ازياء - فساتين سهرة و مكياج و طبخ

من يرخصك بيعه مع الناس بتراب
لاتعترف بالي مع الناس باعك

اخلق لنسيانه مع الوقت الأسباب
ولاتعتبر هالأمرقصة ضياعك

وإن كان قلبك عن طواريه ماتاب
خلك بعقلك كان هالعقل طاعك

سافر مع الأيام لاتقفل الباب
وخف بهالمعنى علوم إندفاعك

اصمد وقاوم لا تخوَّف وترتاب
خلِّك قوي وانشر بحرك شراعك

دوَّر على الي يحترم درب الأحباب
الي طباعه بالوفا من طباعك

لاقال يصدق مايجي يوم كذَّاب
ولاقلت يِحْسِنْ بالحديث إستماعك

من طيبته تشتاق له كل ماغاب
ويشتاق لك لاعاش وقت إنقطاعك

تلقاه بالضيقه معك خير الأصحاب
يزعل لضيقك مايدوِّر وداعك

لأخطأ بحقك يعتذر قبل تنصاب
ولأخطيت في حقَّه تحرى دفاعك

لامن عطى من قلب مايحسب إحساب
تلقاه قربك لأسود الهم لاعك

حلمه رضاك ويلتقي منك الإعجاب
وهناه لامنه توسد ذراعك