ازياء - فساتين سهرة و مكياج و طبخ - أحلى شاي من أحلى يدين

السلام عليكم

كيفكم بنات ؟
بنات الموضوع مبين من عنوانه نبي كل وحده تقول لنا طريقتها بالشاي ومو لازم شاي محدد سواء شاي بالنعناع او الزنجبيل او الكركديه عاد الشاي المنافسه فيه خطيره وانتوا ماشالله عليكم حريم يلا نبي نسمع الدر ر وبيبين شاي المحترفات
وانا بدا

خلوني اقولكم الطريقه الأحلىىىىىى يطلع روعه

جيبوا قفشة شاي فله وحطوها في المطاره وجيبوا حبتين Tea bag
واقطعوا خيطهم وقطوهم في المطاره خليهم يثبتون فوق الشاي الفله
وصبوا ماء حار وسكروا المطاره بحدود ربع ساعه...طبعا
.و بالهنا والشفا
يطلع يجنن يعدل الراس صدق
وهذي طريقة بعد للشاي بالنعناع تسوين شاي عادي بعد مايخلص تحطين عليها ليبتون اوربيع اواي شاي وشوي نعناع فريش طبيعي وتسكرينه زين لمدة خمس دقائق تتاكدين انو مافيه ولافتحه حتى يتخدر بعدها يطلع روعه وبالعافيه ع قلوبكم
شاي الدارسين (القرفه) ..
شاي بالقرفه (دارسين )
خذي كذا عود دارسين ( قرفه) و غسليهم ..
سخني ما بالغلايه او ع النار ..
اخذي براد شاي و حطي فيه الدارسين (القرفه) مع الماء المغلي و خليه يطبخ على النار و يغلي لين تشوفين لون الماء تغير و صار بني فاتح ..
شيليه .. و صبي في فنجانك و الا كاستك و استمتعي ..
على فكره شاي الدارسين زين للي عندهم الدوره الشهريه و طعمه حلو واذا تبون تضيفون سكر ضيفوا وبالهنا عليكم

وكمان فيه طريقه للشاي حلوه تحطين بعد مايغلى المويا زعفران ونعناع بس شوي موتكثرين وبالعافيه ع قلوبكم

يلا ابي تفاعل يلغوالي *_^