ازياء - فساتين سهرة و مكياج و طبخ - ياشينها لاطاح من عينك إنسان

- ادب و خواطر (https://fashion.azyya.com/40)

- - ياشينها لاطاح من عينك إنسان (https://fashion.azyya.com/163178.html)

ياشينها لاطاح من عينك إنسان

ياشينها لا صرت تغلي لك انسان
ان جاك غالي وان تغيب ذكرته

اغليه واطرد عنه مليون شيطان
ولو زل في حقي دمحت وعذرته

ولا خان مبداه ونسى كل الاحسان
والله ليبطي بالرجاء ما انتظرته

وحتى البحر لو فيه لولو .. ومرجان
دامه لمثله ماسبحت وعبرته

بعض الذنوب اعدها غلطة اخوان
ذنبٍ يضايقني وذنبٍ غفرته

وبعض العرب في فزعته مثل الامزان
لو تطلبه عينه حشا ماعسرته

والناس عندي مثل سالم وسلمان
شخص ٍ اضحي به وشخص ٍ ذخرته
اتصدق اني من كثر مابي احزان
حتى عدوي لو شتمني شكرته

ياشينها لا صرت ماتلمح الوان
الا الظلام ليا رقيت وحدرته

وياشينها لا طاح من عيني انسان
لو حطني فوق النجوم احتقرته

رد: ياشينها لاطاح من عينك إنسان

الصراحه مابعرف كيف أعبرعن أعجابي بقلمك الرائع
وما أقول غير الله لايحرمني من جديدك الرآآآآآائع
مودتي لكي

رد: ياشينها لاطاح من عينك إنسان

الابداع والرؤعه اكتسبناها

منك ومن كلماتك وقلمك الشامخ

لاعدمناتميزك في ردودك وطروحاتك

تقبلي مودتي يالغلا

لاتحرميناطلتك ياغلاتي

رد: ياشينها لاطاح من عينك إنسان

بقمة التميز

ليس ب مستغرب عليك هذا الإبداع في الإنتقاء

دائماً ل خياراتك عذوبه وتألق

بإنتظار جديد يحمل بصمتك

ودي ... و ... إحترامي

عاشقة محبتها

https://fashion.azyya.com/smiles/up/13400000.gif

رد: ياشينها لاطاح من عينك إنسان

هلابك حبي

منوره بطلتك

اسعدني تواجدك

ودي لكي