ازياء - فساتين سهرة و مكياج و طبخ - مدرسة رياضيات خلتني أستمتع بالمادة

مساء الخيرات واليرات،،
كالعادة جميعنا نكره مادة الرياضيات لأنها دسمة ومو فاهمين آيش فايدتها في حياتنا اليومية ،، الخلاصة أنا وحدة من البنات كنت جايبه العيد في كل إختبار ولأن بدأ نظام النسبة المركبة عشان الجامعة خافت أمي لا آبلط لها بالبيت :D لذا رفعت السماعة على كل معارفها تسأل لي عن مدرسة رياضيات وعاد أنا طاح وجهي عند أهلنا لأني إنفضحت فضيحة الخروف يوم العيد :11_1_120[1]: مم عاد ردت عليها وحدة من معارفنا وقالت جارتي خريجة رياضيات و بحاول إنها تدرس بنتك عاد أمي ماقصرت قالت صارحيها إن بنتي مهوية بالمادة :frasha11: وبعد كم يوم دقت ست الحسن على أمي وقالت خلاص أقنعتها تدرس البنت بس شرطها إن البنت تجي البيت هي ما تروح لأحد والصراحة رحت أول مرة مع الشغالة وكنت جازمة إنه مشوار على الفاضي بس قلت خلني أشم نفس بعيد عن أخوي الغثيث:073: وجلست تشرح لي حوالي ساعتين وبالها طويل وتبسط بالشرح والله إني صرت أتحرى روحتي لها لأنها ممتازة بالشرح وعندها ضمير غير إنها متفاهمه وإرتحت لها من أول مرة عاد تخيلو منهج ثالث ثانوي وصعوبته للحين أتذكره لأني فهمته وإستمتعت فيه دوال وكثيرات حدود ومتتابعات نهايات واتصال تفاضل تكامل بجدد الله يوفقها كانت أحسن مدرسة مرت علي بحياتي أخلاق و ضمير وتواضع مع خفة دم وما أخذت كثير فقط 2000 ريال على المنهج كامل وكنت أجيها 3 مرات بالأسبوع وفي كل مرة آجلس عندها 3 ساعات بجد حبيتها والحين أنا أواصلها و أزورها كصديقة و أهلي يثقون فيها مررة ،، فعلآ تغيرت بسببها وصرت آميل للثقافة وتحسن عندي التفكير و نظرتي للأمور ،، الله يوفقها :0154:عاد ألي تبيني أتوسط لها عند صديقتي تدعي لي إني أتزوج بهالصيفية:sdgsdg: