ماهي غريبه من يذمِّك يماشيك....!!
تَعَبت أشيل الهَم عنّك وأداريك
________ وإنتَ همومي ثقلَهَا .. ما يهمّك ! لا ياحبيبي ، هالزمن لا يخليك ________ تقسى على قلبي وتسقيه سِمّك ! [ دِنْيَاكْ ] هذي , لا تغيِّر مباديك ________ مهما إستِطَعت الظُلم خلْني أضمّك ! ماهي غريبه من يذمِّك يماشيك ________ لكن غريبه يمدحِك من يذمّك !! ما كل واحد غاب معناه ناسيك ________ بعض البشر ينساك لو كان يمّك ! أدري تعِزْني .. اله يعِزْ : غاليك ________ وإن كان لي عندك معزَّه ب أشمّك ! في خاطري كم كلمةٍ عن تجافيك ________ ولا شفت دمعاتي إنزَلَت حط كمّك ! إسمك حبيبي ويا كثِرها أساميك ________ وقلبي يفز ، إن شاف حزنك وغمّك ! ليتك تحس في ضيقتي يوم أحاتيك ________ أحرق لك أعصابي .. وما حَس دمّك ! غايب بدون أعذار .. ربِّي يجازيك ________ عطني سبب مُقنع حبيبي .. وألمّك ! همِّك , جنونك , ضحكتك , كل ما فيك ________ صوتك , سكوتك , وأرجَع أقول : ( ه مّ كْ ) ! [ لبيه ] منِّك ، غير .. لمَّا أناديك ________ كنْ | الكلام العَذب | ... مرساه فمّك ! أبوك , خالك , إختك , أخوك , ماضيك ________ ربعِك ، جميع الناس, وعيال عمّك ! شايف غلاهم ؟ والله أكثر ، أنا أغليك ________ والِّي وِصَل ( نِص الغلا ) يمكن أمّك ! |
رد: ماهي غريبه من يذمِّك يماشيك....!!
كلماآآآآت تهز القلب حروف ولا ارقى وذؤوؤوق اعلى من اي ذؤوؤوق راآآآقت لي احرفك الرآآآآقيه يعطيك الف عاآآآآفية https://iraqnaa.com/ico/image2/f/n/ros044.gif تحياآآآآاتي آبار |
رد: ماهي غريبه من يذمِّك يماشيك....!!
كلمات رائعه خطتها انامل مبدعه لاعدمناك يالغلا في انتظار جديدك تقبلي مروري |
رد: ماهي غريبه من يذمِّك يماشيك....!!
يسلمو ( أبار ) على هالطله عطرتي صفحتي وموضوعي |
رد: ماهي غريبه من يذمِّك يماشيك....!!
منوره صفحتي ( مجروحه وأكابر )
أسعدني تواجدك في موضوعي |
الساعة الآن توقيت السعودية الرياض و الدمام و القصيم و جدة 06:40 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.