ازياء - فساتين سهرة و مكياج و طبخ - انا ماأبيك تسألني انا ابيك تفهمني

انا ماأبيك تسألني انا ابيك تفهمني

-------------------------------
.أنا ما أبيك تسألني.. تكفى ......أبيك تفهمني ...أنا ما فيني شي...

جوابي العادي لسؤالك المعتاد...

تبي تعرف وش الي فيني...

أوقف معي لحظة...وحاول تكتب معي..

على سطور الورق..وبحروف من حبر القلم...

أكتب في أول السطر أو حتى في آخر السطر..

أنا ما فيني شي..

أنا مو بيقتلني الندم..

أنا كلي آهات وألم..

أنا في نهاري..جروح قلبي تصاحبني..

وفي ليلي..الوحدة تلازمني..

أنا ما فيني شي...بس أبي كل شي..

أبي إنسان يفهمني...يستوعب مدى جرحي..

ويمحي بلمسة أثر همي..

أبي إنسان يحكمني..من راسي لأقدامي..

أبي حضنه يدفيني...كل ما نزلت دمعة من عيني...

أبي عينه تناظرني...وحرارة شوقه تحرقني..

أبي جسمه يلم الي بقى فيني...

وبقوة يحسسني بجنون الحب وأنواعه..

وأحس إني أمل روحه...ودمه الي بعروقه..

وإني كل ما كان من عمره..

وحلمه الي عايشٍ لأجله..

وأحس إني عالمه كله..

وأقرب له من شرايينه..

وأكثر حتى من نبض قلبه..

أبيه يحبني لذاتي..ويعشق حتى نظراتي..

ويموت..يموت بهمساتي..

أبي لا جيت له أمشي..

يجري شوقه يحضني..ويسابقه حبه..

بعد كل هذا تسألني..وش فيني..!!

أنا ما أبيك تسألني...أنا أبيك تفهمني..

تعبت..

تعبت من الأسئلة..وتعبت أكثر من تكرار الأجوبة..

أنا ما أبي أسمع إلا كلمة...

كلمة ترد الروح فيني..وتنسيني جروحي..

أنا ما فيني شي..

بس أبيك تحسسني بكل شي