ازياء - فساتين سهرة و مكياج و طبخ - معمول مضمون وطعمه امم

السلام عليكم ورحمة الله وبركاته......

جايبة لكم طريقه فوق الروعه للمعول المنزلي..

المعمول صعب وكلنا عارفينه..ولو ضبط معاك هالمره ما تضمنين يضبط المره الثانيه..

ما ودي اطول عليكم بس انا مره عانيت منه...

ولما يطلبني اياه زوجي مره ثانيه اروح بكل ثقه لم المطبخ وبالتالي اتوهق..:sgsgse:

المهم..

سويته بنفس الطريقه هذي ومن جد ضبط بس الخوفه من لما اكرره مره ثانيه

الحمدلله بكل مره اسويه يضبط..وكل من ذاقه سألني من وين شاريته..ما يصدقون انه شغل بيت

جربوه بنفس طريقتي وما راح تندمون..

المقادير:

اصبع زبده المراعي صغير
ربع ك سكر مطحون
بيضه
ربع ك حليب سايل
م.ص B.P
م.ص بهار معمول
1ك دقيق كويتي منخول
وخلي حولك نص ك دقيق احتياط

الحشوه:...

تمر معبوط جاهز او انتي تحضرينه من التمر العادي والأفصل سكري
2م ك زيت نباتي او زبده
1م ص قرفه مطحونه

*وانتي ورغبتك مستعجله او حسيتي التمر ناشف شوي حطيه على النار
هو والزيت وبعد رفعه عن النار حطي القرفه..

*او ادهني يدك بشوي زيت واعجنيه انتي..

الطريقه..

بالخلاط تركبين طبعا الخفاقه..او اذا ماعندك تخفقينه بيدك بخفاقة الكيك العاديه

تضعين الزبده بعد ما تلين من حرارة المطبخ وعلى طول عليها السكر تخفق الين تتجانس

ثم يوضع البيض مع الحليب ويخفق مره اخرى حتى يثقل قوامه شوي يعني مثل الدريم ويب تقريبا

ثم تخرجين الخليط وتضعينه بزبديه وتضعين ال B.P والبهار وبالتدريج الطحين واذا صارت لينه بزياده

زودي شوي من الطحين النص ك الي على جنب على العموم ما ظني تزودين اكثر من رشه تقريبا

لأنها تصير ناعمه العجينه مره وتهيل ..تشكلينها مثل ما تحبين وتضعينها بالفرن على حراره متوسطه

وتراقبينها لا تغفلين عنها لأنه ما يبلها شي واذا تحمرت شوي من فوق خلاص طلعيها

دقيقه ثم اكتميها برطمان بلاستيك بس حطي تحته مناديل علشان ما يرطب ويحفظ ليونته..

رشي عليها

سكر بودره للزينه.او ذوبي 2 جالكسي ساده مع نص علبة قشطه بحمام مائي وغطي المعمول

بوسطه بالحبه ثم ضعيه بالثلاجه وقبل تقدمينه ب5 دقايق طلعيه وقدميه روعه بعد

ان شاء الله بتشوفون موضوعي مصور اوضح واشهى بموسوعة الطبخ

والبهار عباره..

بعطيك كميه تسوينها وتطحنينها وتضعينها بعلبه وتحفظينها بالفريز لحين الاستخدام

وهي تصلح مع المعمول والبسكوت والشابور المنزلي..

وهي :... نص ك شومر مطحون او عدل حسب الرغبه
نص ك محلب ضروري مطحون
نص ك حبه حلوه"ينسون" مطحون او عدل حسب الرغبه

ولكن الأفضل طحنه جميع..بتجربتي

او البهار الجاهز بس هذا الي استخدمه شخصيا

وبس..عليكم بالعافيه ان شاء الله يعجبكم:icon_cool:

ارجو الدعاء لي وذريتي والدي برضا الله والجنه..تحريمنا عن النار والمسلمين "آمين"