يمه رضيت بكل مايرضي الحال ... بس الزمن بالحيل يلوي يميني
يمه..أنا مالي في هالزرع مقيال ... يمه ربيع الكون ماهو بعيني يمه رضيت بكل مايرضي الحال ... بس الزمن بالحيل يلوي يميني نوّخت فكري للتواضع ولا زال .. وجعلت في وكر الكرامه جبيني ومديت كفيني عطا تشعل اشعال ... أصابعي شمع لمن هو يبيني وجعلت في قلبي للأحبا منزال ... وسكنتهم رغم علي عاذليني طبعي كذا ، ماخالطه خبث واهبال ... أشري الذي في خاطره يشتريني يمه ، أنا في عالم الحب مرسال ... تكفيني من نار العذاب ادركيني كنت أذكر البسمه على شفاة الأطفال ... كانت تحرك كل الأفراح فيني صمتي قتل في داخلي كل الآمال ... وتبخرت أحلام أول تجيني كنت أحسب الدنيا قصيدة وموال ... موالها فرح ، وفرحها هجيني لكن نغمها ماطرالي على البال ... ان اليالي بطبعها تكتفيني يمه ، جهلت اسنين ، وسنين أطوال ... أمشي وتصفق في هواها يديني أطرد سراب وداخل الأرض زلزال ... آه الظما يقتل سنابل حنين يمه كفوف البرد ماتدفي الشال ... أرمي الزمان وبالحنان احضنيني يمه شكيت ومابغيت أشكي الحال ... صوت انهتف في داخلي سامحيني مماراق لي |
رد: يمه رضيت بكل مايرضي الحال ... بس الزمن بالحيل يلوي يميني
يعطيك العافيه
كلمات رائعه لامست أحساسي ابدعتي يالغلا تقبلي ردي مع وردي مرت من هنا *غروب* |
رد: يمه رضيت بكل مايرضي الحال ... بس الزمن بالحيل يلوي يميني
اقتباس:
تسلمي على مرورك.. |
رد: يمه رضيت بكل مايرضي الحال ... بس الزمن بالحيل يلوي يميني
يسلمو قلبو
|
رد: يمه رضيت بكل مايرضي الحال ... بس الزمن بالحيل يلوي يميني
ورود الأمل وش هالإحساس ؟؟؟ والله روؤوؤوؤوعة ...حسيت دموعي شوي تنزل...مدري ليه...مشكورة ما قصرتي حبيبتي
|
الساعة الآن توقيت السعودية الرياض و الدمام و القصيم و جدة 10:23 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.