ازياء - فساتين سهرة و مكياج و طبخ

][®][^][®][حلى الرخام][®][^][®][
وهناك من يسميه السراميك...واذا تبون تسمونه البلاط بعد عادي كله يمشي

راح أذكر المقادير والطريقة مع بعض عشان ما تحسون واجد

الطبقة الأولى:
4 بيضات
كاس سكر ناعم
نص كاس زيت
علبة قشطة
ملعقة صغيرة بكينج بودر
شوية فانيليا

تخلط هذي المقادير مع بعض في الخلاط...بعدين نضيف لها كاسين حليب محموس
بعدين نجيب الصنية البايركس ونحط تقريباً نص الخلطة أو ثلاث أرباعها ونسويها بالملعقة...

الطبقة الثانية:
بسكوت الشاي...نرصه على الخلطة السابقة...ونحاول ما نخلي فيه فراغات

الطبقة الثالثة:
نجيب النص الباقي من الخلطة الأولى ونحطه على البسكوت...وبعدين ندخلها الفرن ونخليها لين تتماسك يعني تقريباً ربع ساعة اذا الفرن حار...

الطبقة الرابعة:
علبة قشطة
6حبات جبنة كيري
نص كاس حليب بودرة
نص كاس سكر
نخلط المقادير السابقة في الخلاط...وبعدين نصبها على الحلا بعد ما نخرجه من الفرن...

الطبقة الخامسة:
نزينها بشكولاتة هيرشي...ونخربط فيها بالشوكة لين يطلع شكل رخام محيوس
الي ما عندها شكولاتة هيرشي..أو ماتعرفها تسوي هالخلطة تنفع بدل الهيرشي
ملعقة شوكلاته بودرة
نص فنجال سكر
وفنجال حليب سايل
نخلطها مع بعض وبعدين نحطها على على النار شوي لين تغلى شوي...
وبعدين نحط نقط على الخلطة الرابعة ونخربطها بالشوكة عشان يطلع الشكل الي نبغى...
وبعدين نحطها شوي بالفرن عشان تتماسك شوي...وبعدين نخرجها من الفرن وندخلها الثلاجة لين تبرد
وبعدين نطلعها ونقطعها مربعات ونحطها بالورق حق الحلا (ورق البليسيه)
بالهناء والشفاء:7_1_110v[1]: