ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   أزياء المحجبات (https://fashion.azyya.com/8)
-   -   كيفية التعامل مع الحجاب بطريقة صح (https://fashion.azyya.com/180902.html)

مهجة الفؤاد 09-26-2010 04:28 PM

كيفية التعامل مع الحجاب بطريقة صح
 
http://ube.azyya.com/uploads2/13021313474930.jpg



لون الطرحة حسب لون البس ولكن الون البني هو الأساس السنة دي وبيدخل معاه البرتقالي, التركواز,


الروز, الزيتي بدرجاته, البني لوحده, البني المحروق مع البني العادي موضة جداً واستخدام الألوان

الجديدة


وتداخلها بيعطي نتيجة حلوه جداً..


هل البني المحروق ممكن "يغمق" البشرة وخاصة إن لوننا خمري أحياناً مائل للاسمر؟


لا أبداً البني جميل جداً مع كل ألوان البشرة، على فكرة أنا عندي مبدأ إن كل الألوان تليق على البشرة السمراء


أو البيضاء بنفس الدرجة، حكاية إن الروز والموف لا تصلح للبشرة السمراء أو الخمرية أو إنه "بيسمر

جداً"

هذا كلام خاطئ، الروز له درجات مختلفة وموجودة في كل أنواع المكياج،

كمان الموف, والأخضر.. المهم اختيار الدرجة من الون القريبة من درجة لون البشرة وأكيد هتكون

مناسبة ولا تعطي نتيجة عكسية


ازاي تختاري خامة أو قماش الإيشارب صح؟

نوع القماش أو خامة الإيشارب تعتمد على نوع البس، كمان فيه أنواع من الأقمشة من المفضل نتجنبها حتى لو عجبك لونها أو تطريزها أو نقشتها.. من الأقمشة المزعجة في لبس الحجاب "الأوراجنزا الهايشة"..


ابعدي


عن الأقمشة "الناشفة" لأنها صعبة في الربط، خلي عنيكِِ على نوعية الأقمشة الناعمة والأقطان، الحرير، الحرير على قطن، الشيفونات بأنواعها كلها خامات حلوة جداً ومناسبة وعملية والتل كمان... بأكد إن الإيشارب مهم إنه يكون عملي في الف، ممكن الإيشارب يكون غالي وحش في ربطته وبعد شوية هتكرهي الإيشارب وهتركنيه على جنب بعد ما غرمتي ثمنه.


نوعية القماش المناسبة والعملية للبنت في الجامعة عشان يكون حجابها مريح وفي نفس الوقت شكلها مش مبهدل؟

تختار الأقطان والشيفونات المطفية "بدون لمعة".. الأقمشة دي بتستحمل جداً الحركة طول النهار،


فالأقطان فيها ألوان كثيرة وأشكالها حلوة جداً، والقطن على حرير فيه تطريز خفيف حلو كمان وموضة جداً يكون

في طرف الإيشارب تطريز أو ترتر بس المهم يكون "Simple" جداً.. عشان الجامعة ممكن تختار الإيشاربات



الأقطان المخطة أو المنقوشة، فيه مساحة تنوع النهارده وألوان ينفع تدخل مع بعض تعطي شكل جديد في كل مرة.


والتطريز البسيط يعطى جمال ورقة أفكار لحجاب ممكن يناسب لفترة بعد الظهر أو باليل؟

ممكن تحتفظي بشكل ربطتك الي بترتاحي معاها والمناسبة لشكل واستدارة الوجه وتستخدمي إكسسوار مختلف.. حلق كبير، سلسلة فيها دلاية فيها حجر فيروزي، خاتم فضي بفص ملون.. النهارده مافيش لبس محدد للنهار وآخر لليل، مساحة الحركة تكون إضافة حاجة جديدة للبسك حسب وقت الخروج وطبعاً المناسب للمكان.


ازاي البنت المحجبة تختار الربطة المناسبة لشكلها؟


لازم تعرف هي بتحب إيه، الربطة التقليدية أو الربطة "الاسبانش" المربوطة "على ورا" عشان تكون


مرتاحة ومقتنعة بربطة الإيشارب، ولو هي محجبة جديد ماتستعجلش على نفسها "شوية..... شوية" مش معقول

هتقدر تلف الإيشارب زي واحدة متحجبة من زمان.. البنات بتكتئب وبتزعل قوي عشان شكل حجابها

مش "مظبوط" عشان كده لازم المحجبة جديد تلبس في الأول حجاب ربطته سهلة ولا تستخدم أنواع


ناعمة جداً ممكن تتزحلق بسرعة وتظهر شعرها، ممكن تستخدم الأقطان في البداية لأنها بتثبت، وعشان

تلم شعرها كويس جداً تلبس "بونيه" قطن ولا تظهره، ومهمته مساعدتها في تثبيت الإيشارب ويمسك

الشعر كله وتختار ربطة سهلة.


الربطة "الإسبانيش" موضة جداً، ازاي نربطها "صح" خطوة خطوة....؟

أولاً نلبس بونيه قطن يلم الشعر كويس وبعد كده نجيب طرحة مستطيلة لون تاني، فلو إن البونيه بني محروق تكون الطرحة تركواز تبين جزء من البونيه ونحط الطرحة الثانية بمحاذاة خط البونيه ونربطها على ورا كويس


جداً وممكن نجيب طرحة تانية شيفون مثلاً وتكون لونها بني محروق ونربطها فوق التركواز، بعد كده

نبين جزء منها زي ما عملنا في الخطوة السابقة ونربط كويس جداً، بعد كده نبدأ في ربط أطراف الطرحتين البني والتركواز بحيث ممكن نربط ...

أطراف الطرحتين البني والتركواز بحيث ممكن نربط طرف الأولى مع الثانية والعكس، وإنتِ قدام المرايا هتلاقي نفسك بتربطي الأطراف، وممكن تبتكري تعملي الأطراف "كحكة" أو تعملي بطرف "كحكة" وتسيبي الطرفين نازلين على كتفك على حسب ذوق وشكل وجهك.

*ربروبة* 09-26-2010 05:11 PM

رد: كيفية التعامل مع الحجاب بطريقة صح
 
http://img710.imageshack.us/img710/5597/25964747.gif

مهجة الفؤاد 09-26-2010 10:19 PM

رد: كيفية التعامل مع الحجاب بطريقة صح
 
ممنونة لك مرورك الكريم

ميمي الجزائرية 06-25-2011 02:10 PM

رد: كيفية التعامل مع الحجاب بطريقة صح
 
مشكورة على اهتمامك حبيبتي

جزاك الله خيرا على الموضوع الحلو

دلع الحلوة 06-26-2011 03:53 PM

رد: كيفية التعامل مع الحجاب بطريقة صح
 
http://www.mobdi3ine.net/uploads/13080407751.gif


الساعة الآن توقيت السعودية الرياض و الدمام و القصيم و جدة 12:33 PM.

Powered by vBulletin® Copyright ©2000 - 2022,
vBulletin Optimisation provided by vB Optimise (Pro) - vBulletin Mods & Addons Copyright © 2022 DragonByte Technologies Ltd.


Search Engine Optimization by vBSEO 3.6.0