هتعملى اية لو مكانها؟
 

بعد ماعرفوا بعض بأسبوعين......

هو: أنا عايز اقولك على سر شلته فى قلبى سنين
هى: قول مالك؟
هو: أنا بحبك وانتى عمرى وبحلم بيكى كل ليلة 7 مرات ونص وبصحى على صوتك ياحياتى
هى: وأنا كمان ياحبيبى بحبك بقالى 3 شهور و5تيام و6ساعات وربع
هو: صحيح؟ ياه ...ده احلى يوم فى حياتى
هى: وأنا كمان..بس هنعمل ايه؟ واهلى واهلك والدنيا والناس؟
هو: هحبك وتحبينى ياعمرى وكفاية نبقى سوا
هى: طب ياحبيبى أنا بقول كده برضه بس مانطولش فى الحكاية ماشى؟

*فات سنة غرام وهيام وأحلى كلام.........

هى: احنا هنفضل كده كتير ياحبيبى واهلينا مايعرفوش؟
هو: ليه ياحبيبتى أنا بس اظبط نفسى فى الشغل واجى اتقدملك على طول
هى: امتى بقى يحصل ده؟....ياه ده أنا هبقى أحلى كركوبة فى الدنيا
هو: قريب ياحبيبتى قريب كلها 12 سنه بالكتير

*فات كمان سنة وهو ولا هنا وهى هتطق من الغيظ......

هى: حبيبى الحكاية طولت اوى احنا هنفضل كده كتير؟ -تعبت قلبى
هو: كده ازاى ياحبيبتى؟ ماحنا اشطه اهو وآخر تمام
هى: تمام ايه ايه؟ هو احنا هنفضل تحت شجرة الجرجير ومقضينها عصير ليمون؟
هو: تقصدى ايه ياروحى؟ اصبرى بكره يبقى عندنا بيت وأولاد
هى: ... أنا متقدملى عريس كويس وإذا مالحقتنيش هيخطفونى منك
هو: لا ده أنا كنت ارمى نفسى من فوق المكتب الى فى الشغل...ده انا كنت اقطع شرايينى
هى: لأ انا مش عايزاك تعمل كده أنا هكلم بابا وماما وانت تاخد خطوة بقى ماشي

*أسبوع...اتنين...تلاته.تليفونه غير متاح...مابيردش ....ولما رد....

هى: انت فين مش لاقياك؟
هو: معلش تليفونى كان فاصل شحن وكنت بشحنه
هى: بقاله شهر فاصل شحن وبتشحنه؟! ليه انت كنت بتشحنه غاز؟
هو: خلصنا بقى.. ..خير؟
هى: وهيجى منين الخير ياروحى وانت مانفذتش الى اتفقنا عليه؟
هو: هو احنا اتفقنا على حاجه؟!
هى: نعم ؟ امال تقطيع شرايينك واوردتك وشرب مية النار ده كان ليه؟
هو: كنت مجنون وعقلت ياروحى..وخطبت البت ماهيتاب بنت عمى الجمعة الى فات الساعة اتناشر وخمسه الضهر
هى: ...ماهيتاب؟!!!! طب وأنا؟
هو: ماتغلطيش بس وانسى الجرجير والمون...انتى مش فاهمه حاجة
هى: انسى؟ ده اخر كلام عندك؟..اصلى مش ناوية افهم
هو: اه ياروحى...بس صدقينى انتى أكتر حاجة حبيتها فى حياتى حتى اكتر من المكرونه البشاميل...لكن أهلى قالولى إما ماهيتاب أو الطرد من البيت
هى: اوك..اشطه يامان...سى يو...باى

رد: هتعملى اية لو مكانها؟
 

انا هقولوا ماشى انت الاخترت وعن نفسى هسيبوا اصلا مش هحب واحد من وراء اهلى عشان غلط كدة

رد: هتعملى اية لو مكانها؟
 

عاوزة تفاعل اوك

رد: هتعملى اية لو مكانها؟
 

انا من اول مايقولي اصبري سنه بسحب عليه
بقوه

رد: هتعملى اية لو مكانها؟
 

مرسى دمعة حزن