ازياء - فساتين سهرة و مكياج و طبخ - ياجرحي استأذنك بنام لي ساعه؟؟

ياجرحي استأذنك بنام لي ساع
وارجوك داخل على الله لاتصحّيني

لي خمس ايام اعيش السّمع والطّاع
ولك خمس ايام تامرني وتنهيني

والمشكل جت عروق القلب فزّاعّ
مايكفي انك سرقت النوم من عيني

اصبحت انا القاز وانت امسيت ولاّع
شبيتني يلعن اهلك وش يطفّيني

دكتور ومرض وابره وسمّاع
في كل ليله ولايدرون وش فيني

ياسيدي الجرح قلبي يشتكي راع
لا الذنب ذنبي ولا الموضوع بيديني

حبيت واخلصت واثر الحب فقّاع
روّح وباقي يموتني ويحيني

غيري هدر دم عشق ولاسف باع
غيري قتل كل حب بحد سكيّني

وانا الي اصبحت للأخطاء شمّاع
وادفع ثمن كل غلطه من محبيني

قبلي في العشق ناس وتشكي اوجاع
قالوا متاه وانا جيت برجليني

بدايته سلسل والنّفس طمّاع
اغراني ادري ولا في شي يغريني

واليوم لو قلت ياهل الحب وطباع
انتوا على دينكم وانا على ديني

اجبرني الجرح اعيش السّمع والطّاع
حتى ولو قلت له ياجرحي اعفيني

من خمسة ايام وانا في رجا ساع
وان جيت بنامها جرحي يصحّيني
اتمنى تعجبكم,,,