ازياء - فساتين سهرة و مكياج و طبخ

يالي [ خَذاكْ ] الغير من سِبَّة الظروف
من جَنبي البَارح مَعَ [ ماخذَكْ ] طِفت

لا تَحسِب إنِّك يُوم مرِّيت / ما أشوف
سوِّيت نَفسي مِن القَهَر / كِنِّي ما شِفت

المَسأله : ما هي تغلِّي ولا خُوف
لولا غَلاتِك ؟ كَان تلقاني مَا خفت !

أخاف يلمَح نظرِتي وآنا : ملهوف
وإلا يِشوف بنظرتك / كم : تحسفت !

تذكِر حبيبي .. لمَّا أرسِم على الطوف :
حَرفك وحَرفي ومِن رسُومي / تأفت !

الكِل يِسأل : ( ليه ) مِن بِد الحروف
وياما [ براسِك ] مِن قَرايِب / تحلَّفت

ومَرَّه زَعَلت وقلت مِنْ ضِيقِتي : اوف
وإنِتَ بِكيت وجيت تَركِض / تأسفت

كِل الأغاني وخاصةً " جُروج وسّوف "
لو نَويتْ تِنسى الي فات
والي كَانْ .. والذكْرَيَاتْ
وإنُّ غِيرِي خَدْ .. مكاني
وتِسْألني عَنْ حَالي ؟ أنا حالتي ( زفتْ )

ما هو ( قهر عادي ) ولا صفقَة كفوف
شفتك مَعَ غيري / وتمنِّيت : ما شفت !