ازياء - فساتين سهرة و مكياج و طبخ

يالي زعلت ازعل ولاني مراضيك
أشرب كدر ماي البحر كانه أرضاك

لا تحسب أني عقب صدك بداريك
بأعز نفسي عنك مدراك مدراك

أربع سنين وأنا متحمل تغليك
راضي بتعذيبك لأجل قلبٍ أغلاك

وخليتني واليوم والله لأخليك
وأدوس قلبي لينه يقول خلاك

قبل توريني الحساير بأوريك
ليمن يقال فلان هناك و وراك

كانك تحداني فأنا أقبل تحديك
وأنسى الغرام الي مضى وأتحداك

ماني بقايل لك عسى الله يهنيك
الله يحرمك كل ما كان هنّاك

عسى العمى ياخاين العهد يعميك
فوق الغرور الي عن الماضي أعماك

وعساك ما تسمع قريب يناديك
حيثك تجاهل صوت محروم ناداك

وعسى الشل يعوق رجلٍ تمشيك
لينك تندم ليه غيرت ممشاك

وعسى حياتك بس فرحة لشانيك
يلقى بها الفرصة عدوك ويشناك

وعسى اليالي الي تجيني بطاريك
يصبح عليها الصبح ويموت طرياك

وعسى المنام وكل راحة تجافيك
آمين حتى الي تمناه يجفاك

وعساك ما تفرح وتكثر بلاويك
وأمك تشق الجيب من عظم بلواك

وإلى مت جعلك في جهنم تصاليك
نار الجحيم ونار دنياك تصلاك

الله يكره فيك حتى دوانيك
غشاش خاين من من الناس داناك

هذه النهاية روح والله يجازيك
أمسك ويومك عنهم الغد يجزاك.