ازياء - فساتين سهرة و مكياج و طبخ - نقاش هام حول التربية

السلام عليكم ورحمة الله وبركاته

اخواتي الموضوع هادا رح نعمل فيه نقاش بيدور حول تربية طفلك

كل يوم قاعدين بنشوف انو العنف بيزداد الناس عندهم العنف يعني الضرب القاسي بس انتي اختي بعض الاحيان بتستخدمي اساليب العنف مع طفلك وبنفس الوقت بتعلميه العنف يعني انتي لما تصرخي على ابنك بتاخديها شغلة بسيطة وخلص ممكن انو بهالصرخة على طفلك يهدى انتي بتنبسطي لانو قدرتي تسيطري عليه

بس اختي ليه ما تتركي طفلك على راحته وازا عمل شي خطأ علميه بالكلام الهادئ ما في داعي للضرب او الصراخ عليه

لانه مع الايام الطفل رح يتعود انك تصرخي عليه وما رح يهدى ولا يرد عليكي الا بالضرب او الصوت العالي

حابة انو طفلك يطلع احسن طفل ومؤدب وخلوق علميه ليه اغلبنا شغل البيت ماخد كل وقتها ليه ما تقعدي لو نص ساعة مع طفلك

وتعلميه شغلات مفيدة وتحكي معه عن امور دينه

لا تحكي طفلي صغير لسا ما بيفهم التعليم بالصغر كالنقش بالحجر

وممكن انو الطفل يمل ازا ضليتي تحكي معه حكي عادي

حاولي علميه من خلال العب

واهتمي فيه

لا تمنعيه من اي شي بده اياه اعطي الحرية ولا تضلك خايفة عليه لانو رح يطلع بيخاف من كلشي خليه يجرب كل شي بنفسه

وهو بيقر ازا هادا الشي غلط

حتى لو كان صغير ومو واعي بمقدرته انه يعرف الخطأ من الصح مع التجربة

اخواتي بدي من كل وحدة تدخل تفيدنا بمعلومات عن التربية

وبتمنى انو تعطوني رأيكم هل كلامي صحيح او لا

وبيسعدني مروركم

اختكم

راما...:sdgsdgh: