ازياء - فساتين سهرة و مكياج و طبخ

على هونك .. على هونك

علامك مختلف لونك ..؟؟

تبي تسمع حكاية شوق

بطلها كان مفتونك ..؟؟

تبي تسمع كلاماً ذوق

رسمته أمس لعيونك ..؟؟
بقلك بس لي مطلب

إذا سولفت لا تطلب

أغيّر لهجتي وياك

أو انك تحسبه مقلب ..!!

أنا .. يا أنت .. ما استاهل

أحب بدنيتي جاهل ..!!

يبادل بالغلا نكران

وبحبي صار متساهل

انا يمكني حبيتك

وكلي بالهوى جيتك

وكانت ديرتي قلبك

وقلبي صار هو بيتك

ولاكن للأسف حارت

مشاعر بالحشى دارت

نست ما كان بالماضي

وباسباب الجفا انهارت ..!!
تصدق عاد يالقاسي

شعور القلب لك ناسي ..!!

وبرود أسمي بأنفاسك

بيكشفها دفا انفاسي ..!!

تعال آعلّمك وشلون

يوافق نبضي إحساسي

وشوف الحب كيف يكون

وانا ما ينحني راسي ..!!

بقلك شي يجرالي

بديت أكرهك في تالي ...!!

وبديت أنسى معاناتي

ومات بدنيتي غالي ..!!

ودليل إلي انا قلته

ملامح قلبي الخالي ..!!

وشي ثاني تذكرته

بديت أحذفك من بالي ..!!
انا ما صرت مجنونك

وبسافر يوم من دونك

ومثل ما قلت لك اول

على هونك .. على هونك ..!!

مماراق لي