ازياء - فساتين سهرة و مكياج و طبخ - قصه مضحكه جدا جدا جدا

- قصص و روايات (https://fashion.azyya.com/81)

- - قصه مضحكه جدا جدا جدا (https://fashion.azyya.com/173268.html)

قصه مضحكه جدا جدا جدا

بسم الله الرحمن الرحيم

جبتلكم قصه اضحكتني واتمنى تضحكم

احد ايام رمضان المبارك كنت ماخذة اجازة من الصيام,و خلصت صلاة الفجر ..وذهبوا افراد العائلة كلٌ إلى مرقده كما أعتقدت
هم راحوا لغرفهم من هينا ..وانا انطلقت للمطبخ من هيناك
أخذت لي فيمتو و شبس و طلعت لغرفة التلفزيون مبتهجة

وبينما أنا في خضم البلع والقحن والكركرة على مسلسل كوميدي كنت اتابعه وداخلة جو
الا وينفتح الباب واشوف وجه كذا >>>>>>>>>>> :12:
ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظنت انه قد يموت بسكتن قلبية

يونس : ماصمتي !!!!!!!

أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟

يونس : وجع ..من جدك تسألين هالسؤال ؟

أنا بكل ثقة وبجاحة: والله انت بعد سألني نفس السؤال

يونس: والله انتي الي جالسة تبلعين وتشربين موب انا

مم شفت الولد ماعنده نية يفهم ,استوعبت انه ياما انه كان غايب في درس الفقه منهج سادس ابتدائي ..ياما ان مدرسهم طمر الدرس , ولا وش ذا الدلاخة

ومافيه مجال أصير ناسيه وأنا مجهزة العدة,كاس ثلج وسترو ومنقيه الشبس الي أبيه

المهم قلت في نفسي والله لو يموت ماعلمه انا عن ذا العلوم..مو لهالدرجة انا وسيعة صدر
فما كان مني الا اني فجأة قلت له

: اسمع بقولك سر بس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لين أموت.. ان مت علم اهلي ,عاد خلاص مايقدرون يسون لي شي

والله ماأقول لأحد ..اقسم بايات الله وبالقران والكعبة وجعلي اموت اني ماقول لاحد اذا علمتيني < خرجت هذه الكلمات من أخي يونس بحماس مشبع بالسعابيل المتناثرة التي لامست وجهي

:أجل شف بصراحة أنا مسيحية

:لا والله !! قولي قسم بالله

:انا مسيحية ولا أقدر أحلف لان ديني غيركم < عشت الدور على طول
بس بقولك القصة يمكن تخف روعتك شوي
وتقدر تتفهمني و تحتويني وتحتضني (حسيتني بخرب الولد)

القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلوني
عند التلفزيون ويروحون يتمشون..تعرف انا اول طفل لهم وامي وابوي كانوا توهم صغار وطايشين
و طفرانين بعض وانا حسوني دخيلة بينهم
مادري ليه جابوني بسرعة اذا هم مايبغوني
فجأة شفت عبرة خنقت يونس ذو القلب الكبير وهو يتابع بصمت وفضول وغباء

طيب ليش أجل تلبسين عباية !! وانتي منتيب زينا < قاطعني أخي يونس بكل دلاخة

رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم لسعوديات

ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!

:لا كنت أنام في الحص وفي الاختبارات أغش

واستطرد في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر ..حط لي نت وقال لي هذا لك
اما هذا لنا "مشيرا بأصبعه المشعر إليك " وخذوك معاهم ورحتوا تتمشون

يونس >

المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا

وقلت لها قصتي واحتوتني واعطتني الحنان الي حرموني منه اهلي الي يكرهوني ويحبونك انت

بعدها صرت أحبها واسميها ماما ..ومع الوقت علمتني المسيحية وقالت اعتنقيها يابنتي
واعتنقتها وأهلي مايدرون ولحين مايدرون

يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معاي
صمت لبرهة وبرهات وفجأة قال
: طيب ماتفكرين تسلمين ؟

لا أخفيكم سرا ..جتني ضحكة كبيرة الا أني بلعتها لدرجه صبت دموعي وسويت نفسي أبكي,قلت له بصوت مخنوق : بس ماأعرفه ..أنا ماأعرف في هالحياة الا أمي تيريزا

داخ راسي من كثر الخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام

@#$%#@#$%@#$%@#$%@

جاء يوم غد ..وفجأة أسمع شي يخربش تحت باب غرفتي ..حامت كبدي حسبته صارور ..قمت ابشوف مادريت الا كتيب ديني يندعس تحت الباب

واشوف ..الا عنوانه Islam ???!!

وافتح الباب بسرعة بشوف من الي حاطه , الا واسمع صوت باب غرفة يونس يتسكر بقوة

هههههههههههههههههههههههههههههه هههه يانا ضحكت ضحكة بغت تنكسر شبابيك غرفتي
خلاص معد استحمل ,هالولد تحفة لازم تنحط في متحف الوفر ,لعنبوا بليسه وش ذا المخ

طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,مادري ذا الولد مخه وين

المهم انا عقب هالضحكة نسيت الكذبة ,ولهيت بمشاغل الحياة < مشكلة البزي ومن

ومر كم يوم , وصدفت ان يونس مر جنب غرفتي وانا لابسة جلالي وأصلي,وأنا أسجد
مادريت الا بصوت رجول تراكض متجه نحوي ,واجلس من السجود الا ويونس يصيح ويحب راسي

أنا خلاص بفطس من الضحك ,يالله كملت التشهد وسلمت ,الا وياخذني بالاحضان يونس صاحب القلب الكبير

الحمدالله أسلمتي ,الحمدالله أسلمتي

ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني )
بس والله رحمته جاني الصياح صدق ,ماأدري هو أن عشت الدور ولا صياحه صيحني

ويمر أبوي قدام هالمشهد التراجيدي وينهبل
وجع خير انهبلتوا ..وش صاير

ويونس من هول سعادته كب العفش والعشا والقش كله

بنتك أسلمت أسلمت

ولأسف انجلدت بعدها بس عادي التعب عادي مايجي شي عند هالخرطة الي كبر حمار ومشت على يونس الفتى صاحب القلب الكبير هو و كتيبه الدعوي بروزه عندي و اهدده فيه اذا استبثر علي في المستقبل

وكل رمضان وأنتو صايمين

اتمنى انها اعجبتكم ههههه:D
تحبوني بالميزان قيموني:0153::0153

رد: قصه مضحكه جدا جدا جدا

ابغا اشوف ردودك الرائعه يارائعات

رد: قصه مضحكه جدا جدا جدا

ههههههههههههههههههههههههههه عاد كدا ما الومك

رد: قصه مضحكه جدا جدا جدا

هههههههههههههههههههههههههههههه هههههههه

رد: قصه مضحكه جدا جدا جدا

نوتوا الصفحه بتواجدكم مشكورات

رد: قصه مضحكه جدا جدا جدا

هههههههههههههههههههههههههههه
عرفت تضحكي على اخوكي اما انا فلا

رد: قصه مضحكه جدا جدا جدا

مشكوره قلبي

رد: قصه مضحكه جدا جدا جدا

هع هع >> مشكوره ياقمر

رد: قصه مضحكه جدا جدا جدا

الله يسعدك

ياروحي

رد: قصه مضحكه جدا جدا جدا

hhhhhhhhh thanks ya sokar

رد: قصه مضحكه جدا جدا جدا

شكرا
موفقه...

رد: قصه مضحكه جدا جدا جدا

الله يسعدكم

نورتوا الصفحه

رد: قصه مضحكه جدا جدا جدا

ههههههههههههههههههههههههههههه
هههههههههههههههه

دبه خخخخخخخ

مشكوؤوؤوره ياعسل

رد: قصه مضحكه جدا جدا جدا

والله انك تضحكي بس عادي الضرورات تبيح المحظورات

رد: قصه مضحكه جدا جدا جدا

[هههههههههههههههههههههههههههههه هههههههههههههههههههههههههههههه هههههههههههههههههههه

رد: قصه مضحكه جدا جدا جدا

هههههههه ياحرام

يسلمو قلبي

رد: قصه مضحكه جدا جدا جدا

ههههههههههههههههههههه الله يسامحك

رد: قصه مضحكه جدا جدا جدا

الصراحه اخوك تحفه

رد: قصه مضحكه جدا جدا جدا

هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههالله ياخذ بليسك فطست من الضحك لين اوجعني بطني اما انك صرتي شغاله عاد هاذي الي ما اقدر عليها يا حركات من جد مصرقعه و الله تستاهلين فايف ستار و اذا فيه اكثر اعطيك اكيد قصتك كيوت مره تموت من الضحك
مصرقعه على اصول

رد: قصه مضحكه جدا جدا جدا

:2kqfby1:روعه عجيبه مثل الحليبه

رد: قصه مضحكه جدا جدا جدا

هههههههههههههههههههههههههههههه هههههههههههههههههههههههههههههه هههههههههههه

رد: قصه مضحكه جدا جدا جدا

هههههههههههههههههههههههههههههه ههههه
عنجد قصتك أضحكتني......... روعه
شو هالخيال الواسع ما شاء الله عليكي
و أخوكي فعلا تحفه
ههههههههههههههه

رد: قصه مضحكه جدا جدا جدا

الله يخلليلك أخوك إن شاء الله
ولله قصة مضحكة و أخوك مسكين صدقك و جايبلك كتاب دعوي أنقليزي :) :) :) :)

رد: قصه مضحكه جدا جدا جدا

هههههههههههههههههههههههه

مشكورين ياحلوين

منورين والله

رد: قصه مضحكه جدا جدا جدا

هههههههههههههههههههههههههههههه هههههههههههههههههه

رد: قصه مضحكه جدا جدا جدا

هههههههههههه
ههههههههههههههههههه
هههههههههههه
روعة عنجد
تسلمي

رد: قصه مضحكه جدا جدا جدا

يا اختي والله انك موتيني ضحك والله والله الله يسعدك يا عسل :0108: :0108:

رد: قصه مضحكه جدا جدا جدا

هههههههههههههههههههه والله اني رحمت اخوك حتى انا اجل كتاب انجليزي ها هههههههههههههه الله يجعله من الدعاه في المستقبل مشكوره

رد: قصه مضحكه جدا جدا جدا

هههههههههههههههههههه
هههههههههههههههههه
هههههههههه

رد: قصه مضحكه جدا جدا جدا

ههههههههههه احراج عن جد

رد: قصه مضحكه جدا جدا جدا

هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههه
(((طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,مادري ذا الولد مخه وين)))))
يا اني ظحكت ظحك على الموقف يوه تقطعت مصرآني
المشكله انه يمكن هذي ثالث مره اقرى هالقصه بس ما ادري كل ما اقرآهى افقعععع ضحك ههههههههههههههههههههههههههه

يسسلمؤو والله غيرتي علي جوؤوي ي عسسل

رد: قصه مضحكه جدا جدا جدا

هههههههههههههههههههههههههه بجد مضحكه

رد: قصه مضحكه جدا جدا جدا

هههههههههههههههههههههههههههههه هه
كان قلتي من البدايه السبب وخلصتي
بس حلوه ضحكت من قلبي
تسلمي ياعسل