ازياء - فساتين سهرة و مكياج و طبخ - فن لف الورق : الدرس الأول

شوفو هذا الموضوع عشان تاخذون فكره عن شو نتكلم

https://fashion.azyya.com/16726.html

اولا بنحتاج اشرطة ورق و ابره خاصه (راسها مقسوم نصين) .. طبعا الابره اي منها اشكال وايده .. انا احب استخدم الي قبضتهم حديد و حجمهن وايد صغير .. الي في الصوره قبضتها بلاستك و طويله

https://photos.azyya.com/store/up2/08090110444961hO.jpg

هاتي اي شريط ورق تبينه و حطي نهايته داخل الابره (عرض السريط للقطوه البينيه 5 مم و السودا 3 مم) وابتدي لفي .. انتبهي لطرقة امساك الشريط في الصوره الثانيه (لتثبيت)

https://photos.azyya.com/store/up2/080901104450z26U.jpg

https://photos.azyya.com/store/up2/080901104450J0t7.jpg

هنيه بعد ما تلفين الشريط للنهاي امسكيه عدل بعدين سحبي الابره شوي شوي للخلف عشان الشريط ما ينسحب مع الابره (الصوره الثانيه)

https://photos.azyya.com/store/up2/080901104450rUGd.jpg

https://photos.azyya.com/store/up2/080901104451es7x.jpg

اذا كنت تبين الشريط بشكل دواير مرصوصه سيده حطي شوية صمغ ابيض على طرف الشريط وامسكيه ثواني عشان ما يتبطل ... بس اذا بغيتي دايره او حلزون سايب ف تركي الدايره الي سويتيها من غير صمغ عشان تاخذ شكل الحلزون و لما يوصل الحلزون للمقاس الي تبينه حطي الصمغ في طرف الشريط و ثبتيه

https://photos.azyya.com/store/up2/080901104451i63w.jpg

https://photos.azyya.com/store/up2/080901104452GWVP.jpg

احين وصلنا حق تشكيل الدايره ام الحلزون .. شوفتو القطاوه المركز مال الدايره نازل على تحت مب في النص ... حطي الدايره الي سويتها على سطح املس .. الي في الصوره عباره عن ورق شمع او ورق رسم خرايط بس الناعم و حطي دبوس في النص ... سحبي مركز الداير للطرف باستخدام الدبوس .. ثبتي هاذا الوضع و حطي من الصمغ الابيض على سطح الشريط عشان الاطراف تلزق في بعض

https://photos.azyya.com/store/up2/0809011044528tOO.jpg

https://photos.azyya.com/store/up2/0809011044526HXm.jpg

https://photos.azyya.com/store/up2/08090110445353RH.jpg

و جسم القطوه يشبه الدمعه ... خذي الشكل الي فوق .. الاتجاه المعاكس لمكان تثبيت الاطراف ضغطي عليه بنفس الحركه الي في الصوره و بيطلع يشبه الدمعه

https://photos.azyya.com/store/up2/080901104453KU6B.jpg

اسمحولي عاد الدرس شوي طويل بس عشان اوضح قدر الامكان كيف تلفون الورق .. وان شاء الله تستفيدون :)