ازياء - فساتين سهرة و مكياج و طبخ

هو انا مخطوبة من اكتر من سنة بس انا افتكرت الموقف ده دلوقتى كان يوم قراية الفاتحة وقبلها نزلت ادور على حاجة البسها ودوخت :3_13_1[1]::15_8_8[1]:لغاية لما لقيت حاجة بعد مالفيت مص كلها واجيب حاجات وارجعها كل شوية لغاية لما جبت فستان رقيق وجميل جدا بس هو من الفساتين الى بيتلبس تحتها بنطلون وفضلت ادور على بنطلون ليه ملاتش خالص هو الفستان كان لونه روز فى رمادى وكان لازم ليه بنطلون ستان رمادى ضيق مع انى رفيعة بس ملاتش وفصلتله فى الاخر بنطلون باعجوبة يعنى كان فاضل على قراية الفاتحة يومين مفيش حد بيفصل بالسرعة ديه المهم الترزى ادانى البنطلون يوم قراية الفاتحة حوالى الساعة ستة والعريس كان معادهم الساعة تمانية تسعة والمشكلة ان هو ماكنش جاى فى البيت عندنا كان جاى عند تيته هى اينعم جنبى بس كان لازم اروح هناك بعد ما اخلص لبسى المهم البنطلون شوية يطلع طويل وشوية يطلع واسع لغاية ما اتظبط الحمد لله جينا للكوى كويت البنطلون و الطرح ولسة بكوى الفستان حرقته شوفتوا المصيبة وكان فاضل على الميعاد حوالى ساعة بالكتير انا اتصدمت وماكنتش عارفة اعمل ايه وقلتلهم الفستان اتحرق مكانوش عارفين يعملوا ايه وكان لازم فكرة بسرعة هو الفستان كان فيه جزء كبير ستان هو الى اتحرق بس الحمد لله جات لنا فكرة جبنا من محل الشريط الى شبه الدانتيل والترزى الحمد لله انقزنى وعملهولى بشكل كويس خلصت بعد كده لبسى والميكب وروحنا كلنا عند تيته وفى الاخر بعد الاستعجال ده كله العريس واهله جم متاخر بالزمة مش عروسة تحفة وعلى العموم عقبال كل البنات لما يتخطبا ويتجوزا انتوا كمان اكيد حصلتلكوا مواقف زى كده و اكتر ايه رايكوا تدخلوا تحكوا عليها مستنية الرد