ازياء - فساتين سهرة و مكياج و طبخ - بنات منو مثلي؟؟ مليت من رومانسية زوجي زوجي رومانسي حيل أبي حل تكفون

بنات شفت هالسالفه في منتدى من المنتديات و استغربت من هالبنت الصراحه الوحده تحلم انه يكون زوجها مثل هالبنت حدده رومانسي وهي مو عاجبها الاخت >> خل تعطيني خخخخخ http://www.mzyon-qatar.com/vb/images...uare/icon1.gif
وبصراحه حيل استغربت من هالشي و حبيت تشوفون شكثر هي ماتستاهل مثل هالزوج دام تقول ملت احقدو عليها مثلي خخخخخخخ

صباح\ مساء المحبه والرضا
بنات بسولف لكم شوي عن زوجي
بس قولو مآشآء الله تكفون
زوجي رومآآآآآآنسي حيل
مليت منه ومن رومآنسيته
اكيد بتستغربون كلامي
يحب كل ماطلع للدوام او اطلع برا البيت
يكتب لي على المنظرة عباره حب او وله
يكتب بطاقه يلزقها على مدخل الباب
القاه يحط لي دايم عند راسي ورده
جوري كل يوم لون من اول ماتزوجنا
على هالحال لاتفكرونا معاريس ترى صار
لنا 3 سنوات ماشاء الله
الريوق دايم هو يحب يجهزه ويجيبه
لي عندي في السرير وطبعا لازم يأكلني بيده
ومع الفطور ورده بعد
يلبي كل طلباتي لو طلبت السوق اخر اليل
نزلني لو اطلب لبن العصفور جابه لي
اي طقم ذهب او الماس او نفنوف
بمجرد اطالع فيه في المحل على طول يدخل يجيبه
شغل البيت مامسكه ابد ولاني ماحب
الشغالات هو يشتغل يغسل ويكنسhttp://www.mzyon-qatar.com/vb/images/smilies/1/dfgl.gif
بس الطبخ علي لانه مايعرف
يقول مابي يدينك الناعمه تخرب من شغل
البيت ابيك مثل التحفه جدامي
لاتفكرونه ضعيف شخصيه بلعكس
شخصيه قويه في عمله ورجل اعمال ناجح
ولكن لمى يدخل البيت يتغير كل شي
الرجل الطموح الناجح القوي يضعف بمجرد
مايشوف عيوني...طول مانا اكل او اشوف
TV وهو يطالع فيني يقول احب اتأملك
كل شوي يعطيني بوسات وانواع الدلع
وانواع السفرات لكل مكان
يحب يدلني حيل....لو اقول لكم
انه اكثر رجل رومانسيه في العالم ماتصدقوني
اذا زعلت منه طبعا مايزعلني بس انا احب
ازعل عشان اشوف غلاتي شيسوي؟؟
مره جاب بروجكتر وقفل الانوار وحط اضائه
رومانسيه وفواحات وريحة الجو واو
والجو بارد وانواع الورد في الصالون
وشغل البروجكتر مسوي عرض لصوري
كلها وكاتب فيها انواع الحب والاعتذار
ومن غير طلعات للفنادق والمطاعم
تخيلو عاد مرره كنت زهقانه
وضايق خلقي سافرنا واحنا مو مجهزين
لسفره على طول حجز وعلى النمسا
يقول مابيج تتكدرين مابي اشوفج
متضايقه

دايم اذا جيت انام لازم ينومني اول
بعدين ينام هو مستحيل ينام وانا
توني مانمت يقول مايطاوعني قلبي
يقعد يسولف لين انام

اذا كنت في الدوام يرسل لي هدايا
ورد....شوكلت....بطاقة دعوه للغدا...
بس انا مليت من هالرومانسيه
ابي اعيش مثل الناس عادي

:

:

:

:

:

:

وفجآه قعدت من احلام اليقظه
على صراخه وهو يقعدني عشان احطله الريوق
وطلعت الرومآنسيه على اصولها
شرايكم بس عيشتكم جو؟
الحين من بدايه الموضوع تقولون يابختها

منقول لعيونكم