|
$اهداء لكل من تلاعب بمشاعر البنات$
السلام عليكم ورحمة الله وبركاته
اولا انا اعجبتني هالخاطره وكتبت عليها قصيده ..واتمنى ان تنال اعجابكم اخليكم مع الخاطره اول ...!! تدري إذا البنت عشقت وش ممكن يصير؟! يوه... لوتدري وش عشق البنات؟! موت وحياة.. وأشياء أبد ماتنوصف.. تبي تعرف البنت إذا دشت هوى؟! تنثر لها دمعة حلوه.. تشبه لحبات المطر.. بس دافية حيل.. وتشتري لها شمعة لونها وردي.. وتفرح إذا هي تحترق.. وتجلس بغرفتها كثير .. تصحى وتنام ودايم كسل.. تضحك شوي.. وتبكي شوي.. وتقول أحيانا كلام.. هي نفسها ماتفهمة.. وتشتري لها دفتر جديد.. وتكتب عليه بعض الطلاسم والحروف .. والباقي كلة شخمطة وتغير العطر القديم... ...وتكرة ملابسها القديمة وتموت باليمون..والشاهي الخفيف وتقرى شعر كلة غزل وتقول: يوه.. الله على عشق البنات ياحليلهم مرة يحبون الهوى وإذا دخلوة ضاعوا ومادلوا الطريق أمشي على شط الهوى وشوف البنات هذي غرقانة.. وهذي تصيح.. والثالثة تمشي وتطيح.. وبحر الهوى مايرحم أحد.. يموت في قتل البنات تقول حبيبي!!!.. تدري بشي.. أنا بصراحة خايفة.. أخاف يوم تتركني على حال الطريق وترحل بعيد ... ... ... وتصبح مثل باقي الرجال ماتفهم قلوب البنات. وتقول تدري وش يصير..!؟! والله لأموت من القهر,, وآخذ عزا كل البنات! وأكتب رسالة للقمر, وأقوله: ... لاتنخدع من الرجال... مهماوصفوك¡¡ ومهماتغنوا في بهاك..! ¤باكر يخلونك تموت من القهر¤ .....""¤ مثل البنات ¤""..... وهذي هديه بقلم ماجد الشمري إلى كل شاب متلاعب بمشاعر البنات بقلمه ......؟ يالي خذيت الهوى وناسه وفله تضحك على ساره وتلعب على منيفه خل التلاعب ياميت القلب خله لا وفّق الله من هذي سواليفه حب الرهيفه قبل ماتحب خاف الله خل النوايا بضميرك دايم نظيفه وش ذنبها حبتك من قلبها كله ماتدري انك عديم احساس ياجيفه البنت دمع الهوى من نسمه تهله كما الفراشه رقيقه حيل ورهيفه احساسها احساس شاعر حاضن خله واشواقها اشواق من ودّع مواليفه جرّب اذا فيه يومن صابتك عله شوف الوفا كيف عمره لجلك تعيفه تملك مشاعر تنش القلب وتبله الله على حبها لا صار من كيفه حرام في هالبراءه سيفك تسله ارحم قبل لا يجي من يعدمك سيفه وخل التلاعب ياميت القلب خله لا وفّق الله من هذي سواليفه وسلامتكم ..... تحبوني بالميزان قيموني:0153::0153: |
رد: $اهداء لكل من تلاعب بمشاعر البنات$
آآآآآآآآآآآآآآخ
على غدر الزمان آآآآآآآآآخ على غدر الأيام آآآآآآآآآآخ على خداع الحبيب تسلمي اختي الكلام دخل لقلبي على طول وكله صحيح جد بشكرك على قلمك الذهبي والله تستاهلي احلى تقييم من القلب |
رد: $اهداء لكل من تلاعب بمشاعر البنات$
مشكوره ياعسل عن جد
خجلتيني بكلامك المعسول عساني ما انحرم من نور دخولك نورتيني |
رد: $اهداء لكل من تلاعب بمشاعر البنات$
مشكورة
|
رد: $اهداء لكل من تلاعب بمشاعر البنات$
شكرا لأنك تعبتي بتنزيلوه
وانا مقدره تعبك بس البنت تحب بالحلال احسله وحفض لكرامته ومكانته البنات نادرن ما يصيرلهم مشكل الحساسه مثل هجر الحبيب (الي مو بالحلال يعني من ورا اهله )الله لا يبلانا ويستر علي وعليكم وعلى بنات المسلمين يارب تقبلي مروري |
| الساعة الآن توقيت السعودية الرياض و الدمام و القصيم و جدة 09:37 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.