تخيل ان هاذا هو انت؟؟؟
 

الصراحه هل الموضوع اثر فيني وايد اتمنى يعجبكم....

في يوم _ رجب1431 توفي فلان ابن فلان تغمده الله بواسع رحمته اثر سكته مفاجئه انا لله وانا اليه راجعون..

كان رحمه الله عضو في منتدى وكانت له مواضيع كثيره وردود اكثر وله اصدقاء وله حبيبه وله والدين على قيد الحياه..

رحمة الله عليه..


تخيل ان هذا هو انت..


طبعا يوم توفيت ودوك للمستشفى وخلوك في الثلاجه عشان اجراءات شهادة الوفاة..

تركت غرفتك وجهازك وجوالك واصحابك..

واهلك وامك وابوك والدنيا كلها تبكي على فرقاك

يجي اخوك يقول لامك يمه اخوي فلان توفى .. وامك تصرخ وتبكي ماتبيك تروح عنها ابد..

يتبادولون الرسايل وفلان ابن فلان او فلانه بنت فلان توفى وبيصلون عليه في المسجد الفلاني بكره الظهر..

جاء بكره واخوانك واهلك واصحابك ماناموا يبكون عليك بجد..

جاء بكره الساعه 10 الصبح وجابوك للمغسله والكل جاك وسلم عليك وقبل جبينك.. وانت مغطى كفنوك ..بالابيض ..وريحة السدر تفوح في كل مكان..

شالوك ودوك للمسجد وضعوك قدام الامام وابوك واخوانك واصحابك..تجمعوا كلهم في بيت الله.. في البيت الي يناديك خمس مرات في اليوم وانت ولا هنا..


صاح المؤذن وقال

الصلآآآآآآآآآآة على الميت يرحمكم الله..

وكبر الامام الله اكبر

والكل قرا عليك الفاتحه

الله اكبر

والكل دعا لك وتوسل لك عند الي انت مقصر معه...وكبر وكبر وكبر وسلم..

السلام عليكم ورحمة الله

والتفتوا لبعضهم وتوافدوا لابوك واخوانك (احسن الله عزاكم الله يغفر له ويرحمه)
شالوك على كتوفهم ودوك المقبره..

وكانوا فيه ناس هناك مجهزين قبرك والتراب











جابوك وحطوك في الحفره ورصوك بكومه من الاحجار والبن وكبو التراب ودعوا لك ومشوا..









وانت

تسمع قرع نعالهم اقفوا وخلوك..

وعزاك 3 ايام وينسونك..

وانت

ماعندك ولاشي.. جيت ضيف عند الي يناديك خمس مرات ياعبدي تعال ابيك ..ياعبدي حي على الصلاة ياعبدي الصلاة خير من النوم...

جيت ضيف عند الي رزقك وعزك عن الحاجه والسؤال..

جيت ضيف عند الي خلاك في امان ..واغناك..

جيت ضيف عند الي غلطت على عباده واذيتهم..

ياترى تتوقع ان فيه احد انت ظلمته يوم سمع بوفاتك قال ( الله لايحلله ولا يبيحه مات الي اذاني)؟؟؟؟ انا اقول عن نفسي ان شاء الله لا وإذا في احد زعلان يرضى عني
ياترى تتوقع احد بيجيب خبرك مع الي تسولف معهم في النت.. والله محد داري عنك..


غرفتك بتقول يارب انا غرفة فلان كان يسوي فيها ويسوي فيها

سيارتك بتحكي

جوالك بينطق

اي ارض مشيت عليها بتقول يارب فلان الي مات سوى كذا وسوى كذا

وانت

ماعندك حتى كلمه قلتها من قلبك تحاج فيها ربك..

مت .. وناس زعلانه عليك.. مت اهلك ماذاقوا برك.. مت وانت لاهي مع الي والله والله يجلسون معك بالساعات واذا قاموا نسوك..

مت .. والي عزك وعلاك وكبرك.. الحنان المنان الرب الرحمن.. ماجلست معه جلسه تقول فيها الله اكبر وتبدى بالحديث معه وتقول الحمدلله رب العالمين وتركع له وتسجد له خمس دقايق بس..

انا ماقلت هالكلام الا والله اخشى واخاف اني ما الحق على نهاية عام 1431 ويقدر ربي سبحانه ان ماكمل السنه ويكون اخر مره اتنفس فيها

ارجوك حاسب نفسك

ولاتعتذر للي ظلمته ولكن كف اذاءك عنه

وصل فرضك

رحمة من ربي تغفرلك ذنوبك

الحين اعزم وتوكل انك تخلي اخر هالسنه مسك.. والله ماتدري يمكن كل الي قريته فوق يكون جد وصدق ويتحق..

للامنه منقول

رد: تخيل ان هاذا هو انت؟؟؟
 

مشكوره اختي الله يبارك فيكي يارب

رد: تخيل ان هاذا هو انت؟؟؟
 

بارك الله فيك

رد: تخيل ان هاذا هو انت؟؟؟
 

مشكورين







على





الردود

رد: تخيل ان هاذا هو انت؟؟؟