يكلمني عن جروحه وانا من سبته مجروح
يكلمني عن جروحه .. وأنا من سبِّته / مجروح ! يسولف لي عن (أحبابه) وأسولف (عنَّه) ل حاله .. أحس في دمعة عيونه , وتطلع من بكاه الروح , وإذا يفرح مع غيري . . . بكى " قلبي " و / هنَّاله . رسمته في قلم ناشف على قطعة خشب من لوح و تهيألي يحاكيني !! ويبيني أرسم إظلاله تحرَّك طيفه الدايم . ولَعَب في حسبتي بجْموح . يحب الخيل , و , أشعاري .. عشانه صاروا خيَّاله وصار ب عيني ( الأجمل ) مع إنَّ شوي هو / مملوح , ولا غيره ملا عيني وقلبي بس يصفاله ذبحني قلبي الساكت ! ... متى قلبي عليه يبوح ؟؟ أحبه وماعرف إني أحبه , وأعشق وصاله كتمت , وهذا من طبعي , وتمنيت " الغلا " مفضوح بيِّن له ولا أقدر !! مع إنِّي جالس قباله أخاف إنّه بعد مُدَّه يطير ... ومن إيديني يروح ! هو نعمة من فضل ربي , ويقولوا : النعمة زوَّاله لي قلبٍ من كثر حُبه على : فراش التعب : مطروح , لا هو " ميت "..ولا " عايش " .! والله إن مات أشواله وحبي من طرف واحد , غلا صادق بدون مزوح وإذا هو طاح ؟ قدامي .. نزلَّه / قلبي / و : شاله .!! شكالي وكنت له أسمع . . . وقلبي دوم له / مفتوح يطمِّني عن " أخباره " , وشنهي آخر أعماله وإذا شفته خطا ب حقي بدون أعذار ؟ .. هو مسموح , في نياته ولا يدري .! وطيبة قلبه همَّاله . في جياته ...... . يروح الهم , ويبدِّل ( دمعتي ) ب فروح تمنيت البشر مثله . . . وكل من حولي أمثاله . !! من الله حُبه في قلبي حشى مالي ترى مصلوح , عسى يكبر ويذكرني ويسمِّي ب " إسمي " : إعياله |
رد: يكلمني عن جروحه وانا من سبته مجروح
روعه حياتو
|
رد: يكلمني عن جروحه وانا من سبته مجروح
روعه تسلمين ياقلبو و من العنوان الموضوع روعه
hasosah |
رد: يكلمني عن جروحه وانا من سبته مجروح
يسلم ربي الحياة وراعيها
منوره ياحبي مانعدمها من طله يالغلا وجودك أروع ياغلاتي |
رد: يكلمني عن جروحه وانا من سبته مجروح
انتي الروعه تسلمين
|
الساعة الآن توقيت السعودية الرياض و الدمام و القصيم و جدة 10:29 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.