ازياء - فساتين سهرة و مكياج و طبخ - مش مكسوف منه!! يا قلبك الجامد!!

نفترض انك بتحب حد
وانك ضايقت حبيبك وزعلته
طبعا ضميرك هيأنبك
و تقعد تلوم نفسك انا ازاى عملت كده ويمكن متعرفش تنام
وتخنق وتبكى وتبقى تعبان ومهموم
و تفكر و تحتارو تفكر مليون مرة ازاى تصالحه و تقوله انا آسف!!
وتزعل لو ضايقته او لو هو ضايقك وتقول ازاى انا هنت عليه
تعرفوا مين ده الى انتوا زعلانين على... زعله و ميهونش عليكم زعله؟؟؟!!
ده.. عبد الله او امة الله
وهنا يجى السؤال
يا ترى كام مرة هان عليك ربنا؟؟؟!!؟؟؟!!!
كام مره نمت و انت مش فار ق معاك انك مغضبه؟؟!!!
كام مره نمت و انت فيتك صلاة واجبة؟؟!!!
كام مره نمت و انت مكلفتش نفسك تقول ... أستغفر الله!!!
عشان يسامحك
سألت نفسك كام مرة بكيت عشانه ؟؟!!!
مهانش عليك؟؟!!
طب محسيتش انه حبيب ليك وانت مغضبه ونفسك تصالحه؟؟؟!!!
محسيتش انك قصرت فى حقه؟؟!!!
متألمتش ومسألتش نفسك وانت فى الموقف الفلانى . . . . . يا ترى هو غضبان عليك ولا ؟؟!!!!
ليه تخلى ربنا يكون أهون الناظرين ليك
ليه
طب مسألتش نفسك كام مره نمت و انت مغضبه؟؟!!
طب قلتله أنا آسف متزعلش منى يا رب ؟؟
طب مش نفسك تتكلم معاه؟؟؟!!
هتقولى هتكلم معاه ازاى؟؟!!
عن طريق سجدتك و انت بين ايديه ده اقرب ما يكون العبد إلى ربه وهو ساجد..
نفسك يرد عليك يقولك انا سمعك؟؟!!!!
اقرأ القران ايوه اقرأ القران..
إذا أردت أن تكلم الله فعليك بالصلاة
وإذا أردت أن يكلمك الله فاقرأ القرآن ...
طب محسيتش فى مرة انه حبيبك
هو الى عالم كل اسرارك قبل ما تعلمها
مفكرتش تطلب منه المعونة بصلاة استخارة؟؟!!
طب محبتش تشكى همومك ليه ؟؟
طب مسألتش نفسك لو حبيبك سابك
و كل صحابك و جيرانك و اهلك متخانقين معاك
وبقيت لوحدك بتبكى و الدنيا متقفلة فى وشك
هتعمل ايه مين هيسمعك مين هيطبطب عليك
محبتش يكون فيه واحد جنبك يحس بيك وشايف كل حزنك ودموعك,
معاك و بيناديك وبيقولك تنديه
عشان يرد عليك ويقولك
لبيك عبدى لبيك
يا الٌه
ربنا بيقولك
تعالى انا عايز اسمعلك ..تعالى اسعدك احللك مشاكلك ..
ربنا عايز يريحك وانت مش بتحرص على طاعته ..
للدرجة دى هان عليك ؟؟؟!!!!
تخيل وانت بتعمل ذنب كبير
ربنا شايفك ومع ذلك بينجينا و يحفظنا
ويبقى مستنينا نرجعله
وبعد ده كله تنام عادى كده ولا همك غضبه
مفكرتش ان بأخذة عزيز مقتدر يقبض روحك الى انت فرحان بيها فى لحظه
و يقولك خلاص آن الأوان
مفكرتش هتقله ايه
هتقله يا رب انا كنت بزعل على زعل حبيبى وانت لا ؟؟!!!
محسيتش فى مرة أنه
الوحيد الى عنده قدرة رهيبة على المسامحة
و مهما تعمل و ترجعله بيغفر لك عشان بيحبك بجد
وفى الاخر انا هسبكم تفكروا وتسألوا نفسكم
انا ازى هان عليا غضب ربنا ازاى؟؟!!!
يلا كلنا قبل منام نتوب
ونرجع لربنا حبيبنا
ونقله سامحنا يا رب
سامحنا
أستغفر الله الذى لا اله الا هو الحى القيوم واتوب اليه