ازياء - فساتين سهرة و مكياج و طبخ - بالله عليكم انصحوني يعزكم الله

- - بالله عليكم انصحوني يعزكم الله (https://fashion.azyya.com/164824.html)

بالله عليكم انصحوني يعزكم الله

انا مستحية احكي قصتي لانه يمكن اكون ظالمة نفسي او اكون ظالمة عيلتي
لكن بختصر الموضوع
بصراحة انا متزوجة من سنتين وكانت حماتي متوفية وعندها بنات منهم بالجامعة ومنهم بالمدرسة بس كلهم اصغر مني وحماي تزوج وحدة ثانية بعد وفاة زوجتة الأولى(حماتي) وانا من يوم ما تزوجت زوجي وقبل ما اتزوجه وانا ما اقصر معهم واوقف جنبهم واساعدهم واخدمهم بعيوني واخذهم مشاوير واشتري لهم واعزمهم واخذهم رحلات وطشات ولما يحتاجو شي من ابوهم يلجأولي لأن حماي يحبني كثير ودايما ما احب الأكل الا معهم واطبخ واحسب حساب البنات والشباب وسيارتي دايما تحت امرهم وين ما بدهم بوصلهم

لكن خالاتهم صارو يتدخلوا كثير في حياتنا وصارو البنات يعاملوني معاملة غريبة يعني الوحدة ما يخفى عليها اذا الي قدامها يعاملها باحترام او من فوق الجوزة وصارو يحكو عني قدام خالاتهم كثير لدرجة ان وحدة من الخالات اتجرأت وقالت بالحرف اني ساكنة فوق الاولاد سنتين وعمرهم ما ذاقوا من طبخي صحن وان انا دايما اعمل مشاكل لبنات اختها حتى على مستوى بنت حماي رسبت بالثانوية قالوا عني شمتانه فيها بس والله هاذ الحكي كله كذب وما صار منه شي وانا اشعر بإذلال كبير منهم لدرجة صارو وين ما يروحو ما يحكولي شي بس انا لما بدهم مني شي بيتذكروني ومع ذلك ما بقدر احقد او احمل عليهم برجع اساعدهم وما اقصر معهم

ومرة اتبلوا علي بحكي والله ما صدر مني لدرجة عملوا مشكلة بيني وبين زوجي وبين حماي وانا طلبت على اثرها الطلاق وهربت من البيت لعند بيت اهلي وكنت دخيلة ابوي انه ما يرجعني لكن ابوي رجل دين وقعد يقنعني انه لازم الزم بيتي ومال لازم اطلع دون علم زوجي واجا زوجي وحماي عند اهلي ورفض زوجي يطلع من بيت اهلي الا ورجله على رجلي يقول يحبني وما يستغني عني لكن بصدق انا وصلت لحاله الآن صرت اكره فيها خواته وما اطيق اشوفهم ولا اسمع صوتهم لكن اذا لجأولي ما بقدر اقصر معهم وبساعدهم رغم اني مش طايقه اشوفهم

شو الحل مشان الله انا تعبت من التفكير لحالي ومش لاقيه حل كيف ممكن اصير اتعامل معهم بحيث اني ارد كرامتي ويبطلوا يحكو عني شمال ويمين قدام خالاتهم

انا دايما افوض امري لله واحتسب عنده لكن ربنا يقول اسعى يا عبد

الله يوفقكم ساعدوني