ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   المواضيع المتشابهة للاقسام العامة (https://fashion.azyya.com/17)
-   -   إفتراضي افتراضي خاطرتي الاولى يهمني رايكم (https://fashion.azyya.com/183634.html)

ون بيس 10-09-2010 08:51 AM

إفتراضي افتراضي خاطرتي الاولى يهمني رايكم
 
يبه بعدك اصبحت غير انسان
كثرت بي الاحزان وضاقت بي الاوطان..
يبه بعدك بانت لنا الاشياء
وكثرت لنا الاعداء...
يبه بعدك صارو كل الناس غراب...
يناظروني واناظرهم يعرفوني واعرفهم ولاكن احسهم اجناب
يبه ترى الدنيا بعدك كلها احزان
كأنها لوحه ولاكن يايبه بدون الوان
يبه بعدك طول الوقت اهذريبك
واسمعك

تناديلي واناديلك ...
تسولفلي واسولف لك...
يبه تذكر كلمتك لي
يا يمه قومي جيبي لي
يا يمه قومي سويلي...
يبه ياتاج راسي..
يبه يا اعز ناسي..
كيف اعيش بعد دنياك..
كيف افرح بهالدنيا
وكيف اضحك من غيرك...
فقدنا زولك الطاهر..
فقدنا شوفتك بالعين..
فقدنا حسك الغالي..
يبه ديوانيتك تناديلك...
تصيح وتبكي فراقك
تسألني دايما عنك...
حزينه حيل من بعدك ..
اناظر فنجالك الغالي
ودلتك ومكانك...
واشم ريحه قهوتك ...
يبه ارجع ترى اشتقنالك...
يبه تدري.......................... ...
انا واخواني وامي
طول الوقت ندعيلك
ياعلك بجنه الفردوس
ويجمعنا ربنا القدوس
يبه ادري مكانك وين ...
ومع ذلك اناديلك...
ولاكن يا يبه تدري
احسك دوم قبالي ...
وجالس دايما عندي
توجهني وتعلمني ...
وتنصحني وتربيني ...
يبه القلم وقف
يعتذر مني...
يقول الحبر خلص ...
ولاكن يا يبه بكتب ...
يبه وربي ما بنساك
وبضل دايما ادعيلك
احبك يبه

وشكرا

مجرد خيال


وربي يطول بعمر ابوي الغالي
يهمنى نقدكم
:428:


الساعة الآن توقيت السعودية الرياض و الدمام و القصيم و جدة 06:56 PM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0