ازياء - فساتين سهرة و مكياج و طبخ

مرحبا ياحلوين !!!مبارك عليكم الشهر

بدخل بالموضوع على طول أمس كنت معزومة عالسحور وشفت وحده من بنات خالتي
المهم الحرمه قمة بالأدب وفي حالها بصراحه المهم جلسنا ندردش انا من زمان أقدرها
واحترمها وتعجبني ذكية ,,وعاقلة ,,ومدلعينها اهلها من يوم هي صغيرة بس بأدب هي
مزيونه لكن شفتها أمس أنصدمت أفكرها متهنية يوم اخذت ولد العز والدلال الكل حاسدها عليه
أشوف في عيونها حزن ماشفت أحد من قبل بهالوضع المهم جلسنا ندردش

تحكيني عن زوجها : تقول كانت تحبه طول هالسنين بصمت والرجال مو يمها يحب وحده من خارج

العائلة حب جنوني لدرجة تزوجوا اخوانه الكبار والصغار وهو يتحج يلم نفسه وبيتزوج من عرق جبينه
بس البنت الي يحبها صار لها حادث وتوفت الله يرحمها...
المهم وهي تقدموا ثلاثه لها في نفس الوقت وطلبوا من ابوها يشاور اعمامها لايوقف لهم احد من عيال أعمامها
كانت معارضه هي فكرة الإستشاره بس طنشوها وشاوروا أعمامها وليتهم ماشاوروا

طلع واحد من اعمامها مرشحها لولده الي هو (زوجها ) ألحين شاوروا الولد وافق بس يسكت الناس
ليه ماتزوج للحين؟ المهم وافقت صارت الشوفه بعدها الملكه وصار يكلمها وتكلمه لكن الرجال
قلبه مو معاها
وكانت تحس بهالشي وسالت إن كان فيه وحده بحياته؟؟؟؟المصيبه جاوبها إيه انصدمت بالبدايه بعدين لما عرفت أنها توفت
عادي مشت الموضوع وقالت أقدر أخذ قلبه منها حتى لوكانت بقبرها
مع الأيام تزوجوا وكانت تصبر نفسها بأنها ميتة والحي أبقى من الميت
المهم في شهر العسل كان ينكد عليها بسبب انه ماقدر يسوي شي معاها سافرت الخارج
ولما رجعوا وزانت الأمور بعد الرجعه تقول أستغرب منه مو مثل الرجال الي ماصدق أعرس
كاني عايشه مع صديق او أخوي
جلف بالمعاملة يحب يجلس لوحده وانا لسه عروس همه الوحيد سعادة أهله مني يفكر بأمه وأخواته

أكثر من انهم يفكرون فيه الي قاهرها انه مايرفض طلب لهم بالذات امه واخته الكبيرة
تقول لايثق لا برأي ولا ينفذ لي طلباتي بالبيت
انسان كسول ملول ماله اصحاب مايصلي حتى لو امرته يصلي رجع عليها بأهانات

ياناس على كثر ماتسوي له مايبين بعينه أقرف شي لاسوى أي شي لها يعلم امه واخته

الله يعينها(وع وع وع) ماجابت اطفال الله يرفع عنها من الضغط النفسي الهرمونات تلعب معاها

وتعالج بصراحه يابنات احسها حزينه وانا افكر انها سعيده الحمدالله

الحين تمنى طفل بس لو واحد يونسها من الوحده الي فيها ياكثر ماصبرت وتحملت من زوجها
الي قاهرني بالموضوع ليش يتزوج وهو مو قد الزواج حسباله بنات الناس لعبه

احسها عايشه معاه بلا هدف ساكته بنت الحلال وصابره الله يصلحه ويكون بعونها