ايس كريم بفواكه الصيف
 

ايس كريم المانجو




المقادير:
• 4 ثمرات مانجو.
• 10 ملاعق سكر ناعم.
• عصير ليمونة.
• نصف كيلو لبن حليب بارد.
• ملعقتين جوز هند.
• علبة كريم شانيته.
• كوب كبير لبن حليب بارد "لاستخدام في عمل الكريم شانتيه".
• كوب صغير مياه باردة.
للتزين:
• 2 حبة مانجو مقطعة قطع صغيرة جدّا.
• كريز.




الطريقة:
أول حاجة تعمليها هي إنك تحضري الكريم شانتيه بإنك تخلطي الماء المثلج جيداً مع باودر الكريم شانتيه مع كوب البن البارد بالمضرب الكهربائي كويس جدّاً لمدة 10 دقائق حتى يتضاعف حجمه ويصبح كريمي، بعد كده حطيه في التلاجة.
قشري المانجو ثم قطعيها إلى أجزاء متوسطة، وبعد كده اضربيها في الخلاط مع باقي المقادير، وبعد كده خرّجي الكريم شانتيه من التلاجة وحطيه في كاسات الآيس كريم وصبي فوقه المانجو، ودخليه في الفريزر لمدة ست ساعات.. بعد مرور الست ساعات خرجيه من الفريرز، ولتزين قطّعي عليه قطع صغيرة من المانجو وحطي كريز، وبالهنا والشفا..


********************
آيس كريم الموز





المقادير:
• نص كيلو لبن حليب بارد.
• علبة كريم شانيته.
• 3 أكواب صغيرة سكر.
• 3 ثمرات موز مهروس.
• عصير ليمونة.




الطريقة:
اضربي المقادير كلها مع بعضها بالمضرب الكهربائي وبعد حطيها في كاسات الآيس كريم ودخليها الفريرز وبعد طلعيها.. وبالهنا والشفا...


*******************
آيس كريم الفراولة





المقادير:
• 3 أكواب فراولة.
• كوب كبير سكر.
• 1 كوب لبن حليب بارد.
• علبة كريم شانتيه.
• كوب صغير ميه باردة.




الطريقة:
أول حاجة تعمليها هي إنك تحضري الكريم شانتيه بإنك تخلطي الماء المثلج جيداً مع باودر الكريم شانتيه مع كوب البن البارد بالمضرب الكهربائي كويس جدّاً لمدة 10 دقائق حتى يتضاعف حجمه ويصبح كريمي، وبعد كده تدخليه الثلاجة حتى الاستعمال.
بعد كده اهرسي الفراولة مع كوب السكر بإيديك كويس وبعد كده صفيها، وهاتي كاسات الآيس كريم وحطي فيها الكريم شانيته وعصير الفراولة وقطّعي عليها قطع صغيرة فراولة، وبالهنا والشفا..
******************
آيس كريم الخوخ






المقادير:
• نص كيلو خوخ.
• 10 ملاعق سكر ناعم.
• عصير ليمونة.
• علبة كريم شانتيه.
• 1/2 كوب ماء بارد.
• كوب كبير لبن بارد.
• ملعقة فانيليا صغيرة.




الطريقة:
أول حاجة تعمليها هي إنك تحضري الكريم شانتيه بإنك تخلطي الماء المثلج جيداً مع باودر الكريم شانتيه مع كوب البن البارد بالمضرب الكهربائي كويس جدّاً لمدة 10 دقائق حتى يتضاعف حجمه ويصبح كريمي، وبعد كده تدخليه الثلاجة حتى الاستعمال.
حطي قطع الخوخ وعصير اليمون والماء في إناء كبير واستنّي عليهم لغاية ما يغلوا وبعد كده غطي الإناء وطّي البوتجاز وسيبيهم لمدة ربع ساعة كمان علشان الخوخ يستوي بعد كده ضيفي السكر مع التقليب المستمر، سيبيه على النار لمدة ربع ساعة بعد كده اطفي البوتجاز، وسيبيه لغاية ما يبرد، وبعد كده صفّيه وحطيه في التلاجة لمدة 3 ساعات.
هاتي كاسات الآيس كريم وحطي فيها الخوخ والكريم شانتيه وممكن إنك تزينيها بعض من قطع الخوخ.. وبالهنا والشفا...
******************




آيس كريم الشيكولاته





المقادير:
• 2 كوب كريمة ثقيلة أو كريم شانتيه.
• 1/2 كوب سكر.
• 1 كوب وبينج كريم.
• كوب لبن حليب بارد.
• 3 ملاعق طعام كاكاو بودرة.



الطريقة:
اخلطي جميع المقادير دي مع بعضها بالمضرب الكهربائي، بعد كده حطيها في كاسات الآيس كريم ودخليها الفريزر لمدة ست ساعات، بعد كده طلعيها وحطيها في كاسات الآيس كريم وبالهنا والشفا...
******************



آيس كريم القهوة





المقادير:
• كوب كبير لبن مُحلَّى.
• كوب كبير قهوة محضرة باردة.
• رشة ملح.
• معلقة صغيرة فانيليا.
• 2 كوب كريمة ثقيلة مخفوقة أو كريم شانتيه.




الطريقة:
اخلطي كل المقادير دي مع بعضها كويس بالمضرب الكهربائي، وبعد كده حطيها في كاسات الآيس كريم ودخليها الفريزر لمدة ست ساعات وبالهنا والشفا...


اتمنى ان يعجبكم موضوعي

رد: ايس كريم بفواكه الصيف
 

رد: ايس كريم بفواكه الصيف
 

تسلم ايدك خيتوؤوؤوؤوؤو

رد: ايس كريم بفواكه الصيف
 

مشكوره والله يعطيك العافيه..

رد: ايس كريم بفواكه الصيف
 

مشكورة وصفة لذيذة