ازياء - فساتين سهرة و مكياج و طبخ - منقول.....حكاية الرز والحم

راوي القصة الصراحة عنده حس فكاهي
بس أنا الصراحة قلت أبي أجرب هذا المطعم ولو جربته بقولكم راي وإذا أحد فيكم جربه كمان ياليت يشاركنا الراي

أنا شخص من كثير مثلي في هذه البلد إنسان يقدر الحم
ويحب الرز ومايقدر يعيش بلاه، وغير طبخ الوالدة الله يطول في عمرها
أنا دايم أجرب وأدور أحسن المطابخ والمطاعم المتخصصة في هالأشياء يعني الواحد يحب يطلع مع
الشباب أو يعزمهم بدون مايتعب الأهل....و أكيد كمان لمى الأهل يسافرون ويظل الواحد عزوبي
بيتعب إذا ما ذاق الرز يعني ما رح تكون حياة طبيعية هههههههه !!!
أنا مش من بتوع الهمبورجر !!!

المهم خلاصة الموضوع يا شباب إني لقيته!!!! لقيت مطبخي العزيز والمفضل!!!
أحكيلكم القصة، أنا من سكان مدينة جدة....و بيوم من الأيام عزمنا واحد من الشباب
على درة العروس نقضي كم يوم من آخر الأسبوع....وتدرون كيف كلنا عزوبين ما معنا لا خدامة
ولا فينا أحد يعرف يقلي بيضة.. فحلنا الوحيد هو المطاعم
ما أطول عليكم السالفة من أول يوم نزلنا في ذا البحر وجلسنا طول اليوم إلين ما انهد حيلنا
طلعنا بنموت من الجوع....ركبنا السيارة ومشينا نلفلف بحثا عن الطعام!!!
ولقينا مطبخ اسمه "السدة" ما أدري إذا أحد منكم يعرفه أو لأ
وطلبنا مدفون لحم يا لبيه كان شي مو طبيعي...أنا قمت وسئلت الي يشتغل في المحل إنتوا ما عندكم
فرع في جدة قالي في ب حراء عند دوار الجواد الأبيض...أنا تشققت من السعادة لأني أنا ساكن ب حراء حسيت أني أكتشفت الذرة ذاك اليوم ما بقى أحد أعرفه ما قلتله روح جرب هالمطعم
وكل يوم كنا نجرب شي جديد وكمان مظبي الدجاج ممتاز مع إني موب أشد المعجبين بالدجاج
المهم من يوم مارحت بيتنا رحت لأمي قلتلها اليوم لا تطبخي شي عالعشاء أنا عازمكم بجيب أكل من مطعم
ورحت لأبوي واخواني وقلتلهم ما يطلعون وقت العشاء ورحت للفرع الي ب حراء وقلتلهم أنا مسوي عزيمة اليوم قالي أبشر ايش طلبك أنا كنت بطلب مدفون لأنه مرة عجبني بس الرجا قالي "ذقت الفخارية" أنا استغربت من الإسم
قالي هذا رز عادي مثل المدفون بس الحم نطبخه داخل فخار!!!! المهم قلت بخاطر وبجرب وقلتله ماشي
جيت أبدفع قام يقولي وين نوصله!! أنا !!!!!! هلا والله عندكم توصيل بعد !!!!! المهم وصفتله البيت ودفعت
ورحت وأهلي يقولون وين الي عازمنا!! وأنا أقولهم أنا vip الأكل بيجيني للبيت
المهم وصل الطلب عالوقت في........ما رح تصدقون....حافظات حرارة كبيرة بحجم الصينية الي يجي فيه الرز!!!!!
وقتها أهلي صدقوا إني vip والفخارية كانت روعة!!!! شي خيالي لازم كلكم تجربونها
أنا وقعتا في غرام ذالمطعم وصرت زبون دائم وأمي قامت تجيب منه يوم يجزنها ضيوف شوي وبتعتزل المطبخ!!