ازياء - فساتين سهرة و مكياج و طبخ - قصيده جميله جدا لشاعر عمرالخالدي عنوانها أتركيني

**أتركيني**

قلت اتركيني إي الدرب صعب ويّاك كافي لزمت هموم غيري وغيرك
هذا مكانك إنمحى سبّة جفاك لا تستخيري يالعنا في مصيرك
أدري بطبعي مختلف عن مزاياك ما عاد شي(ن) في حياتي يثيرك
تقسين كنّي متعبك فوق ما جاك وانا الرحوم الي حنانه يجيرك
من اربع سنين انتظر يوم لقياك ويوم إلتقينا يا خسارة مسيرك
قلت..إسمحيلي يا بعد حي افداك؟؟ قالت حياتي اصبحت ملك غيرك
لا جيتك ابكي الدمع.(جمر واشواك) ولا جيتك اشكي(ماتحرّك ضميرك)
ولا جيت ابحكي الحكي..(آآه مادراك) نوح الحروف الي ذبحها عبيرك
الي جرى سبّة سخافة نواياك ولا خفوقي.... ما تنازل لغيرك
منهو تجرّى في غيابي ونسّاك عشرة حياتي واحتشد في اثيرك
الي نوى يعشق عذابك ويهواك يا شين حظَّه في الخيانه..أسيرك
شربت كاس المر من كف يمناك لين الثماله...محترق في هجيرك
كنت احسب ان الفرح في كف يسراك أثر الكفوف الي حضنتني.سعيرك
مظهرك يوحي والغدر في محيّاك والحقد يروي نشوته من غديرك
بنسى غرامك..واوعدك..كلك أنساك وانسى معك ذكرى ليالي عشيرك
دام التفرّق رغبتك..نلت مبغاك والي مضى يعلن....نهاية مصيرك
خيّرت قلبي واعلن اليوم فرقاك أميرتي بالحلم...وبالحلم أميرك

عمر الخالدي