ازياء - فساتين سهرة و مكياج و طبخ - قصيدة شاب تائب لفتاة غازلها لا تفوتكم والله قويه

يابنت أرجوك أنا ماقدر كفاني ماضي الغلطات..
أخاف الله يعذبني وأنا خواف يابنيه..
أنا ليه ثمان اسنين وأنا مدمن على الشهوات..
ديار الفسق حاستها مواطي تحت رجليه..
عيوني من كبر همي تخلط الدم والعبرات..
مسيل الدمع من عيني حفر بالخد ماريه..
صحيح انك جميلة بس تبنا من هوى الزينات..
تركنا الحب غصب وطوع للعين الشقاويه..
يابنت انتي على بالك أبأخذ من بنات الشات..
أجل مجنون أنا يابنت اشيل العقل بيديه!!!
ترى أكبر شيء يربطني معك جوال ابو شاشات..
وهاتف ينقل أشواقي على نبرات سلكيه..
وترى كل العلوم الي عطيتك بالهوى كذبات..
وحتى دمعتي يوم الفراق الصعب كذبيه..
هذاك اليوم ماهلت عيوني لجلك الدمعات..
لأن الدمع ما ينثر بقصة حب وهميه..
أنا أضحك معك واضحك منك .. عليك اكثر الضحكات..
كأني بالهوى جني يعبي راس جنيه..
وأنا ماني بخكري يلبس القمصان والشرتات..
ويفرح قلبه المسكين إذا حب الدوينيه..
أنا من لابة أروت ضمايا سيوفها الغزوات..
خلايا جسمنا عاشت على دم القبيليه..
ودهنتي شعرك الأسود بألوان من الصبغات..
وعيت تقبل الصبغة ملامحك الخليجية..
عشاني ميت في ثغرك الأحمر أبو لمعات..
تحسبيني ابرضخ لك أن شفاك ورديه..
ورب الكون ما أرضى فيك لو انك شيخة الحلوات..
وإذا صمل علي العلم اكب ارض السعودية..
يابنت الناس عزك في سواد يستر العورات..
وعزي في شماغ أحمر وثوب ابيض وطاقيه..
سعوديون نفخر في عبايات السعوديات..
نغض الطرف اجلال اذا شفنا السعوديه..:icon_arrow: