ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   المواضيع المتشابهة للاقسام العامة (https://fashion.azyya.com/17)
-   -   ودي أموت !!!! (https://fashion.azyya.com/174657.html)

مجروحه وأكآبر 09-03-2010 08:43 PM

ودي أموت !!!!
 
ودِّي أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!





ومِنْهو حَمَلْني لِين .. ذِيكْ .. " المقابر"


وأشْكرْ أنا .. كِل مِنْ كَرَمْني ودِفنِّي



وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي



شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي



وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني





ومِنْهو مِنْ أهلي ف العَزا كان حاضر


ومِنْهو دعى لي في " صلاته " ورحمني




ومِنْهو بنى [ بإسمي ] سبيل ومنابر
ومِنْهو يفز قلبه .. إلا مِنْ لمحني



ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟



ومِنْهو يرتِّب .. غرفتي .. / والدفاتر
وإن شاف ( صوره ) لي صاح وحضنِّي



يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي



خايف يروح العُمْر .. وأكُونْ خاسر
وإن طار طيري .. ما يفيد / التمنِّي


وخايف يجيني وقت : أكْسِر خواطر
إن دارت الدنيا .. وزماني كسرني


ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني



الضيق وافي .. والحزن حيل وافر
والجرح أكثر شي .. شفته يحبني



عايش وميِّت بين .. ماضي وحاضر
والصبر [ مفتاح الفرج ] ضاع منِّي



قل وش تبي وتركني يا حزني آمر
مسكين فرحي / تصدِّق إنَّ وحشني !!



( شاعر ) ولكنِّي .. ماني ب شاعر
ودِّي أموت اليوم .... وأرتاح منِّي ! "
تذكرني بأخوا صاحبتي أرسل هالمسج لاخته الساعه 11 صباح وهي بالدوام روحت وقالولها أخوك محمد صار عليه حآآدث ومات وفتحت الموبايل ولقيت المسج وصآآآآآآآآآآآآحت حيل
يمكن أنا كتبتها لكم الحين وبكره ياجيكم خبر موتي بس وقتها بجد لا تنسوني من دعواتكم

مجروحه وأكآبر 09-16-2010 09:27 AM

رد: ودي أموت !!!!
 
وين الردود؟؟؟؟؟

احلام خياليه 09-25-2010 10:45 PM

رد: ودي أموت !!!!
 
تسلم ايدك مجروحه

بسمـة الامـل 09-25-2010 11:02 PM

رد: ودي أموت !!!!
 
تسلمين يالغلا عسى عمرك طويل الله يحفظك
تميز والله كثير روعة
تقبلي مروري البسيط

مجروحه وأكآبر 09-26-2010 01:57 PM

رد: ودي أموت !!!!
 
اقتباس:

المشاركة الأصلية كتبت بواسطة كوكواني (المشاركة 2596214)
تسلم ايدك مجروحه

هلا وغلا قلبي أسعدتني طلتك يا عسل


الساعة الآن توقيت السعودية الرياض و الدمام و القصيم و جدة 04:20 PM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0