ازياء - فساتين سهرة و مكياج و طبخ - الدلكه السودانيه كلمة روعه قليله فيها

--------------------------------------------------------------------------------

الدلكه السودانيه كلمه روعه قليله فيها

الطريقه
بقولكم طريقتي ادهن الجسم بزيت زيتون قبل الحمام بنص ساعه او ساعه
ادخل الحمام وانضف الجسم بليفه الي على شكل غفاز من بودي شوب لانها رهيبه وماقدر استغني عنها وصابون غار او الطائوس او اي صابون طبيعي يكون صابون العسل او غيره
وبعدين تنشفين الجسم بالمنشفه وانتي بالحمام
ويكون صحن الدلكه موجود تحطين كورة دلكه كبيره وتعجنينها بشوي ماي تكون ثقيله مثل العجينه وحطي الكميه الي تكفي الجسم عادتن الكوره اذا هي كبيره تكفي واذا صغيره حطي ثنتين
وبعدين مدي خليط الدلكه على الجسم ويكون مخلوط بالقليل من الماء لاتخلينه سايل حيل ترا مايضبط ومايقشر بعدين
المهم تتركينها على الجسم والوجه بعد لين تجف شوي وتفركين الجسم باليد وتسوين لها مساج لانها اصلن معروفه بالمساج لين تحسينها تتكتل وتلزق بيدك وبعدين تصبين بيدك اي زين للعزباوت زيت زيتون ولا سمسم لانها رهيبه والمتزوجات زيت جونسون للاطفل وتحطين شوي زين بيدك وتفركينها تشوفيها اذا تكتلت ونزلت في البانيو وتسوين كل جسمك لين تطلع وبعدين تغسلين بالماي فقط لاتقولون الريحه تراها تروح بعد الحمام على طول وانا مجربتها ولا تقسلونه بالصابون لانه يزيل الترطيب ترا الدلكه احلى مافيها ملمسها ورطوبتها الخياليه والمتزوجات يحطون عطر ويتبخرون وخلاص
والله نعومه خيال وراحه نظافه ولا اروع تحسينك حرير وخصوصا اذا كنتي شايله الشعر بالحلاوه ترا موت تصيرين بيبي منقول