ازياء - فساتين سهرة و مكياج و طبخ - تبين شعر دعايات بس في 3 شهور ونص تعالوا وعلى ضمانتي بعد

السلام عليكم ورحمه الله شلونكم عساكم دوم بخير وبصحه وسلامه

اليوم جبت لكم طريقتي الخاصه بالعنايه بشعري وهاذي طريقتي لحد يدخل الموضوع ويقولي هالموضوع موضوعج ولا ناقلته (( الموضوع مالي ))

اولاً لمحه عن شعري

1 شعري باهت
2 مقصف
3 جاف
4 مايلمع خير شر

وشعري لونه الطبيعي أسود فاحم فحاولت اغير لونه واصبغه احمر عنابي لكن عدمته لاني صبغته اربع مرات على مدار اربع ايام والله والله شعري انتهى انتهى انتهى قام يتساقط وتقصف ونشف وصار شكله بايخ وفوق كل هذا ماصبغ ولا تغير لونه تم اسود يعني حرقت شعري على الفاضي .

طيب نيجي للمه برنامجي سهل وبسيط جدا جدا جدا وتبين النتيجه من اول شهر

استعمل حنه حق شعري وادري الكل بينصدم من هالنقطه وبتقولون شلون تحنين شعرج وانتي صابغته برد عليكم وبقولكم عادي جدا تقدرون تحطون حنه على الشعر المصبوغ لكن لا تصبغونه اذا انتوا حاطين حنه لانكم راح تحرقون شعركم عدل

المهم خلطه الحنه بالتفاصيل الممله

((المقادير))

1 حنة يمنية اصلية

http://seshdotcom.files.wordpress.co...pg?w=300&h=225

2 عشبه الكثيرة

http://files.fatakat.com/2010/1/1262607669.jpg

3 بيضتين

http://images.panet.co.il/articles/05052007-32903-1.jpg

4 فنجان زيت دابر

http://www./up3/get-7-2009-43nckqlm.jpg

5 ملعقه عسل

http://www.montzaah.com/web/news/dat...ey101207a3.jpg

أول شي نجيب ماي مغلي ونصبه على عشبه الكثيره لين ماتلين وتصير مثل الجل الابيض
وبتصير بهالشكل

http://img149.imageshack.us/i/10tj0.jpg/

أذا حسيتوا فيها شويه كتل حطوها بالخلاط لين ماتصير مثل الجل الناعم وهاي المطلوب
ضيفوا الحنه والعسل والبيض والزيت و اعجنوا الحنه و خلوها تخمر ساعتين وبعدين وزعوها على الشعر بهالطريقة

http://sites.google.com/site/manfolm...nasaraha11.jpg

وخليها 4 ساعات وبعدين غسلي شعرج بالماي والبلسم بس لا تستعملون الشامبو عشان الشعر يتغذا عدل وانا شخصيا استعمل هالبلسم

http://www.auravita.com/prodimages/lore/lore15831_4.jpg

ضد التقصف صج خطير ريحته تهبل بتغطي ريحه الحنه وبينعم الشعر وبالنسبه للمتزوجا بخروا شعركم وهو مبلول عشان تلصق الريحه فيه عدل :sdgsdg:

و بعدين احط زيت خروع بس في الجذور وبشكل خفيف لا تخافون مافيه ريحه نهائيا

وثاني يوم اغسلوا شعركم بالشامبو وانا شخصيا استعمل هالشامبو

http://www.grietinele.com/uploads/pr...9/01/07/34.jpg

اه من ريحته الحلوة وانا حاطه بغرشه الشامبو حلبه خذيت شويه حلبه حب ونقعتهم بماي مغلي لين ثاني يوم وصفيت الماي من الحلبه واستعملت الماي وحطيته في غرشه الشامبو لا تخافون مافي ريحه ريحه الشامبو وايد قويه وحلوه تغطي على ريحه الحلبه

و خفت من استعمال السشوار و قمت اكل وايد سلطات ولحوم واشرب ماي وايد وكنت استعمل خلطه الحنه 3 مرات بالاسبوع

والنتيجه خيال اوعدكم من روعه النتيجه ماراح تصدقون عمركم ومن اول شهر بتلاحظون نمو شعر صغير في مقدمه الراس والشعر تعبا شوي و بتلاحظون من ثاني شهر الشعر طول وايد وايد وصار يلمع و بالشهر الثالث بتلاحظون الشعر صار ناعم وحيوي يهبل :5_1_123v[1]:

هاي عنايتي بالتفاصيل وعلى فكره كنت اكل حبوب فيتامينات بس حبه وحده يوميا والنتيجه شعري صار

1 يلمع
2 طولان وايد
3 حيوي
4 غزير
5 ناعم
6 لونه حلو عنابي على بذنجاني

صرت اعشق شعري وماراح اترك هالعنايه نهائيا وبنات امانه عليكم الي تستعملها وتشوف نتيجه تعجبها تدعيلي الله يوفقني واتوظف الله يخليكم مابي شي بس دعوه صادقه لي في ظهر الغيب