ازياء - فساتين سهرة و مكياج و طبخ - قصتي باختصار تحتاج مساعدتكم

سلام عليكم

انا والله بس حابه افضفض واي احد عنده نصايح ولا كلام ما يبخل عليا
انا من كثر ما اكلم احد واخبي في قلبي حاسه نفسي بختنق
حبدا اكتبلكم حكايتي ونشالله بس اعرف كفيها كلها باختصار
انا دحين عمري 21 سنه والحمدالله اعرف اتصرف واغير بنفسي شويه شويه ,, اشياء كثير كنت خايفه منها وصارت مشكلتي انو انا بحب شخص " لا تحكموا عليا من اول كلمه " والله العظيم طول عمري بحاسب على كدا وبعد من دا الشي بس بدت حكايتي قبل 5 سنين كنت دوبني تخرجت من المدرسه الثانويه تعرفت على واحد عن طريق التشات بلتلفون كان عندي مبدا انو يا فلانه لا تحبي ولا تدخلي بغلط ولا تطلعي ولا تسوي اي شي اللهم بس نتكلم تشاتنج وكلام فاضي بعد كدا كان هو ماشالله عليه عاقل وكنا نحكي لبعض كل شي على انه بس فضفضه وكل اغالطنا وكل الاشيا الي سويناها
كان تفكيره قريب من تفكيري مره ما عنده حب وخرابيط وعلى اساس يعاملني معامله اخت وانا مثله
قعدنا نكلم بعض فتره طويله مره اعترف انه علمني اشيا حلوه كثيره وغير فيني الباطل وانا كمان سويت نفس شي وكنا بعلاقتنا كدا انا اساعدك وانت تساعدني بي ما نخرب بعض

انا كان عندي قاعده ما اطلع ولا اشوف شباب ولا غيره ,, يمكن انا وهو تعدينا شويه وكان بلجامعه يجي يحطلي شي مثل فلاش ولا مفكره نتبادل باشيا بسيطه وحجات زي كدا عمري ما قعدت معاه ولا عمري طلعت معاه ولا عمرنا تكلمنا باشيا غلط وكله نساعد بعض ونحسن من تصرفات بعض
الا الاشيا الي دكرتها ما كنا نركز انها غلط ونتساهل فيها
مروا الايام ولان لينا خمس سنين هو هذي السنه تخرج من الجامعه وانا كنت احس نفسي تعلقت فيه تعلق شديد وما حكيتله ولا بينتله ولا سويت اي شي بس كنت كل ما احس شي كنت اقول لنفسي لا انتي ما تحبي هو شويه وبيروح وكدا
يمكن بسبب اهتمامه وتعاونه وملي حياتي وساعدني باشيا كثيره وطيب والله والله ابن ناس ويخاف ربه
نتهاون باشيا بس بسيطه انه اغاني ونكلم بعض تلفون ونتبادل اشيا وكدا بس
المهم قبل 6 شهور بس انا فاتحته بموضوع وقلتله احنا زودنا فيها وانت بتروح واحنا تعودنا على بعض واجد ونتكلم 24 ساعه اش رايك نخف انت حتسافر احسن ما اتعود عليك اكثر وانت كمان هو قلي مدا هذا الصح نسويه ليش لا
بس مرو يومين واتصل وبدا يقولي مقدمه طويله عن الحب الطاهر والي ربنا ما يحرمه وانه مش بيد الانسان وكدا وقلي انا احبك واسف
انا وقتها فرحت وزعلت وتخربطت ومادريت اش اسوي لانو كان احساسي كدا بس كنت احسه والله بنفس الوقت واحد من الاهل 5 سنين مش شويه وتعودنا على بعض
ومرت ايام وسالته اش عنده الحب وسالني نفس الشي وتكلمنا انه هو غرضه الزواج مني انا كنت شويه خايفه وخطيت خطوه عمري ما تمنيت اسويها ولا انحط فيها قلتله انا كمان احبك بس للان هدا ما يغير شي حبينا بعض 3 شهور زياده وجت عطله رمضان وسافر" هو يعيش بلسعوديه وانا اعيش بليمن "
وهداك الوقت كلم امه وابوه واخته الكبيره وامه انسانه متدينه فهمته انه حرام الي سواه وكدا وهو اقنعها انو احنا نبي نصلح غلطنا واننا نبي نحب بعض بلحلال ومع كدا اقنع امه وامه لدحين ماردت خبر انها راضيه ولا رافضه
رجع هو بعد شهرين كدا صاروا 5 شهور نحب بعض انا بدت دراستي وابغا اركز فيها اكثر بس معاه 24 ساعه نتكلم يساعدني وجيبلي ويقويني وانا اردله نفس الشي
تعودت عليه مره وما حقول ما اقدر اعيش بدونه لانه قبله كنت عايشه بس والله اتازم ادا غاب عني ولا صار مشكله بينا
صار بينا كلام وقلي دحين وقتنا نكتب شروطنا لبعض عشان يوم يجوا يوافقوا نكون جاهزين انا في بالي اشيا كثيره واولها اخاف اتنقل للسعوديه ما ابغا اروح هناك لعده اسباب واولها الحر "سوال \كيف اقنعه نروح مكان بارد؟"
قلنا طيب وبنحاول نكتب وكدا
المهم امس تكلمنا اننا احنا تمادينا باشيا غبيه واننا الي نسويه حرام واننا نكلم بعض وحب والخ قرنا نترك بعض لين هو اهله يردوا خبر ويجي وهو قلي انشالله يصير كدا قريب انا اثق فيه مو من شباب ولا من حب هاليومين اثق فيه والله بس انا خايفه طيب " من ترك شيئا لله عوضه خيرا منه " انا ابغا ربنا يعوضنا ويعجل ويتتمم بينا بالاخير بس مش قادره اوقف دموعي من امس وجهي صار مورم من كثر ما بكيت ومن كثر مانا خايفه من الجاي دعيت ربي وحاولت اقنع نفسي بحجات بس شفتها صعبه ابغا اتصله اسوي اي شي ما ابيه يروح كدا من حياتي افكر لو ربنا ما كتب نصيب ؟؟ معقول تكون كدا النهايه بعد 5 سنين ؟؟ بعد ما اول مره احب شخص واثق فيه واعطيه قلبي ؟؟ والله ما عاد دريت الي اسويه صح ولا غلط والي سويته صح ولا غلط وكيف بقدر اركز ع دراستي الان وقلبي كدا موجوع ؟؟
اسيبه بلمره ؟ ولا اكون اكلمه ايميلات ؟؟
هدا واحنا ما كنا نشوف بعض ولا نطلع ولا شي بس كدا اول شخص بحياتي والله احبه :(
انا اش اسوي ادري كلامي مخيط بصميل بس والله عشاني انا مش عرفه اش اكتب بس ابغا افضفض
يا ترا اش رايكم فيني وبكل حاجه وبصراحه يا ليت تساعدوني شويه وانا اعتبركم اخواتي وصديقاتي الي اقدر اتكلم معاهم
عفوا عشان ما قدرت اوضح كثير وعشاني طولت