ازياء - فساتين سهرة و مكياج و طبخ

حتى الحكي جافاني وصار الصمت عنواني ..!
أنا قرت هالحظه أبكتب قصة أحزاني
ابكتب كل ما يتعب خفوقي ويشغل أفكاري

ابكتب قصة دموعي وبصرخ ليه أنا أعاني
وبحرق رجفة ضلوعي وبفضح كل أسراري

دوم الناس يجفوني ولا به حتى إنساني
يشاركني فرح دنياي ويطفي بقلبي الناري

حزينه ودايم لحالي.. غريبه وفاقده أوطاني
نسوني أغلى أحبابي ولا لي فبالهم طاري

أضم وسادتي وابكي وأنومها بأحضاني
لها اشكي ولها أبكي ولها اعدد أعذاري

همومي تزيد كل لحظه وزماني والله أنهاني
أدور قلب يحضني ويسألني عن أخباري

والي يزود جروحي أن النوم جافاني
مثل ربعي الي باعوني ولا منهم احد شاري

حتى الحكي جافاني وصار الصمت عنواني
وصارت دنيتي صعبه وصار الموت هو جاري

أبيه يزورني مره ولكن عمره ما جاني
عسى الراحة على أيده ويريحني من احزاني