رمضان كريم
 

بسم الله الرحمن الرحيم
أخواني و أخواتي في الله
أدعو الله تعالي أن يبلغنا رمضان و يوفقنا لطاعتة و يبلغنا ليله القدر اللهم أمين
جدول رمضان هو التالي بالله عليكم لازم نوزع الجدول ده بقدر الإمكان عشان الثواب
1 ختم القرآن :
أزاي نعمل ختمه أو أكتر تعالو نقرأ و نشوف
عمل 10 ختمات أزاي :
عندنا 5 صلوات في اليوم نقرأ جزء قبل كل صلاه و جزء بعدها و بالتالي 2*5=10
و الله يا جماعة دا ألي قالوا الشيخ محمد حسين يعقوب وما علي الرسول إلا البلاغ
عمل 5 ختمات أزاي:
نقرأ في اليوم 5 أجزاء يعني ممكن بعد كل صلاه أو قبلها جزء واحد
أو قبل الصلاه نص جزء و بعدها النص الاخر بكدة يكون عندنا 5 أجزاء في اليوم و بالتالي يكون كل 6 أيام ختمة


عمل 3 ختمات أزاي:
بمعني كل 10 أيام ختمه ويكون ده عن طريق قرآءه 3 أجزاء في اليوم ممكن مثلا نقرأ جزء فبل الفطور و جزء بعد صلاه التراويح وجزء بعد صلاه الفجر
عمل ختمتين أزاي:
ممكن جزء بعد الفطار و جزء بعد صلاه الفجر يعني علي حسب ظروف كل واحد
عمل ختمة واحدة أزاي:
نقرأ كل يوم جزء بس
و الله يا أخواني و أخواتي رمضان فرصة كبيره عشان ناخد حسنات كتيره و الجزء بياخد من 20:30 دقيقه يبقي علي الأقل ناخد النيا أننا نحاول ناخد أكتر من ختمة و نوزع الجدول ده عشان لو مقدرناش نختم أكتر من ختمه ناخد ثواب ألي ختم اكتر من مره و أفتكرو دايما أن : النيه أبلغ من العمل
و أن الدال علي الخير كفاعلة
علي فكره ممكن تكون لينا ختمة مسموعة و ممكن تكون في صلاه التراويح في المسجد أغلب المساجد تكون صلاه التراويح فيها بجزء


2 زكر الله تعالي
هناك أزكار بعد الصلاه و هناك أزكار الصباح و المساء و هناك أزكار مطلقه مثل الأستغفار و التسبيح و التهليل (لا إله إلا الله ) و التكبير


3 الدعاء لله تعالي:
من أفضل أوقات الدعاء هو وقت الإفطار ووقت السحور كما نعلم كما أن للصائم دعوه لا ترد وهناك نوعين من الدعاء
دعاء عام: بمعني ندعي لنفسنا و لكل المسلمين
دعاء خاص: بمعني نركز علي دعوات خاصة بينا
فلا ننسي أن أبواب السماء مفتوحة في رمضان و لإستجابة الدعاء لازم نصلي علي الرسول بعد الأنتهاء من الدعاء
4 الصلاه
1عايزين نحافظ علي الصلاه في المسجد و البنات تصلي في البيت في أول الوقت بمعني أول ما الآدان ما يخلص تقوم تصلي
2 عايزين نحافظ علي صلاه التراويح بقدر الإمكان في المسجد
3 نصلي و لو ركعتين في البيت قبل السحور وبكده أكون أخدت ثواب قيام الليل(التراويح) في جماعة و لوحدي فمن قام رمضان إيمانا و أحتسابا غفر له ما تقدم من زنبه و ما تأخر
5 متابعة الدروس الدينيه
عايزين نحاول نتابع الدروس الدينيه بتاعه مصطفي حسني و عمر خالد و غيرهم
6 محاوله إفطار الصائمين
ممكن نضع تمر في المسجد قبل آدان المغرب و بالتالي كل ألي في المسجد هيفطر من التمر و نكون أخدنا ثواب كبير و بالله عليكم يا ربات البيوت كل ألي يتفضل عندها أكل من الفطور بلاش ترمية
حطية في طبق بلاستيك او كيس و أنتي نازله تصلي أدية لأي حد مسكين بلاش يكون مصيره سله المهملات
7 الصدقة :
بجد يا جماعة الصدقة لها ثواب عظيم فهي تطفئ غضب الرب كما قال الرسول صلي الله عليه و سلم و قال أيضا داوو مرضاكم بالصدقات بلاش في الشهر العظيم دة نتجاهل الصدقة خلي في جيبك أرباع جنيهات و أنصاص جنيهات فلا ترد سائل


8 الأعتكاف في المسجد
خلي نية الأعتكاف في بالك ممكن بعد صلاه التراويح تعتكف نص ساعة بس تقرأ فيها جزء قرآن
بالله عليكم أخواني و أخواتي أنشرو الجدول دة عشان ناخد ثواب فمهما نعمل فإننا مقصرون
الخلاصة في نقاط
1 عمل ختمه أو أكثر فرمضان شهر القرآن
2 المحافظة علي زكر الله تعالي
3 الدعاء لنفسك و لعامة المسلمين
4 المحافظة علي الصلاه في المسجد
5 المحافظة علي متابعة الدروس الدينية
6 محاوله إفطار صائم
7 إخراج الصدقات و لو بربع أو نص جنية و الله مش مكلفة خالص
8 الأعتكاف في المسجد و لو بعد الصلاه نص ساعة بس و محاوله الأعتكاف في آخر 10 أيام

رد: رمضان كريم
 

اللهم بلغنا رمضان واعنا على قيامه والعتق من النار ياحى ياغيوم

رد: رمضان كريم
 

رد: رمضان كريم
 

يعطيك العافيه يالغلا
وبارك الله فيك
وكل عام وانتي بخير

رد: رمضان كريم
 

تسلمين يا عمري :)

بإنتظار القادم :)