اخبار اهرام جمهورية
سبق وكان في الصفحة الاولى
حاجة غريبة ومش معقولة
قال ايه قالك ان الفولة
رفضت تدخل في الطعمية
اخبار اهرام جمهورية

اقرا الحدثة اقرا يا بيه
شعب بحاله نصبه عليه
ربطوه من ايده ورجليه
ورموه ف طاسة زيت مغليه
اخبار اهرام جمهورية

اقرا اخر اخبار الفن
حاجة تلغبط حاجة تجن
بيقولو راتب البت شكيرا
زاد زيينا 30 في المية
اخبار اهرام جمهورية

واقرا اخر اخبار الكورة
لاعيبة عرجة وادارة عورة
والواد هاني ف حلمي زامورة
والنعمة دي طبخة ومقرية
اخبار اهرام جمهورية

اقرا اخر اخبار حتتنا
ابلة فريدة وزوبة جارتنا
عملو معسكر جوة حارتنا
استعداد للعركة الجاية
اخبار اهرام جمهورية

قلب وافتح ع الادبية
هتلاقي قصة منشورة ليه
ابطالها شوية حرامية
سرقوا حياتنا ومستقبلنا
سرقو حتى العيش والمية
اخبار اهرام جمهورية

وخلاص بقى ومافيش اخبار
بس الحتة مولعة نار
واللي سايق حتتنا حمار
ومبرطع فينا بحرية
اخبار اهرام جمهورية
مع تحياتى اختكم المصريه سما

اقرا الحدثة اقرا يا بيه
شعب بحاله نصبه عليه
ربطوه من ايده ورجليه
ورموه ف طاسة زيت مغليه
اخبار اهرام جمهورية