| زولة عجيبة خلاص♀¶ |
07-19-2010 02:11 PM |
مش عيب ياجماعة =
ما اخوك الصغير ينزل يصلي في المسجد وانت مش بتصلي؟؟ مش عيب عليك؟؟ لما مشلول يموت في صلاة الفجر في المسجد وانت نايم؟؟ مش عيب عليك؟؟ لما مراتك تصلي وانت مبتصليش؟؟ مش عيب عليك؟؟ لما نتعامل مع ربنا بالمصالح؟؟ ايام الامتحانات والازمات ...والابتلاءات ولما كان والدك في الم...ستشفى ولما كان ابنك مريض ولما ولما ولما سعتها بنفتكر الصلاة الصحيحة وبنركز فيها 1000000% ونفضل نقول يارب يارب يارب من قلبنا وينطبق علينا الاية ((وَإِذَا مَسَّ الإِنسَانَ الضُّرُّ دَعَانَا لِجَنبِهِ أَوْ قَاعِدًا أَوْ قَائِمًا فَلَمَّا كَشَفْنَا عَنْهُ ضُرَّهُ مَرَّ كَأَن لَّمْ يَدْعُنَا إِلَى ضُرٍّ مَّسَّهُ كَذَلِكَ زُيِّنَ لِلْمُسْرِفِينَ مَا كَانُواْ يَعْمَلُونَ )) وكمان ((وَإِذَا مَسَّ الإِنسَانَ ضُرٌّ دَعَا رَبَّهُ مُنِيبًا إِلَيْهِ ثُمَّ إِذَا خَوَّلَهُ نِعْمَةً مِّنْهُ نَسِيَ مَا كَانَ يَدْعُو إِلَيْهِ مِن قَبْلُ وَجَعَلَ لِلَّهِ أَندَادًا لِّيُضِلَّ عَن سَبِيلِهِ قُلْ تَمَتَّعْ بِكُفْرِكَ قَلِيلاً إِنَّكَ مِنْ أَصْحَابِ النَّارِ)) وكمان دي ((وَإِذَا أَنْعَمْنَا عَلَى الإِنسَانِ أَعْرَضَ وَنَأَى بِجَانِبِهِ وَإِذَا مَسَّهُ الشَّرُّ فَذُو دُعَاءٍ عَرِيضٍ)) مش دي مصالح؟؟ لو محمود صاحبك أو سوسن صاحبِتِك عمل معاك الموقف ده ايام الامتحانات تليفونات وزيارات وحبايب علشان ياخد منك تلخيص مادة أو علشان تشرحيلها حاجة وبعد آآآآآآآآآآآآآآخر يوم من الامتحان ولا بيسأل فيك ولا هي بتعَبَّرِك ولو عدت جنب بيتك ولا حتى تبص على البيت لو جه السنة الى بعدها في مصلحة هتديله؟؟ هتديلها؟؟ مش دي مصالح؟؟ ولله المثل الاعلى نفس القصة الظهر بتاع اخر يوم في الامتحان مش بنصليه علشان خلاص الامتحانات خلصت لدرجة ان في بعض الناس بيقولوا لبعض مش هتخلص امتحانات امته لا بيقولوا هتبطل صلاة إمته؟؟ للدرجة دي بقي تعاملنا مع ربنا؟؟ ((مَّا لَكُمْ لا تَرْجُونَ لِلَّهِ وَقَارًا ))؟؟؟؟ ليه بنعمل كده؟؟ وهو كل سنة بنرجعله ايام الامتحانات ونعمل نفس الموقف وبرضه بيقبلنا ومش بيعاملنا زي ما بنعامله في كمان لما بتكون في عربية السواق لو شتمك أو شتم والدك أو والدتك الدنيا تتقلب وممكن توصل لدم وتروحوا القسم لكن يسب الدين عادي أنا مالي إنت مالك؟؟!!!!؟؟ دينك دينك لحمك ودمك لو عمرو دياب قال كلمة على تامر حسني مليون جروب مليون صفحة تتعمل ومليون صفحة وجروب للدفاع عن تامر حسني ولما نور الشريف اتمسك والله اعلم بالي كان بيحصل الدنيا اتقلبت ازاي؟؟ ده نور الشريف ولما الرسول يتشتم أو المسجد الاقصى يحصل فيه شئ أو القرآن يتمزق صم بكم عمي مليش دعوة والناس الى بنلاقي بقهم قد كده علشان تيمو أو نور الشريف عمرنا مسمعناهم بيبكوا على الرسول ولا الاقصى وممكن ميعرفوش هو ايه الى حصل في الاقصى اساسا ((ما لكم لا ترجون لله وقاراً))؟؟؟ لو ماتش بين الاهلي والزمالك الماتش الساعة 8 بليل الجمهور بيبدأ يروح من الساعة 1 الظهر يقعد 7 ساعات في المدرجات علشان يتفرج على الاهلي والزمالك لكن لو الامام طول في الركعات في صلاة التراويح الي هي لما بتطول قوي بتوصل ساعتين الدنيا تقوم ولا تقعد الامام متشد ولما تروح تضيع 7 ساعات يضيع فيها الظهر والعصر والمغرب والعشاء محدش يكلمك ((ما لكم لا ترجون لله وقاراً))؟؟؟؟ دروس الانجلش والعربي والرياضيات والفلسفة يتجاب فلوس من تحت الارض نبيع اي شئ في البيت نتداين للناس نستلف نعمل اي شئ الواد لازم يتعلم لكن درس تحفيظ القرآن كبيره جدا 20 جنيه في الشهر 20 جنيه؟!!!!!!!!!!!!!!!!!!!!!!!!! !!!!!!!!!!!!!!!!؟ وانا اجيب فلوس منين؟؟ وياريت ابنك او بنتك بينفعوا من الدروس الي بياخدوها ولا بيرجعولك نص تمنها مفيش غير لما يوصلوا جامعة يحاولوا ينتسبوا لطبقة اكبر من طبقتك ولو قابلك في ال ممكن يتكسف يسلم عليك قدام صحابه أو تتكسف هي تروحلك قدام صديقاتها ونقول هو ايه الى حصل في الدنيا؟؟ ((ما لكم لا ترجون لله وقارا))؟؟ مش عيب لما مسلمين في اوروبا وامريكا بيصلوا وهما خايفين في اي لحظة حد ياخدهم يعتقلهم وبيقروا قرآن بأحكامه وإحنا هنا معظمنا لا يجيد قرآءة الفاتحة صحيحة ويقول على الصاد سين وعلى الضاد دال ؟؟ ومساجدنا مفتوحة وبتصلي وانت مش خايف من حد وبرضه مش بتروحه الا يوم الجمعة ومن المسلمين أناس لا يدخلون المسجد الا على ظهورهم لا ليصلوا ولكن ليصلي عليهم ((ما لكم لا ترجون لله وقارا))؟؟ الاستاذ في الفصل لالا المدير في المدرسة لالا الدكتور في الجامعة لالا حاجة اكبر من كده الوزير لالا رئيس الجمهورية في العرض العسكري 2000 جندي واقفين في الشمس لو بس اتحرك او بص بعينه شمال ولا يمين ((--------------------------)) لكن في الصلاة بنجيب المبة بعنيننا والراجل الى قدامي لابس ايه والشيخ لابس ايه وليه شعره مش متسرح؟؟ وامبارح كلنا ايه وشربنا ايه لما كنا في المصيف السنة الى قبل الي فات؟؟ وفي المحاضرة الفلانية عملنا كذا؟؟ ولا نفوق الا عندما نسمع ((السلام عليكم ورحمة الله السلام عليكم ورحمة الله)) ونسينا أو تناسينا ان ليس للمرء من صلاته الا ما عقل وان الله يبسط وجهه للمصلي ما لم يلتفت وان الالتفات في الصلاة اختلاس بياخده منك الشيطان في صلاتك ((ما لكم لا ترجون لله وقارا))؟؟ اذا سمعت انك ليك مبلغ معين من المال فى مكان ما وهو بعيد اوى وهياخد منك مجهود وتكلفه مواصلات كتير وماله لازم اخد فلوسى يا جدع اهو اتعب شويه بس فلوسى تبقى فى حضنى برضه ده انا لو مشيت بلاد لازم اجيبها لكن لو اتقالك الصلاة في المسجد مش ب 27 حسنة زيادة لا دي ب 27 درجة زيادة درجة مش حسنة منزلة اعلى تقول ياعم قول يارب انا تعبان ولسه راجع من الشغل و و و والدين يسر ويسروا ولا تعسروا مكونتش تعبان وانت بتاخد المشوار ده كله علشان 7 جنيه اساسا ميكفوش انك تشتري بيهم لب؟؟ ((ما لكم لا ترجون لله وقاراً))؟؟ لو بنت مش محجبة في الجامعة حد كلمها الدنيا تتقلب والحرية الديموقراطية لكن لو منتقبة صم بكم عمي أصلي النقاب مش فرض يعني هو ان التانية تطلع بشعرها فرض؟؟ ايه الى حصلنا؟؟ ((ما لكم لا ترجون لله وقاراً)) لما يكون من كل في 2 ولا 3 ولا عشرة ولا 50 من 450 واحد بيصلوا الفجر والباقي نايم ومنهم من ينام قبل الفجر بدقايق تسأله ليه يقولك العمل عبادة ولازم ارتاح علشان اتق العمل وبنقول ليه مش بنتصر؟؟ ما لكم لا ترجون لله وقاراً؟؟ ليه الدين بقي الشئ العادي الى نضحي بيه؟؟؟ ليه لو في شئ ملوش لزمة الناس كلها تجري عليه ولما تلاقي حد بدأ كلامه بقول الحمد لله رب العالمين كله يقول الشيوخ هيبتدوا اهم؟؟؟ ليه يا جماعة وصلنا كده؟؟؟ الوقت لسه في ايدك ابدأ بنفسك حتى لو العالم كله بايظ حواليك ابدأ بنفسك أنا وانت اتنين بكرة نكون اربعة يلا نعمل شئ جديد يلا نغير الي بقينا فيه يلا نرفع ديننا يلا نصلي في المسجد يلا نحفظ قرآن ونقراه وميتركنش ويتملي تراب يلا نصل رحمنا نغير حياتنا ندخل البسمة على وجوه المسلمين الى الزمن تعبهم دلوقتي يلا من دلوقتي ابدأ وقول أنا خلاص هتغير أنا خلاص هبتدي اصلي انا خلاص مش هرجع لحياتي الي فات تاني أنا هبقى مسلم وبحب ديني وهرفع رايته "قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور ارحيم:icon_arrow:
|
