ازياء - فساتين سهرة و مكياج و طبخ

https://photos2.azyya.com/store/uploa...c8b4f0a381.gif

دربي الطويل!!

هيه يا دربي الطويل ولو تمنيتك سعادة
عارفك ما تنتهي بي كود في عكس أمنياتي

إيه أبكي ليه لا واليأس فيني صار عادة
عادي إني أتمنى اليوم هو آخر حياتي

يا زماني والهوى كنت أحسبه سكر زيادة
ما عرفته لين صار بعمري أكبر مشكلاتي

البلا لا صرت راضي فيه لو إنه نكادة
وإن عصيت أتوب عنْه لو يسب لي وفاتي

وينه النسيان والذكرى تجي فوق الإرادة
فين حظي ما يساعدني أقوم أجمع شتاتي

عاشقٍ والعاشق ليا صار صادق في وداده
صار مثلي وافيٍ لو بالوفا فقدان ذاتي

الحكاية ما تبي عقب الحكي شرح وإعادة
واضحة في نظرة عيوني ونبرة مفرداتي

حب لا إعجاب لا مجهول ما عنده شهادة
ما عرفه لكن أشوفه يظهر ويقفي ويأتي

حلم لكن عيب قلبي يوم طوّل في رقاده
لو صحا يمكن معاه أفز وأخرج عن سكاتي

ليل مدري وش تجنن بي بصمته وبسواده
رغم إحساسي بأنه غربتي ولا ماتي

ليه يا دربي الطويل ليا تمنيتك سعادة
ما وصلني منك إلا حاجةٍ عكس أمنياتي

https://photos2.azyya.com/store/uploa...5f9d6fba96.gif