ازياء - فساتين سهرة و مكياج و طبخ

الوصفات و المنتجات الى انا هقولها والله عن تجربة و عملت مفعول كويس يارب تعجبكوا
1- ملح الحليب يوكو بعد ماتستحمى و جسمك لسة رطب افركى بيه جسمك فى حركة دائرية بينعمه بيفتح و بيزيل الخلايا الميتة و بعد كدة اغسليه بماء دافى وبعد ماتخلصى و تنشفى خدى كريم جليسوليد الاحمر على المناطق الى انتى عايزة تفتحيها اكتر و هتلاحظى الفرق من 5 ايام لاسبوع و لو استمريتى هيفتح اكتر كمان
انا عملت الطريقة دى و جسمى افتح و بقى ابيض م الاول كمان
2- حمام مغربى سريع هاتى كسال مغربى - زيت زيتون - طمى مغربى جاهز و نوعه يبقى حلو
فى حمام سخن و مليان بخار ادهنى جسمك بزيت الزيتون و بعد كده الطمى المغربى و افضلى بيه من تلت لنص ساعة و بعد كده خدى الكسال و افركى بيه جسمك فى حركة دائرية لحد ماتشيلى كل الى عليكى من طمى و زيت زيتون واغسلى جسمك بمياه تبقى فاترة هتحسى بالنعومة و هتنشطى الدورة الدموية فى جسمك و هتلاحظى التفتيح فى بشرتك انا بعملها مرة او مرتين فى الاسبوع
3- خدى كريم سبوتلس و فرغيه فى علبة و حطى عليه مرهم بيتاديرم و قلبيهم و استعمليه يوميا
و ايضا كريم ديرما سوفت مع مرهم كيناكومب نفس النظام و دول للتفيح للبشرة العادية و الجافه بس ماتعمليش بيهم عند المناطق الحساسة
4- ماء الورد الى بتعمليها للشرب خدى كباية كل يوم اول ماتصحى بتدى وشك نضارة و بتخلى لونه يبقى وردى
و طبعا ماء الورد الى بنستخدمها تحفة تحفة تحفة استخدميها كتير عالاقل مره اول ماتصحى بعد ماتغسلى وشك و مرة قبل ماتنامى و بتساعد على تقليل الحبوب
و هاتى ماء الورد الى بتسخدميه لوشك و حطى حبة فى بخاخة على اد جسمك و خدى حبة ورد مجفف قليلين و حطيه عليها و رجى البخاخة و بد ماتستحمى رشى على جسمك بيرطب جسمكو يخلى ريحتك زى الورد
5- كل ماتفتكرى و انتى بتستحمى اعملى بالحجر الخفاف الاسود على كعب رجلك عشان تحمى رجلك من التقشفات و تحافظى على نعومتها
و بالحجر الابيض مريه فى حركة دائريه خفيفه على شعر الساق و الذراعين بيقل من نمو الشعر و باقى الجسم بزيت زيتون حتى المناطق الحساسة
6- احسن الحاجات الى انا جربتها لشعرى شامبو دوف ثيرابى و هو معالج انا استخدمت الازرق و هو يجنن بجد
و بلسم بانتين الجديد مهما فى الشعر تشابكات بيفكها و بيخلى الشعر سهل انه يتسرح
اما بالنسبة للكريم فدابر املا و براشوت روعة و دابر املا ممكن تستعمليه يوميا او كحمام كريم للشعر قبل غسله بربع ساعه بيخلى شعرى حرير
7- اما الوجه فى صابونة ديتول البمبى انا بشرتى دهنية بس انا كتير ممكن استخدمها مرة واحده فى اليوم وشى مايبقاش فيه اى حاجة لحد مانام
و فى شركة ماى واى الى تعرفها فيها غسول اسمه so bright ده حلو جدا بالشاى الاخضر اناكان عندى حبوب كتير فى وشى استخدمته يومين مابقاش للحبو اثر
ويابنات ماحدش يكتر من استخدام كريمات تفتيح الوش لانه بتجيب السرطان خاصة فير اند لفلى و ده كلام معظم الاطباء
8- و للجسم فزيت بيبى جونسون قبل النوم الى لونه موف رائع مهدئ للاعصب جدا
واكتر مناطق تستعمليه فيها الرقبة و تحت الابط و حول العانه و ريحته تجنن
كريم دوف للتفيح الاصلى ده للجسم و كتير عرايس بيعملو بيه لدخلتهم و بيقى حلو جدا بعد ماتشيلى الشعر الزائد فى جسمك و تعملى بيه
كريم نيفيا سوفت بيرطب و بينعم و فى نفس الوقت سريع الامتصاص
كريم ايفا بالجلسرين سوفت الى لونه بمبى مش موف ده انا بعمل بيه رجلى كل يوم قبل مانام و بلبس شراب بيخليها ناعمة
و كل كريمات جونسون حلوه جدا و كل انواع المنظفات و الغسول منها رائعة و انا على طول بستخدمها مهما غيرت فى الكريمات و غسول المكياج بتاعها يجنن بجد مابيخليش للمكياج اثر فى وشى و بيخليه ناعم فى نفس الوقت و مليان انتعاش
9- زيت الوز و زيت جوز الهند و زيت الزيتون مفيدين جدا للشعر بس انا سمعت ان بلاش نكتر من الزيوت و دايما نعمل بالكريم و حمام الكريم عشان كتر الزيت فى الشعر بيخنق الشعرة فمش بتنفس

****** انا مش عارفة الحاجات كلها فى الدول العربية ولا لا بس هى عندنا فى مصر و سهل تلاقيها لانها معظمها منتجات عادية يتلاقى فى الصيدليات
كل المنتجات و الحاجات الى قلتها اسعارها اقتصادية و فى نفس الوقت مفعولها حلو
يارب زى مانفعت معايا تنفع مع الى تجربهم و تديها مفعول حلو
بالله عليكم قيمو الموضوع و قولولى رايكم وماتحرمونيش من الردود و قولولى اذا عجبكم:2kqfby1: