أقوى المسلسلات حبيبة بابا عايزه ... مش ها تقدر تغمض عنيك
 

أخواتي الفاضلات
إلى كل أخت تبحث عن السعادة الحقيقة
((السعادة في طاعة الله والإلتزام بشرعه وهدي نبيه صلى الله عليه وسلم))

يسعدنا أن نقدم لكم هذا المسلسل الجديد
مسلسل (حبيبة بابا عايزة ... )

المسلسل في 7 حلقات
الحلقة الأولى
"الحلقة الثانية"
الحلقة الثالثة
الحلقة الرابعة
الحلقة الخامسة
الحلقة السادسة
** (( الحلقة الاخيرة )) **
المشهد الثاني في الحلقة الأخيرة
المشهد الأخير في الحلقة الأخيرة

رد: أقوى المسلسلات حبيبة بابا عايزه ... مش ها تقدر تغمض عنيك
 

المسلسل بطولة
حبيبة بابا ، بابا ، ماما
والآن مع فاصل إعلانى
نتمنى لكم سهرة سعيدة

فاصل إعلانى:-
توتو : ماما ... أنا خايف
ماما : خايف من إيه يا حبيبى
توتو : خايف يا ماما لا يمنعونى أنا واصحابى إننا نشرب سجاير فى الجامعة
ماما : نعم ... ليه يا اخويا .. منقبات انتوا ولا منقبات

اوعوا تروحوا بعيد

رد: أقوى المسلسلات حبيبة بابا عايزه ... مش ها تقدر تغمض عنيك
 

"الحلقة الأولي "


حبيبة بابا : صباح الفل يا بابا يا حبيبى
بابا : صباح الخير (وهو ينظر للجريدة )
حبيبة بابا : ايه يا بابا هو الجرنان اهم منى ؟
بابا : عايزة ايه يا بت على الصبح ؟
حبيبة بابا : (ونظرة خجل ) قفشتنى يا بابا
بابا :ها اخلصى عايزة ايه ؟
حبيبة بابا : بصراحة يا بابا عايزة اطلب منك طلب
بابا : ها ( ونفخة صغيرة )
حبيبة بابا : امم ..بابا بصراحة بقى انا عايزة البس الحجاب
بابا : (و100 علامة تعجب على وشه ) انتى قولتى ايه ؟؟
حبيبة بابا : ( بعد كحة صغيرة ) عايزة البس الحجاب يا بابا
بابا : حجاب ايه يا بنتى دلوقتى انتى عندك كام سنة علشان تتحجبى
حبيبة بابا : ايه يعنى يا بابا ما هى ماما محجبة
بابا : طيب دى ماما لكن انتى ايه يا الى لسة بتعملى ضفاير
حبيبة بابا : يا بابا انا خلاص كبرت يا بابا ومعتش صغيرة
بابا : لا .. انا هناديلك امك تيجى تسمع انتى بتقولى ايه .. يا امو حبيبة

ماما : (من المظبخ ) ايوة يا ابو حبيبة

بابا : تعالى شوفى بنتك

ماما : (وهى بتنشف ايديها ) ايه يا بت ..عملتى ايه

حبيبة بابا :معملتش حاجة يا ماما

بابا : الابلة عايزة تلبس الحجاب

ماما : (وحاجب فوق حاجب ) حجاب !!!!!!!!!!!!!! حجاب ايه يا بت ده انتى اصحابك لسة بيلبسوا برمودة

حبيبة بابا : ( وضحكة من تحت لتحت )برمودة ايه يا ماما .. انا بكلم بجد

بابا : انا عايز اعرف يعنى انتى عايزة تتحجبى ليه ؟

حبيبة بابا : طب قولى يا بابا ماما محجبة ليه ؟

بابا : امك ست كبيرة لكن انتى لسة صغيرة

ماما : ايه يا ابو حبيبة ايه كبيرة دى

بابا : حقك عليا يا امو حبيبة .. انا الى كبير

ماما : ايوة كده

حبيبة بابا : يا بابا .. يا بابا انا مش لسة صغيرة .. وبعدين يا بابا الحجاب مش بالسن




اقتباس:
متى تحتجب الفتاة ؟
اقتباس:


الحمد لله
لا يعتبر الشخص مكلفاً إلا بعد البلوغ ، أما قبل البلوغ فلا تكليف عليه ، لقول النبي صلى الله عليه وسلم : (رُفِعَ الْقَلَمُ عَنْ ثَلاثَةٍ : عَنْ الصَّبِيِّ حَتَّى يَبْلُغَ ، وَعَنْ النَّائِمِ حَتَّى يَسْتَيْقِظَ ، وَعَنْ الْمَعْتُوهِ حَتَّى يَبْرَأَ ) رواه أبو داود (4402) ، وعلى هذا فيجب على الفتاة أن ترتدي الحجاب الكامل إذا بلغت , ولبلوغ ثلاث علامات مشتركة بين الذكر والأنثى :
1- الاحتلام .
2- نبات الشعر الخشن حول العانة .
3- بلوغ خمس عشرة سنة .
وتزيد الأنثى بأمر رابع وهو :
4- الحيض .
فإذا حصل للفتاة إحدى علامات البلوغ هذه وجب عليها الإتيان بجميع الواجبات واجتناب جميع المحرمات ، ومن الواجبات ارتداء الحجاب .
ولكن ينبغي لولي أمر الفتاة أن يُعوِّدها على الالتزام بالواجبات واجتناب المحرمات قبل البلوغ , حتى تنشأ على ذلك , فلا يشق عليها الالتزام بها بعد البلوغ ، وهذا من الأصول التربوية المقرة في الشريعة .
فقد قال النبي صلى الله عليه وسلم " مروا أولادكم بالصلاة وهم أبناء سبع سنين , واضربوهم عليها وهم أبناء عشر , وفرقوا بينهم في المضاجع " رواه أبو داود (495) وأحمد (2/187) من حديث عمرو بن شعيب عن أبيه عن جده .
وجاء هذا المعنى من حديث سبرة بن معبد عند أبي داود (494) والترمذي (407) وقال : حسن صحيح . والحديث صحه الألباني في "الإرواء" (247) .
وروى البخاري (1960) ومسلم (1136) في " صحيحيهما " من حديث الرُّبيع بنت معوذ في ذكر صيام عاشوراء عندما فرض صيامه على المسلمين , وفيه : فكنا بعد ذلك نصومه _ يعني عاشوراء _ ونُصوِّم صبياننا الصغار منهم ، إن شاء الله , ونذهب إلى المسجد فنجعل لهم العبة من العهن _ وهو الصوف _ , فإذا بكى أحدهم على الطعام أعطيناها إياه عند الإفطار .
وفي رواية لمسلم : فإذا سألونا الطعام أعطيناهم العبة تلهيهم حتى يتموا صومهم .
قال النوي في "شرح صحيح مسلم" (8/14) : ( في هذا الحديث تمرين الصبيان على الطاعات وتعويدهم العبادات , ولكنهم ليسوا مكلفين ) ا.ه
وقال ابن القيم في "تحفة المودود بأحكام المولود" (ص :162) : ( والصبي وإن لم يكن مكلفا فوليه مكلف ، لا يحل له تمكينه من المحرم , فإنه يعتاده ويعسر فطامه عنه ) ا.ه
وإذا قاربت الفتاة البلوغ فإنه يُخشى أن يكون عدم ارتدائها الحجاب سبباً لفتنة الشباب بها ، وفتنتها بهم .
ولذلك ينبغي لوليها في هذه الحال أن يلزمها بالحجاب ، سداً للذريعة ومنعاً للمفسدة .
والله تعالى أعلم .

موقع الإسلام سؤال وجواب


بابا : طب يعنى عايزة تلبسى حجاب ايه ؟


حبيبة بابا : اى حاجة يا بابا ترضى ربنا

ماما : خلاص انزل اجيبلك كام جيبة وكام بضى وتعملى طرحة اسبنش زى البنات الحلوين كده

حبيبة بابا : يا ماما بضى ايه وطرح اسبنش ايه .. طرح اسبنش بتاعت اليهود يا ماما ؟؟
ماما : يهود ايه يا بت
حبيبة بابا : يا ماما انا مش وريتلك من كام يوم صور بنات يهود لابسين طرح اسبنش يا ماما


اقتباس:
صفات الحجاب الصحيح
اقتباس:

الجواب :
الحمد لله
قال الشيخ الألباني ، رحمه الله تعالى :
شروط الحجاب :
أولا : ( استيعاب جميع البدن إلا ما استثني )
فهو في قوله تعالى : { يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما } .
في الآية الأولى التصريح بوجوب ستر الزينة كلها وعدم إظهار شيء منها أمام الأجانب إلا ما ظهر بغير قصد منهن فلا يؤاخذن عليه إذا بادرن إلى ستره .
قال الحافظ ابن كثير في تفسيره :
أي : لا يظهرن شيئا من الزينة للأجانب إلا ما لا يمكن إخفاؤه ، قال ابن مسعود : كالرداء والثياب يعني على ما كان يتعاطاه نساء العرب من المقنعة التي تجل ثيابها وما يبدو من أسافل الثياب فلا حرج عليها فيه لأن هذا لا يمكن إخفاؤه .
ثانيا : ( أن لا يكون زينة في نفسه )
لقوله تعالى : { ولا يبدين زينتهن } فإنه بعمومه يشمل الثياب الظاهرة إذا كانت مزينة تلفت أنظار الرجال إليها ويشهد لذلك قوله تعالى : { وقرن في بيوتكن ولا تبرجن تبرج الجاهلية الأولى } سورة الأحزاب:33 ، وقوله صلى الله عليه وسلم : " ثلاثة لا تسأل عنهم : رجل فارق الجماعة وعصى إمامه ومات عاصيا ، وأمة أو عبد أبق فمات ، وامرأة غاب عنها زوجها قد كفاها مؤونة الدنيا فتبرجت بعده فلا تسأل عنهم " . أخرجه الحاكم (1/119) وأحمد (6/19) من حديث فضالة بنت عبيد وسنده صحيح وهو في " الأدب المفرد " .
ثالثا : ( أن يكون صفيقا لا يشف ) فلأن الستر لا يتحقق إلا به ، وأما الشفاف فإنه يزيد فتنة وزينة ، وفي ذلك يقول صلى الله عليه وسلم : "سيكون في آخر أمتي نساء كاسيات عاريات على رؤوسهن كأسنمة البخت العنوهن فإنهن ملعونات " زاد في حديث آخر :"لا يدخلن الجنة ولا يجدن ريحها وإن ريحها لتوجد من مسيرة كذا وكذا " . رواه مسلم من رواية أبي هريرة .
قال ابن عبد البر : أراد صلى الله عليه وسلم النساء الواتي يلبسن من الثياب الشيء الخفيف الذي يصف لا يستر فهن كاسيات بالاسم عاريات في الحقيقة . نقله السيوطي في تنوير الحوالك (3/103) .
رابعا : ( أن يكون فضفاضا غير ضيق فيصف شيئا من جسمها )
فلأن الغرض من الثوب إنما هو رفع الفتنة ولا يحصل ذلك إلا بالفضفاض الواسع ، وأما الضيق فإنه وإن ستر لون البشرة فإنه يصف حجم جسمها أو بعضه ويصوره في أعين الرجال وفي ذلك من الفساد والدعوة إليه ما لا يخفى فوجب أن يكون واسعا وقد قال أسامة بن زيد : " كساني رسول الله صلى الله عليه وسلم قبطية كثيفة مما أهداها له دحية الكلبي فكسوتها امرأتي فقال : ما لك لم تلبس القبطية ؟ قلت : كسوتها امرأتي ، فقال : مرها فلتجعل تحتها غلالة ، فإني أخاف أن تصف حجم عظامها " أخرجه الضياء المقدسي في " الأحاديث المختارة" (1/441) وأحمد والبيهقي بسند حسن .
خامسا : ( أن لا يكون مبخرا مطيبا ) فلأحاديث كثيرة تنهى النساء عن التطيب إذا خرجن من بيوتهن، ونحن نسوق الآن بين يديك ما صح سنده منها :
1-عن أبي موسى الأشعري قال : قال رسول الله صلى الله عليه وسلم :"أيما امرأة استعطرت فمرت على قوم ليجدوا من ريحها فهي زانية "
2-عن زينب الثقفية أن النبي صلى الله عليه وسلم قال : " إذا خرجت إحداكن إلى المسجد فلا تقربن طيبا ".
3-عن أبي هريرة قال : قال رسول الله صلى الله عليه وسلم : " أيما امرأة أصابت بخورا فلا تشهد معنا العشاء الآخرة " .
4-عن موسى بن يسار عن أبي هريرة : " أن امرأة مرت به تعصف ريحها فقال : يا أمة الجبار المسجد تريدين ؟ قالت : نعم ، قال: وله تطيبت ؟ قالت : نعم ، قال : فارجعي فاغتسلي فإني سمعت رسول الله صلى الله عليه وسلم يقول : " ما من امرأة تخرج إلى المسجد تعصف ريحها فيقبل الله منها صلاة حتى ترجع إلى بيتها فتغتسل ".
وجه الاستدلال بهذه الأحاديث على ما ذكرنا العموم الذي فيها فإن الاستعطار والتطيب كما يستعمل في البدن يستعمل في الثوب أيضاً لا سيما وفي الحديث الثالث ذكر البخور فإنه الثياب أكثر استعمالاً وأخص.
وسبب المنع منه واضح وهو ما فيه من تحريك داعية الشهوة وقد ألحق به العلماء ما في معناه كحسن الملبس والحلي الذي يظهر والزينة الفاخرة وكذا الاختلاط بالرجال ، انظر " فتح الباري " (2/279) .
وقال ابن دقيق العيد : وفيه حرمة التطيب على مريدة الخروج إلى المسجد لما فيه من تحريك داعية شهوة الرجال . نقله المناوي في "فيض القدير" في شرح حديث أبي هريرة الأول .
سادساً: (أن لا يشبه لباس الرجل)
فلما ورد من الأحاديث الصحيحة في لعن التي تشبه بالرجل في الباس أو غيره، وإليك ما نعلمه منها :
1. عن أبي هريرة قال:" لعن رسول الله صلى الله عليه وسلم الرجل يلبس لبسة ، و تلبس لبسة الرجل" .
2. عن عبد الله بن عمرو قال: سمعت رسول الله صلى الله عليه وسلم يقول" ليس منا من تشبه بالرجال من النساء، ولا من تشبه بالنساء من الرجال" .
3. عن ابن عباس قال: "لعن النبي صلى الله عليه وسلم المخنثين من الرجال والمترجلات من النساء ، وقال: أخرجوهم من بيوتهم، وقال: فأخرج النبي صلى الله عليه وسلم فلاناً، وأخرج عمر فلاناً" وفي لفظ " لعن رسول الله صلى الله عليه وسلم المتشبهين من الرجال بالنساء والمتشبهات من النساء بالرجال".
4. عن عبد الله بن عمر قال: قال رسول الله صلى الله عليه وسلم: "ثلاث لا يدخلون الجنة ولا ينظر الله إليهم يوم القيامة: العاق والديه و المترجلة المتشبهة بالرجال والديوث".
5. عن ابن أبي مليكة -واسمه عبد الله بن عبيد الله- قال قيل لعائشة رضي الله عنها: إن تلبس النعل؟ فقالت "لعن رسول الله صلى الله عليه وسلم الرجلة من النساء".
وفي هذه الأحاديث دلالة واضحة على تحريم تشبه النساء بالرجال، وعلى العكس، وهي عادة تشمل الباس وغيره إلا الحديث الأول فهو نص في الباس وحده .
سابعاً : ( أن لا يشبه لباس الكافرات ) .
فلما ت قر في الشرع أنه لا يجوز للمسلين رجالاً ونساءً التشبه بالكفار سواء في عباداتهم أو أعيادهم أو أزيائهم الخاصة بهم وهذه قاعدة عظيمة في الشريعة الإسلامية خرج عنها اليوم - مع الأسف - كثير من المسلمين حتى الذين يعنون منهم بأمور الدين والدعوة إليه جهلاً بدينهم أو تبعاً لأهوائهم أو انجرافاً مع عادات العصر الحاضر وتقاليد أوروبا الكافرة حتى كان ذلك من أسباب المسلمين وضعفهم وسيطرة الأجانب عليهم واستعمارهم { إن الله لا يغير ما بقوم حتى يغيروا ما بأنفسهم } لو كانوا يعلمون .
وينبغي أن يعلم أن الأدلة على صحة هذه القاعدة المهمة كثيرة في الكتاب والسنة وإن كانت أدلة الكتاب مجملة فالسنة تفسرها وتبينها كما هو شأنها دائماً.
ثامناً: (أن لا يكون لباس شهرة).
فلحديث ابن عمر رضي الله عنه قال: قال رسول الله صلى الله عليه وسلم " من لبس ثوب شهرة في الدنيا ألبسه الله ثوب مذلة يوم القيامة ثم ألهب فيه ناراً". حجاب المسلمة " ( ص 54 - 67 ) . والله أعلم
الإسلام سؤال وجواب

رد: أقوى المسلسلات حبيبة بابا عايزه ... مش ها تقدر تغمض عنيك
 

"الحلقة الثانية"

السلام عليكم ورحمة الله وبركاته


نكمل مسيرة الاخت حبيبة بابا العثولة

احنا كنا توقفنا ان حبيبة بابا كانت بتقنع بابا وماما بالحجاب وهما كانوا رافضين في الاول بس بعد كدة وافقوا الحمد لله بطلوع روح حبيبة بابا .

دلوقتي حبيبة بابا راحة هي وماما يشتروا احلي ايشارب عشان تلبسه حبيبة بابا فالحوار يبدأ بين حبيبة بابا وبين ماما :
ماما : ايه رأيك يا حبيبة في الايشارب المدندش دا هيبقي رائع عليكي عشان تبقي شكل كل البنات الي في الشارع وهم عاملين الايشارب فناكيش واخر شخلعة .

حبيبة بابا : ايه دا يا ماما مش احنا لسه متكلمين قبل منزل عن شروط الحجاب الشرعي وانه ميكنش زينة !! الايشارب دا هيبقي زينة اوي وكمان قصير مش هيغطي معظم جسمي .

ماما : يا بت بطلي تعقيد وخليكي زي كول البنات انتي مش شايفة البنات !!

حبيبة بابا : يا ماما انا مش عايزة اكون زي كل البنات انا مميزة عنهم وليا شخصيتي ..وليه هم ميكونوش زي في الالتزام والتحشم .. ليه انا اقلدهم في التفاهة والتبرج ليه ..؟ .

ماما : انا مش عارفة انتي لمضة ليه كدة ؟؟!! طب يلا نشوف محل غير دا .

حبيبة بابا : يلا يا ماما يا حبيبة قلبي انا بحبك اوي يا ماما .

فوصلوا عند محل طُرح كبيرة ......

حبيبة بابا : استني يا ماما نشوف الطرح دي الله دي جميلة اوي .

ماما : ايه دا يا بت ؟؟ دي طرح سِتاتي دي انا الي اجيبها مش انتي يا صغيرة !

حبيبة بابا : طب ايه رأيك يا ماما انتي تجيبي واحد وانا اجيب واحد الله هيبقي شكلنا حلو اوي انا وانتي ! وبعدين يا ماما انا مبقتش صغيرة انا كبيرة وبتحاسب عند ربنا .

ماما : آآآآه منك يا لمضة بس دا هيكبرك في السن اوي .

حبيبة بابا : يا ماما يعني انا وشي مش باين عليه اني بنوتة صغيرة دا الوش هو الفيصل _ هنحتاج الحتة دي فيما بعد ان شاء الله _ صح ؟

ماما : صح يا لمضة

حبيبة بابا وماما اشتروا ايشاربين كبار يستروا البدن وحبيبة بابا راجعة فرحانة جدا وعمالة تحب ماما في الطرح الكبيرة وهم راجعين البيت والحمد لله اقتنعت الي حد ما , وصلوا البيت وبابا قاعد مستنيهم .

بابا : ايه التأخير دا ..؟

ماما : اعمل ايه في بنتك غلبتني عقبال ما عجبها ايشارب .

بابا : المهم اشتريتوا ولا روحتوا ع الفاضي .

حبيبة بابا : اه اشترينا يا بابا يا حبيبي .

بابا : طب وريني كدة اشوفه .

حبيبة بابا : استني كدة انا حابة اوريهولك وانا لابساه احسن عشان تقولي رأيك اوك .

وراحت لبسته ونسّقت نفسها وطلعت لبابا لاول مرة بالحجاب .

بابا : ايه دا ؟! انتي جبتي خمار مش ايشارب ؟! ماله كبير اوي ليه كدة ؟؟؟؟؟؟؟؟

حبيبة بابا : دا ايشارب كبير يا بابا عشان يستر جسمي وميحددش جسمي لاي حد ف الشارع ولا انت عايز الناس تقعد تبص ع جسم بنتك وتعاكس فيها .

بابا : اكيد لا طبعا بس كنتي اشتري الايشارب بتاع البنات دا مش خمار .

حبيبة بابا : يا بابا قولي مبروك ع ستر جسمي بالحجاب وقول لماما كمان مبروك ع الايشارب الجديد الكبير اصل انا وهي اشترينا زي بعض .

بابا : ايه ؟! ماما كمان .. طيب ابقي اكلمك انتي بعدين . طيب يا بنتي مبروك يا حبيبتي وربنا يستر ومتجيبلناش مشاكل .

حبيبة بابا : الله يبارك فيك يا بابا يا حبيبي وان شاء الله مفيش اي مشاكل ابدا بالعكس احنا كدة رضينا ربنا اكتر فاكيد ربنا هيكرمنا .

فذهبت حبيبة بابا بحجرتها وفرحانة بحجابها الجديد.

بابا : اتصوري يا ام حبيبة البنت فعلا كبرت ربنا يحفظهلنا يارب ويجيلها عريس كويس .

ماما : اه فعلا يا ابو حبيبة قدرت تقنعني بالايشارب الكبير وبصراحة حسيت بيني وبين نفسي بخجل وقلت لنفسي بقي البنت الصغيرة تلبس ايشارب كبير وعايزة تستر نفسها وانا الي بمانعها ولابسة ايشارب صغير فقلت لا انا كمان هشتري معاها وحسيت ان ربنا شرح صدري كدة ساعتها سبحان الله .

بابا : ربنا يهديكوا انا عايز ايه غير سعادتكوا .

وبكدة حبيبة بابا لبست الحجاب _ الايشارب الكبير _ وعبايات الحمد لله وف اعتقادها ان دا الحجاب الشرعي .
فتشوف حبيبة وهي ماشية

في الشارع
وفي الجامعة
وف المساجد
وف المترو
وف معظم الاماكن

تشوف اخوات مغطين كل جسمهم بوشهم وايديهم ومفيش اي حاجة منهم ظاهرة .

فتستغرب حبيبة وتندهش
, وبعدين وهي ماشية تعرضت لمعاكسة من احد الشباب الفاسد فقال لها (( محترمة بس جذابة )) فاستغربت تاني حبيبة طب منا لابسة الحجاب الشرعي اهو بس الولد عاكس وشي مش جسمي لاني مغطياه , فحبيبة ف حيرة

, وتدخل المسجد تصلي ركعتين فلاقت اخوات داخلين مغطين وشهم وايدهم ولما دخلوا المسجد رفعوا النقاب وخلعوا الجوانتي فيزداد اندهاش حبيبة ويدفعها اندهاشها دا انها تروح تسأل واحدة من الاخوات دول فسألتها :

حبيبة :السلام عليكم اختي ممكن اسألك سؤال ؟

الاخت المنتقبة :وعليكم السلام ورحمة الله وبركاته اتفضلي اختي

حبيبة : هو مش الي انا لابساه دا هو الحجاب الشرعي الي ربنا فرضه .؟؟؟

الاخت المنتقبة بكل روح طيبة وابتسامة : ما شاء الله عليكي اختي حجابك طيب ومش مجسم جسمك بارك الله فيكي وزادكي ايمان وتقوي .

حبيبة : اللهم امين جزاكي الله خيرا اختي ولكن انتي مجاوبتيش ع سؤالي او انتي طيب مش لابسة زي ليه ؟ ليه مغطية وشك وايديكي ؟؟؟؟؟؟؟؟؟

الاخت المنتقبة : بصي يا حبيبتي ايه اكتر حاجة ف جسم المرأه بتفتن الرجل ؟؟وشها صح ؟؟

حبيبة : افتكرت موقف المعاكسة وقالت ايوة صح الوش هو الي فيه الفتنة .

الاخت المنتقبة : تمام فالمفروض ع كل مسلمة انها

تغطي وشها زي باقي جسمها لان دا فرض ربنا .

حبيبة : فرض ربنا ؟؟؟؟؟؟؟ ايه الدليل ؟؟؟؟

المنتقبة : الادلة كتير حبيبتي ولكن الوقت لن يسعني دلوقت اني اقولك عليها كلها بس بصي ادخلي ع موقع ( الطريق الي الله ) وان شاء الله هتلاقي فيه كل حاجة انتي عايزاها باستفاضة وضوح .

حبيبة : شكرا لكي اختي وان شاء الله هدخل ع الموقع دا .
وانتهت المحادثة وحبيبة في حيرة شنيعة ولكنها اتشدت اوي للنقاب وحست باحساس غير عادي ناحيته وحطت الموضوع ف دماغها .

وصلت حبيبة البيت وسلمت ع ماما وبابا واتغدت وصلت وفتحت النت ودخلت ع موقع الطريق الي الله , وعجبها جدا وحست بانشراح اول مدخلته وحست ان الدنيا لسه بخير والاسلام عزيز , فدخلت ساحة الاخوات وما شاء الله لاقيت كمية رهيبة من الموضوعات بتكلم عن النقاب وخطب ودروس وفلاشات وحاجات مُبهرة

فهي حطت خطة لنفسها تتبعها في البحث عن النقاب :
1-ادلة النقاب وحكمه من القرءان والسنة .
2-موضوعات تحبني اكتر ف النقاب وتشجعني عليه .
3- فلاشات – اناشيد .

لسه بتفتح اهو الموضوع بتاع ادلة النقاب لاقت الكهرباء قطعت
يا خسارة
معلش يا حبيبة الكهرباء دي وحشة


والي القاء في الحلقة القادمة باذن الله تكون الكهرباء وصلت عند حبيبة .

رد: أقوى المسلسلات حبيبة بابا عايزه ... مش ها تقدر تغمض عنيك
 

الحلقة الثالثة
السلام عليكم ورحمة الله وبركاته


والحمد لله الكهرباء جت عند حبيبة بابا
# وسبحان الله ممكن يكون موضوع
انقطاع الكهرباء دا كان اختبار لحبيبة
ازاي يعني ؟!
يعني هي كانت ممكن تطنش الموضوع ولا كأنها سمعت حاجة بس حبيبة طلعت بنت ما شاء الله حريصة علي رضا ربها وطاعته وحريصة علي العفة والتقوي .
# وسبحان الله حاجة كمان في الوقت الي حبيبة بتبحث فيه عن النقاب نفس الوقت الي كل الناس مشغولة فيه بالدوري والكورة وكأس الجلود والقماش
وجون
ولا حول ولا قوة الا بالله .



المهم فتحت حبيبة موقع الطريق الي الله وهي بكل شغف وشوق لمعرفة الحق من اهله ,
فتصفحت الموقع ودورت ع موضوع الخاص بحكم النقاب والادلة الخاصة به وكان من اهمها :


اقتباس:
-الدليل الاول
اقتباس:

قوله تعالي : ( ولا يبدين زينتهن الا ما ظهر منها ) حيث قال ابن عباس رضي الله عنهما هي وجهها وكفاها والخاتم قاله الأعمش عن سعيد بن جبير عنه وكما نعلم ان تفسير الصحابي حجه .


الرد عليه


1- عن تفسير ابن عباس من ثلاثة أوجه:-
احدهما محتمل أن مراده اول الامرين قبل نزول اية الحجاب كما ذكره شيخ الاسلام
والثاني : يحتمل أن مراده الزينه التي نهي عن ابدائها كما ذكره ابن كثير في تفسيره ويؤيد هذين الاحتمالين تفسيره رضي الله عنه لقوله تعالي ( يا أيها النبي قل لأزواجك وبناتك ونساء المؤمنين يدنين عليهن من جلابيبهن ) حيث قال ابن عباس رضي الله عنهما امر الله نساء المؤمنين اذا خرجن من بيوتهن في حاجه ان يغطين وجوههن من فوق رؤوسهن بالجلابيب ويبدين عينا واحده من اجل الضروره والحاجه الي نظر الطريق فأما اذا لم يكن حاجه فلا موجب لكشف العين.
الثالث: اذا لم نسلم ان مراده احد هذين الاحتمالين فان تفسيره لا يكون حجه يجب قبولها الا اذا لم يعارضه صحابي اخر فان عارضه صحابي اخر اخذ بما ترجحه الادله الاخري وابن عباس رضي الله عنهما قد عارض تفسيره ابن مسعود رضي الله عنه حيث فسر قوله الا ما ظهر منها بالرداء والثياب .



2-الدليل الثاني


ما رواه
أبو داود في سنه عن عائشه رضي الله عنها أن أسماء بنت أبي بكر دخلت علي رسول الله صلي الله عليه وسلم وعليها ثياب رقاق فأعرض عنها وقال يا أسماء ان المرأه اذا بلغت سن المحيض لم يصلح أن يري منها الا هذا وهذا وأشار الي وجهه وكفيه.



الرد عليه


وعن حديث عائشه فأنه ضعيف من وجهين :
أحدهما : الانقطاع بين عائشه وخالد بن دريك الذي رواه عنه كما اعله بذلك ابو داود نفسه حيث قال خالد بن دريك لم يسمع من عائشه وكذلك اعله ابو حاتم الرازي .
الثاني ان في اسناده سعيد بن بشير النصري نزيل دمشق تركه ابن مهدي وضعفه احمد وابن معين وابن المديني والنسائي وعلي هذا فالحديث ضعيف .



وايضا فان اسماء بنت ابي بكر رضي الله عنهما كان لها حين هجرة النبي صلي الله عليه وسلم سبع وعشرون سنه فهي كبيره السن فيبعد ان تدخل علي النبي صلي الله عليه وسلم بثياب رقاق تصف منها ما سوي الوجه والكفين والله اعلم .



3-الدليل الثالث


ما رواه البخاري وغيره عن ابن عباس رضي الله عنهما ان اخاه الفضل كان رديفا للنبي صلي الله عليه وسلم في حجة الوداع فجاءت امراه من خثعم فجعل الفضل ينظر اليها وتنظر اليه فجعل النبي صلي الله عليه وسلم يصرف وجه الفضل الي الشق الاخر في هذا دليل علي ان هذه المرأه كاشفة وجهها.


الرد عليه


وعن حديث ابن عباس بأنه لا دليل فيه علي جواز النظر الي الاجنبيه لان النبي صلي الله عليه وسلم لم يقر الفضل علي ذلك بل حرف وجهه الي الشق الاخر ولذلك ذكر النوي في شرح صحيح مسلم بأن من فوائد هذا الحديث تحريم نظر الاجنبيه وقال الحافظ ابن حجر في فتح الباري في فوائد هذا الحديث: وفيه منع النظر الي الاجنبيات وغض البصر قال عياض وزعم بعضهم انه غير واجب الا عند الفتنه قال وعندي ان فعله صلي الله عليه وسلم اذ غطي وجه الفضل ابلغ من قول اه . وقوله غطي وجه الفضل لعله حرف وجه الفضل كما في الروايه فان قيل فلماذا لم يأمر النبي صلي الله عليه وسلم المرأه بتغطية وجهها فالجواب ان الظاهر انها كانت محرمة والمشروع في حقها ان لا تعطي وجهها اذا لم يكن احد ينظر اليها من الاجانب او يقال لعل النبي صلي الله عليه وسلم امرها بعد ذلك فان عدم نقل امره بذلك لا يدل علي عدم الامر اذ عدم النقل ليس نقلا للعدم. وروي مسلم وابو داود عن جرير بن عبد الله البجلي رضي الله عنه قال سألت رسول الله صلي الله عليه وسلم عن نظرة الفجاءه فقال اصرف بصرك او قال فأمرني ان اصرف بصري. والله اعلم.



الدليل الرابع
ما اخرجه البخاري وغيره من حديث جابر بن عبد الله عنه في صلاة النبي صلي الله عليه وسلم بالناس صلاة العيد ثم وعظ الناس وذكرهم ثم مضي حتي اتي النساء فوعظهن وذكرهن وقال : يا معشر النساء تصدقن فانكن اكثر حطب جهنم فقامت امرأة من وسط النساء سفعاء الخدين الحديث ولولا ان وجهها مكشوف ما عرف انها سفعاء الخدين .



الرد عليه


وعن حديث جابر بأن لم يذكر متي كان ذلك فاما ان تكون هذه المرأه من القواعد الاتي لا يرجون نكاحا فكشف وجهها مباح ولا يمنع وجوب الحجاب علي غيرها.
او يكون قبل نزول اية الحجاب فانها كانت في سورة الاحزاب سنة خمس او ست من الهجره وصلاة العيد شرعت في السنه الثانيه من الهجره



اننا بسطنا الكلام في ذلك لحاجة الناس الي معرفة الحكم في هذه المسأله الاجتماعيه الكبيره التي تناولها كثير ممن يريدون السفور فلم يعطوها حقها من البحث والنظر مع ان الواجب علي كل باحث ان يتحري العدل والانصاف وان لا يتكلم قبل ان يتعلم وان يقف بين ادله الخلاف موقف الحاكم من الخصمين فينظر بعين العدل ويحكم بطريق العلم .



فحبيبة عمالة تقري ومنبهرة وقلبها هينط منها وبيقرب شوية بشوية للنقاب
وتلاقي حبيبة كمان في الطريق خطبة عن النقاب
للشيخ مسعد انور
بعنوان فصل الخطاب في حكم النقاب
فسمعتها بسرعة


وخطبة لهبعنوان النقاب عادة أم عبادة

وبعد اما سمعتهم يا حست احساس العطشان الي هيموت من العطش وارتوي _ الله احساس راقي جدا _ .

&&&&&&&&&&
وبرده لاقت مواضيع جميلة عن النقاب تحبها في النقاب مثل :
.لكل أخت لا تستطيع ارتداء النقاب

ايه رايك تكوني منتقبه

نصائح للؤلة بس من غير زعل

هو انا منتقبة ليه ! ليه ! ليه ! ايه السبب يا عالم ؟؟؟؟

كلام راقي جدا عن النقاب


&&&&&&&&&&

واجمل الفلاشات عن النقاب :
* سر الثبات
* المتميزة
وفي كتير وكتير
&&&&&&&&&&&
وصور مُعبرة جميلة جدا :






واخر قصة حبيبة قريتها كانت :
قصة اخت بتحكي : ان اخت صاحبتها دي كانت ف المرحلة الاعدادية وكانت بتحب النقاب حب غير عادي ومقتنعة بيه جدا واصرت انها تلبسه مع ان اهلها كانوا مش موافقين , بس بعد اما لبسته قالولها انتي لسه صغيرة عليه وعيشي حياتك والكلام دا فهي مقتنعتش , واصرت علي ع عدم خلعه
بس هم اجبروها انها تقلعه وفعلا للاسف قلعته الكلام دا كان قبل رمضان الي فات زي الايام دي كدة في شعبان
فكانت كل يوم تنام معيطة وبتدعي دعاء جميل اوي
( يارب مُن عليا بنعمة النقاب كما منت عليا بها من قبل )
فكل يوم البنت تنام معيطة وهي بتدعي الدعاء دا
ما شاء الله اخلاص وصدق عالي جدا

المهم دخل عليها رمضان وهي بنفس الوضع وزودت الدعوات اوي بنفس الدعاء .
فيوم بعد اما صلت ونامت ودعت الدعاء
حلمت برؤية ايه هي ؟؟؟؟؟؟؟
ان هي كانت كانت ف الحلم بتصلي وكانت ف وضع السجود وبتدعي بنفس الدعاء وبتعيط ,
وهي كذلك مين جالها ؟؟؟؟؟؟؟؟؟؟؟؟؟؟
رسول الله صلي الله عليه وسلم
وجالها وطبطب عليها وهي ساجدة وقالها هوني عليكي وراح جايب نقاب وقالها خدي هذا
البسي اياه
البسي اياه
البسي لباس التقوي والعفاف لكي ولجميع نساء المؤمنين

يا الله

خلاص حبيبة استوت خالص مش قادرة تسمع او تقرا حاجة تاني..................
قامت حبيبة من ع الكمبيوتر وعنيها بتزرف بالدموع من الي سمعته وقريته عن النقاب
وقالت باعلي صوتها
هلبسه
ايوة هلبسه
لايمكن اسيب نفسي كدة انزل الشارع من غير ما اغطي وشي لالالالالالالالالالا
هلبس زي العفاف يارب
هلبس زي العفاف والتقي يا رسول الله يا حبيبي
وتعيط حبيبة

مين يسمع حبيبة وهي بتعيط ؟؟!!
ماما
فتخبط ماما ع حبيبة الباب :
ماما : حبيبة .. بت يا حبيبة .. في ايه ؟؟
حبيبة : اتفضلي يا ماما مفيش حاجة _ حبيبة مش هتقدر تكلم ماما دلوقت ف موضوع النقاب عشان مش دا الوقت المناسب _ .
ماما : في ايه مالك بتعيطي ليه خضيطيني ؟
حبيبة : مفيش يا ماما انا بس قريت حاجة مؤثرة اوي ع النت فخليتني اعيط .

فتنام حبيبة وهي بتفكر في النقاب الي خطف قلبها خلاص
وراحت في سابع نومة

ونكمل الحلقة الجاية ان شاء الله
ونشوف حبيبة هتعمل ايه ؟
وهتقول ايه لبابا وماما ؟
وهتواجه الموقف ازاي ؟
ربنا يعينها يارب .
.
.
.
.
تابعونا في مغامرات حبيبة بابا الحبوبة

رد: أقوى المسلسلات حبيبة بابا عايزه ... مش ها تقدر تغمض عنيك
 

رد: أقوى المسلسلات حبيبة بابا عايزه ... مش ها تقدر تغمض عنيك
 

الحلقة الرابعة

السلام عليكم ورحمة الله وبركاته



حبيبة بابا كانت نايمة كل دا بتحلم بالنقاب
قالت اما نام احسن في الوقت الي الناس كلها مظأطة بالكأس .

بس الحمد لله صحيت وبدأت تفكر ازاي هتقنع ماما وبابا بالنقاب
وطبعا هي قلقانة عشان عارفة ان ماما وبابا صعب اقناعهم بس صبرت نفسها وقالت مفيش حاجة صعبة ع ربنا ان شاء الله فهو قادر سبحانه انه يخليهم يوافقوا زي ما خلاهم يوافقوا ع الحجاب .

فحبيبة بابا محتارة تفتح الموضوع ازاي معاهم !!
فخرجت مع ماما ف مشوار وكان الحوار بينهم كالاتي :
حبيبة بابا : اتصوري يا ماما ان بعد اما لبست الحجاب او الايشاربات الطويلة والعبايات المعاكسات من الشباب مبطلتش ابدا بل حسيت انها زادت كمان .
ماما : يا سلام !!! اتجننوا دول ولا ايه ؟؟!
حبيبة بابا : اه يا ماما فعلا زادت اوي المعاكسات , بس ع فكرة انتي مستغربة اوي ليه كدة ما وش هو الي فيه الفتنة كلها مش جسمها وانا غطيت كل جسمي بلبس واسع ما عدا وشي فعشان كدة لسه بتعاكس ولا ايه رايك يا ماما ؟؟!
ماما : رأي في ايه ؟؟
حبيبة بابا: في ان وش هو الي فيه الفتنة وهو الي بيجيب المعاكسة وانها لازم تتقي الله ومتخليش حد يعاكسها .
ماما : اه فعلا الوش هو الي بيبن الجمال كله بس الجسم برده عليه عامل واهو انتي غطتيه ومبقاش متحدد من جسمك حاجة .
حبيبة ماما : ماشي يا ماما يا حبيبتي منا الحمد لله جسمي مبقاش يتعاكس بس لسه وشي بيتعاكس ايه الحل بقي ؟! اني اغطيه ولا ايه يا ماما ؟!
ماما : ايه ؟! تغطيه ؟! يعني تلبسي البتاع الي اسمه النقاب دا الي بيبقوا عاملين زي العفاريت ماشين مستحيل طبعا .
حبيبة بابا ف سرها : يا نهار ابيض وغيرت الموضوع .
طيب يلا يا ماما يا حبيبتي تطلع البيت بقي .

حبيبة بابا اتغمّت من حوار ماما معاها عن النقاب
بس طبعا هي مفقدتش الامل من اول حوار وعمالة تفكر تفكر تفكر هتعمل ايه ف الموضوع دا ؟!
فتحت الموقع الرائع الطريق الي الله وقرت موضوع عن حكاوي المنتقبات وقصص نقابهم تستفيد منهم
فلاقت الموضوع دا :

وقعدت تقري ف قصص جميلة وعن صبر الاخوات ع الابتلاءات وان معظم الاخوات كان اكبر عائق لهم هم الوالدين واتعلمت ان اهم حاجة هم رضاهم عليا واني معليش صوتي عليهم واصبر عليهم وف نفس الوقت طبعا انا عند موقفي اني هلبس النقاب والله المستعان .

بابا بيحب حبيبة بابا اوي وبيحب يقعد معاها ويدردش معاها فخبط عليها اوضتها ودخل عليها :
بابا : ايه يا حبيبة مالك يا حبيبتي متغيرة اليومين دول ليه ؟! ومبقتيش تقعدي مع بابا حبيبك ؟
حبيبة بابا : لا يا بابا مفيش يا حبيبي انا بس مضايقة شوية .
بابا : من ايه حبيبتي ؟
حبيبةبابا: انا هقولك يا بابا يا حبيبي عشان عارفة انك هتفهمني , الي مضايقني هو ف شباب كتير اوي بتعاكسني وانا ماشية ف الشارع وبيقعدوا يبصوا ع وشي
بابا : هم مين دول الي عايزين قطع رقابيهم ؟؟! قوليلي عليهم وانا هتصرف ؟
حبيبة بابا : يا بابا يا حبيبي انا معرفهمش ولا هم يعرفوني بس هم بيعاكسوا اي بنت يكون وشها باين لان الوش هو الي فيه الجمال والفتنة صح يا بابا ؟!
بابا : اه صح طيب وانتي هتعملي ايه يا بنتي منتي مغطية نفسك اهو ولبسك محترم ومحتشم .
حبيبة بابا : بس وشي باين وعشان كدة بتعاكس وانا قريت وسمعت خطبة للشيخ مسعد انور الي انت عارفه يا بابا وبتحبه ع قناه الرحمة ان وش لازم يتغطي وقعد يجيب ادلة كتير من الكتاب والسنة وكلها مقنعة اوي .
بابا : يا بنتي تغطي وشك ايه بس ؟! انتي مبتسمعيش الي بيحصل برا والجامعات والسرقة الي بنحصل من ورا الي لابسين نقاب دول لالالا شيلي الفكرة دي من دماغك خالص احنا مش عايزين مشاكل فاهماني؟!
حبيبة بابا : يا بابا هو عشان ناس استغلت النقاب غلط يبقي هو وحش ونبعد عنه ! طيب ما في ناس كتير بتصلي وبتعمل حاجات شنيعة يبقي نمنع الصلاة ! وفي ناس لبست لبس ظباط وهم اصلا حرامية يبقي نمنع الظباط والامن في البلد ؟!
بابا : اقتنع بكلامها بس قالها : مش عايز لماضة وقفلي ع الموضوع دا وراح ماشي .

حبيبة بابا هتجنن تاني حوار فشل برده عن النقاب
يارب اعمل ايه يارب دلني يارب هم صح ولا انا الي صح ؟ وتعيط حبيبة .

ماما نادت ع حبيبة
ماما : يا حبيبة .. تعالي عايزاكي .
حبيبة بابا بعد اما مسحت دموعها : ايوة يا ماما.
ماما : مالك يا بت فيكي ايه ؟؟
حبيبة : مفيش يا ماما
ماما : اوعي يكون الموضوع الي كلمتيني فيه امبارح بتاع النقاب دا _ قلب الام بقي _ .؟
بابا دخل ف الحوار وقال : ايه دا هي كلمتك فيه برده ؟
ماما : اه اتجننت الهانم .
بابا : حبيبة انسي الموضوع دا من دماغك وبطلي تعقيد .
ماما : قولها يابو حبيبة وعقلها
حبيبة بابا : نعم يا ماما كنتي عايزاني ليه ؟
ماما : انزلي اشتري عيش من الفرن .
حبيبة بابا : يا ماما الفرن بيبقي زحمة وبيبقي كله رجالة وبعدين انا مش عايزة انزل وشي مكشوف هتعاكس كتير .
ماما : وبعدين ف المعاكسة دي انتي فاكرة نفسك ملكة جمال العالم ؟؟
حبيبة بابا: لا يا ماما مش ملكة جمال ولا حاجة بس لازم ع كل مسلمة انها تغطي وشها سواء كانت جميلة او لا .
ماما : ومين الي لزمه ان شاء الله ؟
حبيبة بابا : ربنا والرسول عليه الصلاة والسلام وكل زوجات الرسول كانوا مغطين وشهم ودا ف زمن الصحابة والناس الطاهرة ما بالك بقي يا ماما في الزمن دا ؟!
ماما : يو خلاص مش عايزة عيش انزل انت يابو حبيبة معلش .
بابا : حاضر هنزل بس هي اهم حاجة تشيل الموضوع دا من دماغها وتبطل لماضة .

حبيبة تدخل اوضتها وتنهار في العياط تاني ومش عارفة تعمل ايه وتقنعهم ازاي ؟؟؟؟؟

والي القاء في الحلقة القادمة تكون حبيبة هديت شوية وعرفت تفكر هتعمل ايه ؟؟؟؟؟؟

رد: أقوى المسلسلات حبيبة بابا عايزه ... مش ها تقدر تغمض عنيك
 

الحلقة الخامسة


السلام عليكم ورحمة الله وبركاته



حبيبة راحت تصلي ركعتين يهدوها شوية وتدعي ربنا كتير انه يقف معاها ويهدي والديها
وسبحانه وتعالي مُجيب للدعاء
فحبيبة خلصت صلاتها ومسحت دموعها وراحت عليها نومة وسابت الكمبيوتر مفتوح ع موقع الطريق الي الله وكانت صفحة عن النقاب مفتوحة مؤثرة :
كلام راقي جدا عن النقاب



فماما دخلت تطمن عليها لاقتها نامت وسايبة الجهاز مفتوح فراحت ماما تقفله لاقت صور منتقبات كدة فاتفرجت عليهم وقالت فرصة اما اقري الكلام الي اقنع حبيبة بالنقاب .
فسبحان الله قعدت تقرا وتقرا وقلبها يرق ويصدق ويقتنع والحق بدء ينتصر ع الاعتقادات الخاطئة .
ودي خطوة رائعة في صالح حبيبة وكله بفضل دعائها للمُجيب سبحانه فهو المُتحكم في قلب امها وقلب كل العباد .



وصحيت حبيبة من النوم وحاسة بنسمة سعادة ليه مش عارفة بس حاسة وخلاص



افتكرت حبيبة انها لازم تروح دراستها
الايام الي فات كانت اجازة
وهي مش عايزة تنزل بوشها تاني
فاتغمت تاني بعد اما كانت سعيدة
بس انا كدة كدة هنزل بوشي المرة دي
اولا: عشان معنديش نقاب اصلا انزل بيه لازم اشتريه
ثانيا : ماما وبابا لسه موافقوش .



كل دا عمالة تفكر ع السرير
فقامت غسلت وشها واتوضت وصلت الضحي
لاقت ماما صاحية محضرالها الفطار ودار الحوار الاتي :
ماما : ازيك حبيبية عاملة ايه؟
حبيبة: الحمد لله كويسة يا ماما ازيك انتي ؟
ماما: الحمدلله يا بنتي هتروحي دراستك صح؟
حبيبة: اه ان شاء الله
ماما: يعني شلتي فكرة النقاب من دماغك ؟؟؟؟
حبيبة: انا جبت سيرة نقاب دلوقت؟
ماما : لا انا بسألك بس عشان عارفة انك مشيلتهوش من دماغك طبعا وبالامارة قبل ما تنامي قعدتي تقري عنه برده صح ؟
حبيبة ف استغراب : عرفتي منين يا ماما ؟
ماما: العصفورة جت قالتلي , حضرتك نايمة وسايبة الجهاز مفتوح وانا دخلت ولاقت كلام عن النقاب فقريته .
حبيبة: وايه رأيك يا ماما لسه كارهة النقاب برده ؟
ماما : انا مش كارهاه يا حبيبة انا بس خايفة عليكي .
حبيبة : خايفة عليا من ايه بس يا ماما بالعكس دا انتي تطمني عليا وانا لابساه والله يا ماما _حبيبة عنيها بدمع _.
ماما : ازاي بس طيب ودراستك ؟ هتدرسي ازاي بيه هيلبخك جدا وممكن اصلا ميرضوش يدخلوكي الكلية بيه ويشكوا فيكي او الامن يخدك ولا حاجة انتي مبتسمعيش الي بيحصل وكره الناس للنقاب !!!!!
حبيبة :بالنسبة لدراستي عادي هتبقي سهلة ان شاء الله لان انا كل الي هعمله هغطي وشي بس مش هيأثر خالص ع تركيزي او دراستي , اما بالنسبة للامن فعادي المنتقبات بيدخلوا عادي جدا فهم ممكن بيخلوا واحدة تشوف وشها عشان يتأكدوا منها بس مش اكتر ودا حقهم مفيش مشكلة .
ماما : والعرسان وانتي كبرتي خلاص وبقيتي ع وش جواز لما تلبسيه ولا حد هيجي يعبرك , هم هيشوفوكي فين وانتي مغطية كل حاجة فيكي كدة ؟؟؟
حبيبة : يا ماما يا حبيبتي اتصوري ان انا عرفت ان المنتقبات دول اكتر ناس بتجوز وبتخطب وبيقدملها عرسان والله يا ماما متقلقيش من الناحية دي وبعدين يا ماما كل واحدة مكتوب لها من قبل متولد العريس بتاعها وانتي الي قايلالي كدة بنفسك يا ست الكل ( إن كل شيء قسمة ونصيب ) صح ؟
ماما : صح يا لمضة يعني انتي ناوية ع ايه دلوقت ؟
حبية فرحت اوي بسؤال ماما دا واستبشرت بيه : انتي ايه رأيك يا ماما البسه واطيع ربنا اولا وافرّح بيه النبي عليه الصلاة والسلام يوم القيامة اني بقيت اشبه امهات المؤمنين واتبعت سنته ، ثانيا وافرح واعرف اركز ف مذاكرتي وارجع زي الاول واضحك ومبقاش مضايقة وانتي كمان يا ماما انتي وبابا تفرحوا بنتكوا حبيبتكوا وهي ان شاء الله ناجحة ومُطيعة لربنا وسعيدة وان شاء الله هيتقدملها احلي عريس يعجبكوا , ها يا ماما فرحي قلبي ؟!
ماما : بتعرفي تكلي دماغي علطول يا لمضة , طيب وابوكي هتعملي فيه ايه ؟
حبيبة : البركة في ربنا ثم فيكي يا ست الكل حاولي اقنعيه وانا من ناحية وانتي من ناحية .
ماما : ربنا يسهل .
حبيبة : يارب يا احلي ام في الدنيا , انا هروح الجامعة بقي يا ماما عشان متأخرش وانا راجعة ان شاء الله هشتري النقاب ماشي سلام يا حبيبتي .
ماما : ف رعاية الله يا حبيبة خلي بالك من نفسك .



حبيبة نازلة ع السلم مش مصدقة نفسها وبتكلم نفسها
يا نهار ابيض انا مش مصدقة نفسي يارب انت كريم اوي انت عظيم اوي انا بحبك اوي يارب ,
بس حاسة ان وشها عريان وفضلت حاطة كشكول المحاضرات ع وشها طول مهي ماشية.



راحت الجامعة وقابلت صاحباتها _ الي معظمهم زيها في الالتزام _ وكانت حكيالهم ع فكرة النقاب ودلوقت بشرتهم ان ماماتها وافقت الحمد لله عقبال بابا كمان ادعولي كتير اني البسه النهاردة واجيلكوا بيه المرة الجاية .
واحدة من صاحبتها _رقية_: ماشاء الله الحمد لله يارب يا حبيبة تلبسيه النهاردة يارب انا هفرحلك اوي وعارفة اصرارك دا شجعني انا كمان وحبني في النقاب .
حبية : يارب ايه رايك يا رقية نلبسه سوا تبقي حاجة جميلة اوي ايه رأيك ونكون صحبة في الله بجد .
رقية : نفسي والله بس انا لسه مش قولتلهم ف البيت .
حبيبة : قوليلهم بس قبل ما تقوللهم ادعي ربنا كتير اوي لان هو المُجيب سبحانه .
واحدة تانية اسمها _سارة_ : ايه دا انتوا بتقولوا ايه نقاب ايه يا جماعة محنا كدة كويسين ورددت نفس كلام ماما حبيبة .
حبيبة ردت عليها نفس ردها ع ماما بس دماغ سارة راكبة شمال ربنا يهديها , فقررت حبيبة تاخد رقية وتبعد عنها دلوقتي عشان مش تأثر علينا واحنا لسه ف البداية .
وخلصوا المحاضرات ومروحين اهو وهم ماشين شافوا اتنين منتقبات ماشين :
حبيبة : الله الله الله بصي يا رقية تحسي انهم ملكات ماشين صح .؟
رقية : اه فعلا يا حبيبة ربنا يجعلنا منهم يارب
حبيبة : يارب احنا عايزين نكون اهم حاجة مخلصين جدا لله عشان يقف معانا ويحققلنا امنيتنا .
رقية : صح اهم حاجة هي الاخلاص فهو لُب العبادة .
حبيبة : صح ربنا يجعلنا مخلصين له , بصي بقي يا سيتي احنا هنروح دلوقت نشتري النقاب انا فرحانة اوي يا رقية .
رقية : الله يا بختك يا حبيبة عقبالي يارب هنروح دلوقت دلوقت !! بجد !
حبيبة : اه انا قلت لماما اني هشتريه .
رقية : سبحان الله مُغير رأي ماماتك .
حبيبة : فعلا هو الله سبحان الله مالك قلوب البشر .



واشتروا النقاب وحبيبة راجعة مش مصدقة نفسها وكل شوية تفتح وتبص ع النقاب وتقوله امته هتزين وشي بقي بدل ما هو عريان كدة وكل من هب ودب بيبص عليه .



وصلت حبيبة البيت ومعاها الكنز
_ كنز كل مسلمة والله _



وراجعة تعبانة من كتر الف فدخلت نامت من غير متكلم حد .




والي القاء في الحلقة القادمة ان شاء الله تكون حبيبة صحيت ونشوف هتقول ايه لبابا و

رد: أقوى المسلسلات حبيبة بابا عايزه ... مش ها تقدر تغمض عنيك
 

الحلقة السادسة

السلام عليكم ورحمة وبركاته


حبيبة بابا صحيت مبسوطة جدا من نومها
وقابلت ماما وسلمت عليها:
حبيبة بابا : السلام عليكم امي الحبيبة .
ماما : وعليكم السلام حبيبتي اخبارك ايه النهاردة شكلك مبسوطة النهاردة خير ؟
حبيبة : ياه شفت حتة حلم رائع
ماما : خير اللهم اجعله خير
حبيبة : شفت إني ماشية في صحرا كنت خايفة اوي ومفيش حد معايا وعمالة انادي ع الناس ومحدش سامعني خالص وقعدت اذكر الله
بعد كدة وانا ماشية وخايفة كدة لاقيت نسمة جت عليا وحسيت بسكينه في قلبي محستهاش قبل كدة
وبعدها لاقيت قماشة نازلة من السما ونزلت اتلبست لوحدها ع وشي وغطتني , وبعدها صحيت .
ماما : ما شاء الله اكيد دا النقاب طبعا , انتي ربنا بيحبك يا حبيبة .. ربنا يسرلك الخير يا بنتي انا مش هقف في طريقك ابدا .
حبيبة : خدت ماما في حضنها وقالتلها ربنا يخليكي ليا يا ماما يا حبيبتي وان شاء الله ربنا يقدرني واقدر اسعدك انتي وبابا وتفتخروا بنتكوا .
ماما : هو دا الي انا عايزاه يا بنتي اني اشوفك احسن بنت في الدنيا في كل حاجة , انتي اشتريتي النقاب امبارح ؟
حبيبة وهي ف منتهي السعادة : اه يا ماما وقامت جري جابته من الدولاب عشان توريه لماما .

فمين خبط ع الباب (( بابا ))

قامت حبيبة قلعت بسرعة النقاب بعد اما عجب ماما وشالته في اوضتها وراحت تفتح لبابا :
حبيبة : ازيك يا بابا يا حبيبي معلش انا امبارح مسلمتش عليك كنت جاية تعبانة اوي من الجامعة .
بابا : اهلين حبيبة بابا ولا يهمك المهم اخبار المذاكرة ايه ؟
حبيبة : اهو يا بابا هبدأ وان شاء الله هبذل كل جهدي عشان افرحك انت وماما بيا .
بابا : ربنا يوفقك حبيبتي وليكي احلي هدية لو جبتي تقدير حلو .
حبيبة : ربنا يخليك ليا يا بابا يا احلي اب ف الدنيا .

حبيبة مش هتفاتح بابا دلوقت ف النقاب عشان هو لسه جاي وتعبان , هتخلي ماما الاول تبقي وسيط بينهم .
دخلت حبيبة لماما في المطبخ تساعدها ف الطبيخ ودار الحوار الاتي :
حبيبة : اعمل معاكي ايه يا ماما ؟ هاتي اعمل انا الرز عشان انا بطلعه حلو ومفلفل .
ماما : ماشي يا مفلفلة انتي اعمليه بس اغسليه كذا مرة عشان لو في سوس ولا حاجة .
حبيبة : ليه يا ماما متخلي السوس فيه دا مُغذي اوي
ماما : هههههه , ها هتعملي ايه مع ابوكي ؟؟؟
حبيبة : بتحسي بيا علطول يا ماما , بصي انتي كلميه الاول بينك وبينه وحاولي اقنعيه وانت الكل × الكل يا قمر بعد الله طبعا .
ماما : ماشي ربنا يسهل .

تم الغداء ع خير مع احلي رز مفلفل من ايدين حبيبة الحبوبة

ودار الحوار الاتي بين ماما وبابا :
ماما : ها يابو حبيبة اخبار الشغل ايه ؟
بابا : تمام الحمد لله ماشي الحال , حاس انك عايزة تقولي حاجة ! .
ماما : فعلا يا بو حبيبة بتفهمها وهي طايرة
بابا : لا قبل ما تفكر تطير اصلا .
ماما : ههههههه بص يا بو حبيبة فاكر لما كنت انا وانت معترضين ع لبس حبيبة للنقاب !
بابا : اه .
ماما : انا بالصدفة وهي نايمة قريت موضوع عن النقاب وعرفت فوائده للبنت وانها سُترة لها وانه اصلا فرض و_ قعدت تقوله الكلام الي فاكراه عن النقاب وعن وفرضيته _ وياه يا بو حبيبة بجد ربنا نزل في قلبي حب الستر والعفاف لبنتي وخلاني استبشر خير ليها في مستقلبها وجوازها .
بابا : ازاي تستبشري خير يعني اصلا الموضوع منافي للاتنين مستقبل ايه مع النقاب !! وجواز ايه مع النقاب هو حد هيكون شايفها اصلا ولا هايجيلها وهي لابساه .
ماما : بالنسبة لمستقبلها حبيبة اصلا شاطرة وبالذات لما بتبقي حالتها النفسية حلوة بتبدع ف مذاكرتها فلما نفرحها بموافقتنا ع النقاب دا اكبر حافز ليها , واديك شفتها الايام الي فات كانت عاملة ازاي ومكشرة وحالتها النفسية وحشة وكانت مأثرة علينا وعليك انت بالذات ,
اما بالنسبة لجوزاها فانا سألتها برده نفس السؤال قبل كدة وردت عليا رد مقنع جدا باختصار ( إن كل شيء قسمة ونصيب وانه كل شيء بايد ربنا ولا ايه ؟ )
بابا _ اقتنع بس لسه مش متقبل الفكرة وخايف _: ونعم بالله طبعا , طيب سيبني دلوقت يام حبيبة هدخل انام وابقي افكر ف الموضوع دا .
ماما : حاضر اتفضل يابو حبيبة تصبح ع خير .

حبيبة مستنية ع نار خروج ماما من الاوضة , فخرجت ماما :
حبيبة : ها يا ماما الحبيبة طمنيني سبع ولا ضبع ؟؟؟
ماما : لا سبع ولا ضبع , بس بصي انا كنت حاسة وانا بكلمه انه اقتنع بكلامي وقالي هيفكر بس خير ان شاء الله .
حبيبة : يارب خير ويقتنع ويوافق يارب عشان الكلية بكرة وانا خلاص يا ماما مش هخرج من البيت من غيره .
ماما : ربنا يهدي الحال .

حبيبة قاعدة بتذاكر بس كل شوية تسرح ف النقاب وتخيل نفسها وهي نازلة بيه لاول مرة بس ترجع وتخاف من قرار بابا وتقعد تدعي ربنا كتير وتكمل مذاكرة .

ماما وبابا قاعدين بيتفرجوا ع التليفزيون وبابا بيقلب ف القنوات لاقي الشيخ محمد حسين يعقوب وهو بيحبه فماما قامت تعمل لبابا شاي ,
وبابا قاعد بيتفرج ع الشيخ سمعه بيقول (( يا كل أب بتمنع بنتك من النقاب اتقي الله , لو النقاب فرض هتقدر تقف قدام ربنا وتقوله انا كنت بعارض بنتي وبمنعها من تنفيذ فرضك هتقدر ؟؟!! رد عليا ؟؟! ولو النقاب سُنة هيجيلك وش انك تقف قدام رسول الله صلي الله عليه وسلم وتقوله انا كنت بعارض سُنِتك ومش هخلي بنتي تنفذها ؟؟! تقدر ؟؟ امال فين حبك لله ورسوله ؟؟!!!! ....... ))

يا سبحان الله كلام جه في الجون
وبابا سمع الكلام واتأثر جدا بكلام الشيخ
وقال لا يارب مش هقدر امنع فرض لا يا رسول مش هعارض سُنتك !.
ونادي بابا ع حبيبة :
بابا : يا حبيبه .
حبيبة : نعم يا بابا .
بابا من غير مقدمات : البسي النقاب يا حبيبة انا موافق .
حبيبة : ايه ؟ بتقول ايه يا بابا ؟ بجد ؟ والله ؟ البسه ؟ انت موافق ؟ يا الله !!!! وانهمرت حبيبة في الدموع

بابا خد حبيبة في حضنه وقالها البسيه يا بنتي انا لا يمكن ابدا اعارض فرض ربنا او سنة نبينا عليه الصلاة والسلام .
وماما سمعت عياط حبيبة جت جري لاقيت حبيبة في حضن بابا وسمعت كلامه ليها وعيطت ماما هي كمان .

وخلاص حبيبة هتلبس النقاب من بكرة
هيه .

وصحيت حبيبة من نومها ف منتهي النشاط والسعادة
وهي بتكوي النقاب كل شوية تبوسه مش مصدقة انها هتلبسه وقعدت تدعي لماما وبابا والبنت المنتقبة الي قابلتها في الجامع وقالتلها ع النقاب .

ولبست حبيبة النقاب وراحة تسلم ع ماما وبابا قبل متنزل
حبيبة : ماما - بابا غمضوا عنيكوا .
بابا : اهو .
وريتهم شكلها بالنقاب والزي الاسلامي
وهم الاتنين في نفس واحد : ربنا يحفظك يا بنتي .

خرجت حبيبة من البيت بالنقاب لاول مرة
ويا ع الاحساس ياه .

فصحباتها منتظرينها وبالذات رقية كانت منتظراها عند باب الجامعة :
رقية واقفة لاقت اخت منتقبة جاية عليها : السلام عليكم يا اختاه .
رقية شاكة فيها : وعليكم السلام اختي ؟
الاخت المنتقبة : انتي مش عارفاني يا رقية انا حبيبة .. حبيبة لبست النقاب يا رقية .. حبيبة مش مصدقة نفسها يا رقية .. باركي لحبيبة وعقبالك يا رقية ..
رقية : واو مش معقول انا بقول الصوت صوت حبيبة بس مش لاقية حبيبة استخبت تحت زي العفاف .. الله عليكي يا حبيبة .. بجد متخليش انا فرحت اد ايه ودمعت رقية من فرحة صديقتها وانها بتمني تكون زيها .

وداخلين حبيبة ورقية الجامعة وقابلوا الشلة بتاعتهم
سارة : ايه دا مين دي يا رقية؟
رقية : تتوقعا تكون مين ؟
كلهم : معقول تكون حبيبة !!
حبيبة : هي بعينها حبيبة ايه رأيكم بقي في النيو لوك الاسلامي الجديد .
سارة : انتي برده نفذتي الي ف دماغك دا ؟
حبيبة : اه يا سارة الحمد لله والشكر لله عقبالك
سارة : الله اعلم .
حبيبة : تعرفوا انا ف غاية السعادة وحكيت لهم ع حلم امبارح وقعدت تكلمهم شوية ع النقاب وتحبهم فيه ,
وهي ماشية ف الجامعة يا كأنها جوهرة مصونة ماشية مش زي باقي البنات الي للاسف مش مقدرين قيمة نفسهم ومش مقدرين هم قد ايه غالين فلازم يحافظوا ع نفسهم من الي رايح والي جاي عمال ينهش ف جسمهم وجمال وشهم .


هكذا قد لسبت حبيبة النقاب ولكن النقاب ليس هو نقطة النهاية عند المسلمة لالالالالالالالالالالا هو نقطة البداية لها
**بداية طاعة الله سبحانه
**بداية اتباع سنة الرسول عليه الصلاة والسلام
** بداية الدعوة لله
** بداية التخلق باخلاق المسلمة الصح
** بداية التفوق الدنيوي والدراسي
** بداية الامتحانات والابتلاءات من الله لمعرفة صدقي معه
** بداية طريق السعادة الحقيقة المتمثلة في طاعة الله عز وجل .

والي القاء مع الحلقة الاخيرة من قصة حبيبة
وهي هتكون عن نماذج من الابتلاءات او المعوقات البسيطة التي تُقابل الاخت المنتقبة .

رد: أقوى المسلسلات حبيبة بابا عايزه ... مش ها تقدر تغمض عنيك
 

السلام عليكم ورحمة الله وبركاته


** (( الحلقة الاخيرة )) **



مواقف وطرائف وعقبات حبيبة بابا المنتقبة



نبدأ رحلة العقبات بشري لحبيبة بابا
والتليفون يرن:
حبيبة : السلام عليكم ورحمة الله وبركاته .. مين معايا ؟
المُتصل : وعليكم السلام ورحمة الله وبركاته .. انا رقية يا حبيبة .
حبيبة : اهلين رقية ازيك اخبارك ايه ؟
رقية : الحمد لله بخير يا حبيبة قلبي عندي ليكي حتة مفاجأة .
حبيبة : خير خير خير قولي يا قمر بشريني انا حاسة بالمفاجأة بس قولي وطميني
رقية : حبيبة انا هلبس النقاب باركيلي
حبيبة : واو .. بجد ..كان قلبي حاس بيكي يا حبي .. مبارك عليكي حبيبتي زي العفاف ..ربنا يبشرك بالخير يا رقية ويثبتك يارب .
رقية : الله يبارك فيكي يا حبيبة ويجازيكي عني كل خير حبيبتي بجد انتي بعد الله الي كان ليكي فضل كبير اوي اني احب النقاب الحب دا واني اقر اني البسه .. ربنا يكرمك يارب .
حبيبة : الحمد لله يا رقية .. ربنا بيسبب الاسباب اننا نكون علي طاعته اكتر واكتر .. الحمد لله .
رقية : الحمد لله والشكر .. ماشي ياحبيبة اشوفك بكرة باذن الله ف الجامعة .



الحمد لله بشري خير لحبيبة في بداية طريقها مع النقاب انها خدت بايد صاحبتها المقرّبة اليها لطريق الهداية وعشان يكونوا عون لبعض في الشدائد ان شاء الله .



حبيبة قاعدة بتذاكر وهتشد جامد في المذاكرة عشان الامتحانات قربت خلاص _ اول امتحانات مع النقاب _ فتسمع حبيبة الاخبار الوحشة الي حصلت والانقلاب عن النقاب وموقف شيخ الازهر منه فزعلت اوي
وفجأة بابا نادي ع حبيبة :
بابا: يا حبيبة
حبيبة : ايوة يا بابا
بابا: سمعتي الي حصل في الجامعات والمدارس عن النقاب ؟
حبيبة : ايه الي حصل يا بابا خير ؟
بابا : بيقولوا هيمنعوا المنتقبات من دخول الامتحانات بالنقاب !!
حبيبة : ايه ! مستحيل طبعا ! اكيد الخبر دا غلط يا بابا
بابا: غلط ايه يا بنتي دا القرار انا لسه قاريه في الجرنان !
حبيبة ف صدمة عمرها : لا ان شاء الله دي اكيد اشاعة يا بابا انا راحة الجامعة بكرة ان شاء الله وهتأكد من الخبر دا
بابا : ربنا يسر يا بنتي



حبيبة راحت اوضتها ومصدومة من كلام بابا والاخبار وقعدت تدعي ربنا كتير .



حبيبة كانت مستنية رقية ع باب الجامعة وهتشوفها بالنقاب لاول مرة وطبعا مش هتقولها ع الخبر الوحش الي سمعته عشان مش تصدمها من اولها .



حبيبة شافت واحدة منتقبة جاية من بعيد حست انها رقية وفعلا طلعت رقية وما شاء الله ولا قوة الا بالله شكلها بزي العفاف يشرح القلب .
واتقابلوا هم الاتنين وحبيبة باركت لرقية ع النقاب وشجعتها جدا عليه وحسستها بالانجاز الي عملته .
ودخلوا المدرج وطبعا صاحباتهم شافوهم هم الاتنين واستغربوا من رقية الي انتقبت ورا حبيبة علطول
فردت سارة وقالت :
سارة : ايه دا ؟ انتوا بتعدوا بعض ولا ايه ؟ دا النقاب بقي عدوي دلوقت يا ماما !!
حبيبة بتحاول تحب سارة فيه: تعرفي يا سارة انا نفسي كل البنات تتعدي وتلبسه ياه متخيليش فرح ربنا بينا قد ايه !!
سارة : صعب يا حبيبة صعب اوي عامة الف مبروك ليكم _ بتحاول تقفّل عشان مش عايزة تسمع كتير عشان مش تتأثر_



حبيبة استأذنت منهم هتروح تشوف حاجة _ راحة تتأكد من خبر بابا بتاع منع النقاب _
راحت سألت ف شئون الطلبة
وكانت الصدمة
طلع الخبر صحيح فعلا وان مفيش منتقبات هتدخل الامتحان بالنقاب ودا قرار وزاري
وحبيبة ماشية والدموع عمّالة تنزل منها وبتكلم نفسها :
ياربي هعمل ايه ؟
ازاي اقلع النقاب بعد كل دا ؟
ازاي ؟
اقلعه ؟
دا مستحيل ؟؟؟
طيب هعمل ايه ؟
مش هدخل الامتحانات بعد المذاكرة دي كلها ومش هكمل تعليمي ؟؟
ازاي ؟
طيب هقول لبابا وماما ايه وهم نفسهم يفرحوا بنجاحي الي وعدتهم بيه ؟؟
ورقية دي الي لسه لابسة النقاب النهاردة هتعمل ايه ؟
يا فرحة اعداء الاسلام فينا !!!
يارب كُن معنا يارب
يارب دبّرني اعمل ايه
وعياط وعياط



ومسحت دموعها وصلت المدرج تاني ورقية لاحظت ان حبيبة متغيرة :
رقية : مالك يا حبيبة حاسة انك مضايقة !
حبيبة : ليه منا مركزّة اهو .. سيبك مني يا رقية وركزي في المحاضرة .



بعد المحاضرة رقية اصّرت تعرف حبيبة مالها :
رقية : قولي بقي يا حبيبة مالك انتي مش عجباني
حبيبة : هقولك وربنا يستر , في قرار نزل عن منع المنتقبات من دخول الامتحانات ورحت اتأكدت منه طلع صحيح
رقية : ايه ؟ لا يمكن طبعا يا حبيبة اكيد ربنا هيقف معانا متقلقيش يا حبيبة ان شاء الله ربنا هيكرمنا بس اهم حاجة احنا نثبت ع نقابنا ومش نهتز ابدا.
حبيبة في ذهول من رد وثبات رقية : الله عليكي يا رقية ما شاء الله بجد متخيليش كلامك ريحيني قد ايه انا كنت خايفة اقولك اصلا عشان انتي لسه لابساه النهاردة .
رقية : يا سلام يا حبيبة هو احنا بنلعب ولا ايه احنا دخلنا تجارة او عملنا صفقة مع العظيم سبحانه الي لا يمكن يضيعنا ابدا وهيقف معنا وهينصرنا لما يشوف ثباتنا وعزيمتنا واصرارنا ع تكلمة مسيرة الطاعة .
حبيبة : ربنا يكملك بعقلك وايمانك يا رقية .. بجد كلامك زي البلسم ع قلبي ومعاكي حق ان شاء الله ثابتين طبعا .



حبيبة وصلت البيت مستبشرة بكلام رقية ودخلت فتحت موقعها المُفضل الطريق الي الله عشان تشوف كلام الشيوخ عن الموضوع دا وموقف المنتقبات منه
فما شاء الله لاقت خطبة د\ حازم والشيخ جلال والشيخ هاني عن نفس الموضوع وسمعتها وطمأنتها وثبتها اكتر واكتر ومواقف المنتقبات والموضوع الرائع :
(( همسة في اذن كل منتقبة ))




المشكلة دلوقت في بابا وماما هتقولهم ايه حبيبة
ماما : ازيك يا حبيبة اخبارك ايه واخبار الجامعة والخبر الوحش الي ابوكي قاله دا ؟؟
حبيبة : الحمد لله يا ماما تمام وبالنسبة للخبر هو للاسف صحيح انا سألت .
ماما : طب وبعدين هتعملي ايه ؟ هتقلعيه طبعا وقت الامتحان وخلاص وبعد كدة البسيه
حبيبة : يا ماما انا عمري ما هفكر اقعله ابدا , بس ربنا يسهل يا ماما ان شاء الله انا حاسة ان ربنا هيقف معانا وهيلغوا القرار دا , اصله كدة ظلم اوي ازاي يسيبوا المتبرجات يدخلوا عادي ويضربلهم تعظيم سلام واحنا الي يمنعونا _ دا حاجة تقرف _
ماما : عندك حق يا بنتي مهو كدة علطول الحاجة الحلوة هي الي بتتحارب .
حبيبة : صح يا ماما الحق والباطل هيفضلوا في صراع دائم الي يوم القيامة .



الامتحانات بتقرب ..بتقرب وحبيبة ورقية يتفقوا انهم متوكلين علي الله وفكروا بعض بالاية :
(( أليس الله بكافٍ عبده ))
وانهم هيعملوا الي عليهم لآخر لحظة وهيذاكروا وهيجتهدوا ف المذاكرة والي ربنا كاتبه هو الي هيكون غصب عن اي حد واي قرار .



والامتحانات خلاص هتبدأ بكرة وحبيبة خايفة بس خوف طبيبعي عشان الامتحان والاكبر هو دخولها اصلا ولكنها متوكلة ع الله
واخدت سيل من الدعوات من ماما وبابا وربنا معاكي يا حبيبة .



حبيبة داخلة الجامعة بكل ثقة فظابط الأمن وقفها : خير ؟ راحة فين يا انسة ؟
حبيبة : عندي امتحان وداخلة امتحن .
عم الظابط : تقريبا احنا علقنا يافطة كبيرة ومكتوب فيها ممنوع دخول المنتقبات الامتحان الا لو قلعته , هل انتي ناوية تقليعه ؟
حبيبة غيرت الموضوع وقالت : هو تقريبا ممنوع من دخول القاعة مش الجامعة نفسها صح ؟
عم الظابط : ايوة
حبيبة : طيب ممكن ادخل الجامعة الحق اراجع قبل الامتحان !؟
قالها اتفضلي وهو مستغرب



حبيبة داخلة وعلي يقين تام ان ربنا هيدخلها الامتحان وهتمتحن وهتحل كويس جدا ومن غير ما تقلع النقاب ازاي معرفش
سبحان الله دخلت القاعة ومحدش كلمها ولا قالها حاجة ولا اي حاجة ولا محتاجة سبحانك يارب



وحبيبة خارجة يا ع الفرحة الي هي فيها زي ما كانت واثقة بالظبط كله اتحقق ازاي
بقدرة الله سبحانه واخلاص حبيبة وثباتها



والحمد لله عدت الامتحانات كلها علي خير وكانت فترة اختبار كبير اوي لحبيبة اختبار تعليمي + الاختبار الاكبر وهو اختبار ديني والحمد لله نحجت فيهم .
ودا كان اول موقف تتعرضله حبيبة مع النقاب .



نيجي لتاني موقف ولكنه خليه بعد الفاصل ان شاء الله





فاصل ونواصل



تابعونا

رد: أقوى المسلسلات حبيبة بابا عايزه ... مش ها تقدر تغمض عنيك
 

(( تاني موقف من مواقف حبيبة مع النقاب ))
حبيبة بابا قرت طبعا مواصفات الزي الشرعي وانه الافضل يكون غامق يميل الي السواد
فحصل الموقف الاتي :


ماما كانت مجمعة الجيران عندها بيعملوا محشي مع بعض وكانت حبيبة برا كانت بتحضر درس علم
فخلص الدرس وجاءت حبيبة ع البيت
ودار الحوار الاتي :
حبيبة : السلام عليكم ازيكم جميعا .. مجمعين عند النبي إن شاء الله .
الجيران : وعليكم السلام ازيك يا حبيبة .. ايه يا بنتي دا انا اتخضيت منك من السواد دا .. يا بنتي انتي لسه صغيرة وفي عز شبابك .. دفنتي نفسك ليه كدة تحت الاسود دا .. اعوذ بالله ..!!
حبيبة :اعوذ بالله ايه طنط انتي شفتي عفريت ولا ايه ؟! يا طنط دا الاسود مُريح جدا .. وشيك وقيّم غير باقي الالون الخلطبيطة التانية .
الجارة ام محمد: طيب ما انتي كنتي بتلبسي الخلطبيطة دي وكنتي بتبقي شيك برده ايه الي حصل بقي والاكتئاب بتاع الاسود دا ؟!
حبيبة : اه يا طنط فعلا كنت بلبس الوان قبل كدة بس مكنتش اعرف ان الافضل عند ربنا هو البس الغامق عشان مش يحدد معالم جسم وعلي فكرة مش شرط اسود بس لا طبعا ممكن بني او كحلي او زيتي او لون اي غامق مش مُلفت بس انا بحب الاسود .

الجارة بتبص لحبيبة باستغراب وكملت حشي المحشي بدل متحشي مخ حبيبة .

بعد مهرجان وهيصة المحشي كل جارة راحت علي بيتها ومع الف سلامة _ عشان كمان لفتوا نظر ماما وحشوا مخها مع المحشي بموضوع الالوان دا _ :

ماما : طيب يا حبيبة ما ام محمد عندها حق ايه الاسود الي انتي بقيتي لازقة فيه كدة علطول !! وكل عباياتك الملونة الي كانت عندك هترمي بقي ان شاء الله ؟!
حبيبة : لا يا ماما طبعا مش هترمي ان شاء الله هلبسها في اي مناسبة او كدة وعد مني ليكي يا ماما يا حبيبتي يوم نتيجتي هلبس واحدة فيهم ايه رايك بقي يا قمر !
ماما : برده خدتيني في دوكة يا لمضة يا لئيمة وغيرتي الموضوع لموضوع انا نفسي فيه اني اشوفك ناجحة بتفوق واحلي عروسة يارب يابنتي .
حبيبة : يارب يا ماما يا حبيبة قلبي .

وعدا الموقف التاني علي خير والحمد لله والمحشي كان تحفة .

انتظروا الموقف التالت

رد: أقوى المسلسلات حبيبة بابا عايزه ... مش ها تقدر تغمض عنيك
 

( الموقف الاخير لحبيبة بابا )


ويمر كام شهر من امتحانات حبيبة فالنتيجة خلاص ع وشك وحبيبة قاعدة ع نار وقلقانة وخايفة ولكنها واثقة ف ربنا طبعا .
فالنتيجة تطلع ع النت ورقية بتصل بحبيبة :
رقية : ها يا حبيبة طمنيني عملتي ايه ؟؟؟؟
حبيبة : عملت ايه ؟؟ هي طلعت ولا ايه خلاص ؟؟
رقية : ايوة يا حجة طلعت ع النت شوفيها بسرعة وطمنيني .
حبيبة : يا نهار .. طيب انتي عملتي ايه يا رقية طمنيني ..؟
رقية : الحمد لله جبت جيد مع اني كنت خايفة مجيبش تقدير بس سبحان الله اكيد بركة النقاب .
حبيبة : مبارك حبيبتي رقية عقبالي يارب اما افرح وافرح اهلي يارب انا هروح اشوفها بقي اوك ادعيلي ربنا يستر
فماما كانت سامعة المكالمة وقلقانة جدا
وحبيبة قالت لماما خليكي انتي هنا في الصالة يا ماما وانا هروح اشوفها ع النت واجي اطمنك وابشرك
واهو دخّلت اسمها ورقم الجلوس وخلاص صفحة النتيجة اهو هتفتح , وحبيبة مغمضة عنيها وقلبها بيدق جدا ,
وفتحت عينيها لاقت البشارة
امتياز
الله اكبر
الله اكبر
وحبيبة تنهمر ف العياط من الفرحة
يا الله .. كم انت كريم .. كم انت شكور ..كم انت عظيم .. بحبك اوي يارب .
يا ماما .. يا ماما .. يا ماما .. يا ماما .. زغرطي يا ماما
افرحي يا ماما .. ابشري يا ماما .. امتياز يا ماما .
وماما تدمع من الفرحة وخدت حبيبة ف حضنها وهم الاتنين يعيطوا .
حبيبة : شوفتي يا ماما مش انا قولتك ان ربنا كريم اوي وهيكرمنا اوي لما نطيعه , واهو كرمنا اخر كرم والحمد لله .
ماما : ونعم بالله .. الحمد لله يارب احمدك ياربي واشكرك وماما مش قادرة تتكلم من الفرحة .

وبابا يجي من شغله وسط الموقف الرائع دا
بابا : خير انا سامع صوتكوا من ع السلم خير ؟
حبيبة : حظر فزر يا بابا العزيز بنتك هتفرحك بايه ؟؟
بابا : احظر .. افزر .. ايه النتيجة طلعت ؟!
حبيبة : اه يا بابا طلعت وباعلي صوتها جبت امتياز يا بابا .
بابا شنطة الشغل وقعت منه من الفرحة : والله بجد يا حبيبة !
حبيبة : اه والله يا بابا افرح يا بابا انت وماما والله انتوا تستاهلوا كل خير , انا قعدت ادعي ربنا اني اجيب تقدير حلو عشان افرحكوا انتوا قبلي والله واهو الحمد لله ربنا اداني احلي واعلي تقدير .
بابا : يا حبيبتي يا بنتي وخدها في حضنه وماما دخلت معاهم وكلهم خدوا بعض ف حضن بعض .

ما اجمل طعم النجاح في ظل طاعة الله !!
ما احلي ان يذوق الانسان ثمرة تعبه طوال الوقت !!
ما احلي ان يكون المسلم مُطيع لله + متميز ف الدنيا !!

اسرة حبيبة الفرحة مش سايعاهم
فهيعملوا عزومة كدة ع الضيق انطلاقا من :
(( قل بفضل الله ورحمته فبذلك فليفرحوا هو خير مما يجمعون ))
العزومة هيدعوا فيها اخت حبيبة المتزوجة المسافرة برا مع زوجها واولادها واهي فرصة للم الش , وجاءت اخت حبيبة بالسلامة هي واسرتها ويباركوا لحبيبة ع النجاح الباهر وفي هذه العزومة يحصل الموقف الاتي :
حبيبة واختها وماما طبعا بيحضروا احلي اكل واحلي حلويات ,
وجاء موعد الغداء طبعا كلهم قاعدين بيكلوا ما عدا حبيبة ليه ؟ مين شاطرة هتقول علطول ؟!
طبعا عشان حبيبة منتقبة وزوج اختها قاعد بيأكل معاهم
فحبيبة كلت في اوضتها وخلصت اكل وراحت المطبخ وطبعا عارفة ومتأكدة انهم كلهم بيكلوا جوا فمش لابسة الاسدال ولا النقاب .
فايه الي حصل بقي وهي في المطبخ ؟!
صلوا ع النبي الاول
عليه الصلاه والسلام
زوج اختها عارف او معتقد ان حبيبة ف اوضتها
فجاي يغسل ايده بعد الاكل ومُتجه الي المرحاض
فطبعا حبيبة اتخضت جدا انها حست ان هو جاي وهي مش لابسة الادوات , فراحت قفلت نور المطبخ بسرعة واستخبت تحت الحوض لحد مهو يمشي ,
فبعد اما خلص غسل يداه فحضرته عايز يشرب فدخل المطبخ عشان يشرب من التلاجة , وحبيبة مرعوبة جدا يشوفها ولو حتي ف الضلمة كدة ممكن يحسبها عفريت قاعد تحت الحوض , فالمهم هو فتح التلاجة بس مفتحش نور المطبخ وجاب الازازة وهو بيشرب اتخايل بحاجة غريبة تحت الحوض فاستغرب وكان لسه جاي يشوف ايه دا , فحبيبة راحت قايله انا انا خليك مكانك ,فلاقت دا راح رمي الازازة واتخض حتة خضة _ كان بيحسبها عفريت فعلا _ .
وبعدها طلع جري ههههههه
احسن عشان يحرم انه ميتأكدش ان في حد جوا ولا لأ
هي سايبة ولا ايه ؟؟؟

نتعلم من هنا درس بسيط :
طالما يا اخت يا منتقبة عندك حد غريب ف بيتك يبقي نقابك ميفارقكيش ابدا ومتقوليش بقي دا زوج اختي دا قريبي لالالالا مفيش نقاش ف الموضوع دا اوك
عشان متنزليش تحت الحوض زي حبيبة كدة .



ونجحت حبيبة نجاح باهر والحمد لله وهي واسرتها دلوقت ف منتهي السعادة .


وحبيبة كانت بتصلي الجمعة في الجامع واثناء الخطبة لاحظت حبيبة ان سيدة كبيرة عمالة تبص عليها من اول ما الخطبة بدئت , فبعد انتهاء الصلاة هذه السيده ندهت ع حبيبة ودار الحوار الاتي :
السيده : السلام عليكي يا بنيتي ؟
حبيبة : وعليكي السلام ورحمة الله وبركاته
السيده : ممكن معلش اخد من وقتك ثواني ؟
حبيبة : اتفضلي يا طنط .
السيده: هو انتي مرتبطة او مخطوبة او كدة ؟
حبيبة اتسكف وشها احمّر : لا يا طنط .
السيده : طيب الحمد لله بصي يا بنتي انا بدور لابني ع عروسة وحاسة انك عروسة ابني مش عارفة ليه , انا ابني ملتحي وحافظ كتاب الله ومهندس ونفسه ف عروسة ملتزمة زيك كدة ايه رايك يا بنتي ؟
حبيبة مش عارفة تقول ايه ولا تعمل ايه من الدهشة والكسوف والموقف كله : والله يا طنط انا مش عارفة اقول لحضرتك ايه وبصت ف الارض .
السيده : انا عارفة انك محرجة بس انا صدقيني ارتحتلك اوي فيها ايه لما تجربي .. ممكن العنوان او رقم تليفون بابا ؟؟!!
حبيبة : طيب اتفضلي يا طنط رقم بابا .

وخلص الحوار مش مصدقة وروحت البيت وحكت لماما

ماما : بجد والله .. ربنا يكرمك يا بنتي ويجعلك ف الطيب نصيب واشوفك احلي عروسة .
وماما قالت لبابا ع الموقف وبابا برده فرح وربنا يسهل

وفجأة تليفون بابا يرن وقلب حبيبة يدق جامد وطلعت جري تسمع المكالمة :
بابا: السلام عليكم .. مين حضرتك ؟
المُتصل : وعليكم السلام .. انا الي والدتي اتكلمت مع بنت حضرتك ف المسجد .
بابا : اهلا وسهلا .
العريس : اهلا بحضرتك ممكن اجي البيت امتي ؟
بابا بيبض لحبيبة وابتسم : اتفضل يابني .. يوم الجمعة بعد العشا مناسب لك ؟
العريس : اه مناسب ان شاء الله شكرا جدا لحضرتك .

وانتهت المكالمة وبابا فرحان جدا بنته حبيبة قلبه اخر العنقود حبيبة الحبوبة هتقبي عروسة
وقالها يلا حضر نفسك يا جميل يوم الجمعة وماما تخد حبيبة ف حضنها وف منتهي الفرح ,

وجه يوم الجمعة وحبيبة حضرت نفسها وخلت البيت ع سنجة عشرة وجرس الباب يرن وقلب حبيبة يرن معاه

, بابا فتح وسلم ع العريس وقاله اتفضل ف الصالون اهلا وسهلا وقعدوا يتكلموا شوية ودخلت ماما القت السلام عليه ورحبت بيه وقعدوا شوية كدة وجاء دور العروسة
وحدثت المقابلة الشرعية وانتهي اول لقاء
وهتبدأ صلاة الاستخارة مباشرة _ مش بعد اما اخد القرار انا _
وبعدها حست حبيبة بقبول وشافت فيه الشخص الي بتمناه وماما وبابا برده وافقوا عليه موافقة مبدئية ولكن لسه هو موافقته , فالتليفون يرن وماما ترد :
ماما: السلام عليكم .. مين حضرتك
المتصل : وعليكم السلام .. انا والدة العريس
ماما : اهلا وسهلا
الوالدة : اهلا بيكي اهلا بوالدة عروسة ابني, من ساعة ابني ما جه عندكوا البيت وهو مبسوط وصلي استخارة وارتاح اوي لحبيبة .. فممكن نيجي البيت مرة تاني ولا ايه موقف حبيبة ؟
ماما _ في فرحة شديدة _ : اهلا بيكم تنوروا وابنك ما شاء الله مهذب واخلاق وملتزم.
الوالدة : طيب ع خيرة الله .. ربنا يوفقكم يارب .

وماما بتبشر حبيبة بالمكالمة الجميلة والدنيا مش سايعاهم وكل الي حبيبة بتقوله بس :
انت كريم اوي يارب .
انت شكور اوي يارب
انت عظيم اوي يارب .
انا بحبك اوي يارب .

ويتحدد معاد لخطوبة حبيبة الحبوبة وتدخل ع موقعها المفضل عشان تشوف طرق الفرح الاسلامي فلاقيت موضوع هايل :
فرحي اسلامي ..ليه شكل تاني

وكانت احلي خطوبة اسلامية لذيذة



وخلاص توتة توتة .. خلصت الحدوتة

حدوتة حبيبة بابا مع الالتزام واثر وفضل الالتزام عليها


ارجوا ان تكونوا قد استمتعوا مع القصة



اقتباس:
ومطلوب من كل اخت قرأت القصة من اولها لاخرها
اقتباس:

ان تقول لنا اي حاجة استفدتها منها في جملة واحدة فقط