكم تبيعه ؟ الورع : ب 100 ريال الرجال : ايش !!!!!!!!!!!! هالديك المنتوف المريض ب100 ريال !!!!!!! الولد : تبي تشتري ولا ارفع صوتي ؟ الرجال : لا لا خلاص ,,ابشتري وأمري لله جلسوا 5 دقايق الولد : تبيع الديك ؟ الرجال : توك بايعه عليّ يابن الحلال !! الورع : تبيعه علي ولا ارفع صوتي ؟ <--- أحلى تهديد الرجال : لا لا خلاص ,,أبيعه وأمري لله ,, بكم تشتريه؟ الولد : بريال <--- ذابح عمره الرجال: ايش !! بريال !!!! انا مشتريه منك ب 100 وانت تشتريه مني بريال !!!!! الولد : تبيعه علي ولا ارفع صوتي ؟ <-- العن أم النشبة الرجال : لا لا خلاص ,,ابيعه وأمري لله جلسو 5 دقايق الولد : تشتري الديك ؟ الرجال : ياخوي توني مشتريه منك !! الولد : تبي تشتري ولا ارفع صوتي ؟ الرجال : لا لا خلاص ,,ابشتري وأمري لله ,,, بكم تبيعه ؟ الولد : ب200 ريال الرجال : الله يمحط بك ان شاءلله , توني مشتريه منك ب 100 ريال ! الولد : تبي تشتري ولا ارفع صوتي ؟ الرجال : لا لا خلاص ,ابشتري وأمري لله جلسوا 5 دقايق الولد : تبيع الديك ؟ الرجال : انا لله وإنا إليه راجعون ،بكم تبي تشتريه ؟ الولد : بريال الرجال : وش تبيني أقول !! تبيني أبكي ولا أشقق هدومي يالله خذ الديك وبلاش بعد ما أخذ الولد الديك شوي إلا والحرمه فاتحه عليهم الدولاب وقالت لهم : يالله بسرعه انحاشوا مادام إن زوجي في الحمام , بس واحد وراء الثاني وبشويش عشان لايحس فيكم زوجي طلع الرجال وانحاش ولحقه الولد بعده ب 5 دقايق . . المهم . . قام الولد يتمشى في ال وهو مستانس إن صار معاه فلوس بعدين راح للبيت يوم دخل البيت شاف أبوه قدامه .. راح قال لابوه : تشتري الديك ؟ الأب ناظر فيه والشرار طالع من عيونه وقاله : مايكفيك ال 300ريال الي لطشتها مني في الدولاب ؟؟ |
الساعة الآن توقيت السعودية الرياض و الدمام و القصيم و جدة 08:32 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.