ما كني اعرفه ولا كني ابغيه
 

ما كني اعرفه ولا كني ابغيه ,, وانا عليه من امه احب واجرى
ياكثرها تسليمة يوم الاقيه ,, لي عين تكتب له وله عين تقرى
ولا حل طاريه تجاهلت طاريه ,, ماكني ادري عنه وانا به ادرى
احشم قريبه حشمة له واداريه ,, واخشا يجي في خاطره شي وادرى
بسكات يغليني وانا حيل مغليه ,, لا تيلفون ولا مواعيد غدرى
يصون ودي عن عذولي وأحاميه ,, وأناعليه احجاء من القلب وأذرى
حباً عفيفاً والصراحه سواقيه ,, في وقتنا ماظنتي قيل يطرى
لا اسولف بحبه ولاني بكانيه ,, وغيري لونه يوالفه كان هذرى
لايحسبني يوم قفيت ناسيه ,, لعيونه اني ماتحاليت عذرى
ليت الزمن يرجع وانا اعلمه ليه ,, ولا الحظوظ من المقابيل تشرى
كل العذارى في الوفاء ماتساويه ,, كنه اليمين وباقي الغيد يسرى
قولوا له اني مارتضي بالبدل فيه ,, لا مال قارون(ن) ولاعرش كسرى
يرتاح ماغيره ملا عين هاويه ,, غلاه نهر النيل والقلب مجرى
واكبر دليل اني الى غاب احاتيه ,, كم لليلة مات على كف مسرى
وان قالوا انه شرق وازريت لا اجيه ,, وجهت وجهي كل ما نمت حدرى
:rolleyes:

رد: ما كني اعرفه ولا كني ابغيه
 

يسلمو غلاتي

رد: ما كني اعرفه ولا كني ابغيه
 

رآآآآآآآآق لي

مشكوؤره يالغلا ع الطرح الرآئع

عساك على القوه

ولاهنتي على الطرح

دمتي بود لاينتهي

رد: ما كني اعرفه ولا كني ابغيه
 

تسلمون يالغ'أإلين ع' المرور الذوؤوق..,

رد: ما كني اعرفه ولا كني ابغيه