ازياء - فساتين سهرة و مكياج و طبخ

و اقدر أرسم ف أي أوان

أيوة انا طفل معاق غلبان

لكن ....إنسان جواه... فنان

قادر أتخيل كل مكان

و كمان بأبدع في الألوان

أيوه أنا زيك ..أنا ....إنسان

أقدر أحب بكل كيان

ده على فكرة مش هذيان

نفسي أعيش زيك في أمان

لكن جوايا قلقان

نفسي أعيش في إطمئنان

نفسي اطوف كل البلدان

نفسي أصون دم الأوطان

انا زيك مش خاين جبان

نفسي ونفسي ما أنا.... إنسان

قادر أصرخ قادر أكون

قادر أتحدى كل الكون

سيبلي الفرصة أمشي بدون

ما تحاول تساعدني حأكون

ناجح فالح مأنا ....إنسان

زيك والله و.... فنان

شوفني بعين مفيهاش حرمان

ده العين دي واجعة.. الفنان

شوفني بقلب مليه الحنان

أنا إنسان ..إنسان.... إنسان

ربي خلقني قادر أفرح

أجري وألعب أضحك وأمرح

ما تسيبني أعيش و أتبحبح

من غير ما تحاول تجرح

ده أنا إنسان والله ....إنسان