ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   ادب و خواطر (https://fashion.azyya.com/40)
-   -   ّّ~" دمع ~.أ ~.ة نثى..~ّ " (https://fashion.azyya.com/176890.html)

غروب اأمل 09-11-2010 10:01 PM

ّّ~" دمع ~.أ ~.ة نثى..~ّ "
 





يادمعةٍ تجري على الخدّ بسكات
حنّي على وردٍ من الحزن غافي
وشّمك بخدي صايرٍ له علامات
والخدّ مرهف حس والدمع حافي
لا تجرحينه كان عندك مروّات
يكفيه دمعة غلّ من جرح وافي
ويكفيه لا طحتي تصيح السّماوات
من حزنك الي صام فرضك وطافي
مخدّتي صارت لوفدك محطّات
تبكي معه وتصيح ياعين كافي
بينك وياما بين الأفراح صولات
ياما خذلتي ضحكته ماتخافي
وشطّ الهدب بينك وبينه حكايات
كم غازلك وأبكى جيوش المرافي
يادمعتي طالت علينا المسافات
وأنا وحزني ساكنين المنافي
تعبت أغلّف دمعتي بابتسامات
بشفاه جرّحها الوله والتّجافي
مرّات أحسّ إني حزينة ومرّات
من زود حزني شفت ظلي خلافي
ياما رسمت الحلم وأجمل بدايات
مع فارسٍ يعطي من القلب صافي
وكوخٍ صغير وشمعتينٍ صغيرات
ما كنت أحسب إن جاير الوقت ضافي
لين إلتحف حلمي يردد لي هيهات
هيهات ياحزنٍ عن الناس خافي
لوعّتني ياوقت والحلم ما مات
كل ليلة يلفي على القلب لافي
أحلم وذنبي مارضيت النهايات
ودّي أعيش بصدق في حضن دافي
حلمي كبير وأصغر الحلم غايات
وجرحي كبير وأصغره هو لحافي
يادمعتي تكفين انسي الذي فات
وأمشي ندور منهو للجرح شافي
صعبه أعيش بدنيتي مثل الأموات
وأصعب يموت الحلم موت العوافي!!

همس الورود 09-11-2010 10:15 PM

رد: ّّ~" دمع ~.أ ~.ة نثى..~ّ "
 
مشكوره اختي كلمات رائعة

راقت لي

غروب اأمل 09-11-2010 10:18 PM

رد: ّّ~" دمع ~.أ ~.ة نثى..~ّ "
 
العفو حياتي

منوره يالغلا

احلام شاعرة 09-11-2010 10:22 PM

رد: ّّ~" دمع ~.أ ~.ة نثى..~ّ "
 
روؤوؤوؤوؤوعه

يسلمؤوؤوؤوؤ

غروب اأمل 09-11-2010 10:29 PM

رد: ّّ~" دمع ~.أ ~.ة نثى..~ّ "
 
وجودك اروع يالغلا

الله يسلمك ياحبي


الساعة الآن توقيت السعودية الرياض و الدمام و القصيم و جدة 09:59 AM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0